Rom Dãmba 12:11 - SEBR SÕNGO

¹¹ Yɩ-y neb sẽn tʋmd n ka vʋʋsdẽ ye, neb sũur sẽn kɛɛd ne Soaala tũumde.

KÃAB-PAALGÃ KOE-NOOGO

¹¹ Yɩ-y neb sẽn wɩngd ne tʋʋmde, la y da yɩ kʋɩɩmb ye. Wɩng-y ne sɩɩgã yelle. Maan-y Zu-soabã tʋʋmde.

WẼNNAAM SEBRE 2014

¹¹ Yɩ-y neb sẽn wɩngd ne tʋʋmde, la y ra yɩ kʋɩɩmb ye. Wɩng-y ne sɩɩgã yelle. Maan-y Zu-soabã tʋʋmde.

Rom Dãmba 12:11 Iomraidhean Croise

Yikri 5:17

Dĩma leok-b lame: «Yãmb yaa kʋɩɩm dãmba, kʋɩɩm dãmb menga, yaa rẽ la y sẽn yete: tõnd dat n tɩ kʋʋ maoong n kõ Soaala-Wẽnde.

Yelbũna 10:26

F bao kʋɩɩm daolgo n kẽes f tʋʋmdẽ, f paama bõn-miisg sẽn na n zãab f yẽna la bug-zõos sẽn na n leo f nini.

Yelbũna 13:4

Kʋɩɩm-daolg dat rɩɩb n zoet toogo, tɩ sẽn ka zoet-a toog raab na n pid zãnga.

Yelbũna 18:9

Kʋɩɩm daolgo yaa tẽn-wãad ma-biiga.

Yelbũna 22:29

Yɩ ned sẽn mi-a a tʋʋmde la ra yɩ tʋʋm-tʋmd yaalg ye tɩ woto rĩma meng wat n kẽes-f-la a tʋʋmnẽ.

Yelbũna 31:15

*Fooda kallã tɩ zĩig nan pa yẽeg ye, n segl dɩɩbo a zak rãmb yĩnga, n wilg a roog kamba fãa b tʋʋmde.

Kowelɛt 9:10

Tʋʋmd ninga fãa f sẽn tõe n maane bɩ f maan-a wa f sẽn tõe tɛka, tɩ tʋʋmde, bɩ tagsgo, bɩ yam minim, bɩ yẽesem ka be kɩɩmkulgu f sẽn dabdẽ wã ye.

A Ezayi 56:10

Tõnd rũn-kɩɩmbã ya zoeens gilli, b fãa gill ka mi baa fɩ. B fãa yaa ba-mugsi n ka tõe n wes ye. B gãeeme n zãmsdẽ, la b tar suusgu.

A Matiye Sõng 24:12

Yel-wẽna sẽn paasd n dabd yĩnga, taab nonglem na n wooga wʋsg sũurẽ.

A Matiye Sõng 25:26

Dẽn la zu-soaba leok yã: ‹Nin-yoogo la kʋɩɩm daolgo, fo ra mii tɩ m kẽebda m sẽn pa bʋdẽ, la m wʋkda m sẽn pa yɛdgẽ,

Tʋʋma 18:25

A ra paam n zãmsa sor ning sẽn boond tɩ Soaala sorã la a ra pelga a sũuri n moonẽ la a gomd a Zezi yell tɩ tũud tɩrga, la yaool n ya a Zã soobã la a so yã.

Tʋʋma 20:19

M tʋma Soaala tʋʋma ne yam sulgri, ne nintãm, ne namsg ning Zʋɩf rãmba sẽn nams maam ne b no-baoorã.

1 Korẽnt rãmba 7:22

Ned ninga sẽn da yaa yamb a boolg wakata bãng t'a lebga Soaala burkĩna La sẽn da yaa burkĩna a boolga wakat lebga Krista yamba.

Efɛɛz Rãmba 4:28

Sẽn da zuuda bɩ a bas wagdem, a bao a nug tʋʋmde, a me tõog n maan neere n sõng a taaba sẽn tar naongo!

Kolos Rãmba 4:1

Zu-soaben-dãmba, da mong-y y yemse bũmb ning sẽn segd la sẽn tog ne b vɩɩm sõng ye: ad-y yãmb me tara Zu-soaba sẽn be arzãna.

1 Tɩmote 5:13

N paas me, b tʋʋma sẽn ka waoogã, wat n lebga rot saab bala. Saab yẽnẽ yee n yaẽ la sa-vɩʋʋdo, ayoo! Saadame n tar goama; gomda sẽn ka pak-ba, gomda yaare.

Ebre rãmba 12:28

Woto wã tõnd sẽn lebg Rĩung sẽn kõn lʋɩ abada soaalba, bɩ d kell n tall Wẽnd kũuna neere n tõog n waoog-b ne waoogr sẽn tat b yam, n waoog-b ne waoogr ning sẽn tog ne Wẽnde la a wat ne gũusgu.

Zake 5:16

Wilg-y taab y beegre fãa. Pʋʋs-y n kõ taaba tɩ y fãa paam sãoogre. Nin-sõng sã n yõk sɛɛga, wa a sẽn tõe tɛka, a tara pãnga.

1 Pɩyɛɛr 1:22

Yãmb sẽn deeg sɩdã, yaa yãmb sɩɩs n paam sõmblem tɩ y na n nong taaba wala ba-biis bala; dɩlla bɩ y ra vʋʋs ye la nong-y taaba ne pʋ-peelem zãnga.

1 Pɩyɛɛr 4:8

Bũmb zãnga tall-y taab nonglem tɩ nonglem luta yel-wẽna.

Vẽnegre 2:4

La bũmb n be tɩ m sũur ka noom ne foom, yaa f sẽn maage ne f pĩnd nonglma.