Rom Dãmba 1:23 - SEBR SÕNGO

²³ Woto b rɩka Wẽnnaam ne b zɩɩrã la b sõmblema sẽn ka tɛkã, m mams-b ne bõn-yaals wẽnego, n tol n kõ Wẽnd sẽn ka kiidã ninsaal, luiila, rũnga, bɩ bõn-vuudr yĩn-kidgã.

KÃAB-PAALGÃ KOE-NOOGO

²³ La b teka Wẽnnaam sẽn ka kiidã ziir ne bõn-naands sẽn mamsd ninsaal sẽn kiidã, la liuuli, la nao a naase, la bõn-vuudsi.

WẼNNAAM SEBRE 2014

²³ Bãmb teka Wẽnnaam sẽn ka kiidã ziir ne bõn-naands sẽn mamsd ninsaal sẽn kiidã, la liuuli, la nao a naase, la bõn-vuudsi.

Rom Dãmba 1:23 Iomraidhean Croise

Yɩɩn‑sõamyã 106:20

la b teka Wẽnd ziirã ne naaf dẽnna, b tek-a-la ne yamd wãbd dẽnna.

A Ezayi 40:18

Ãnda la y na gese n yeele: woto la Wẽnd wẽnego! Bõe la y na n dɩk m mams ne Wẽnde;

A Ezayi 40:26

Zẽk-y neng yĩngri la y gese, ãnda n naan ãdsã la sẽn be yĩngrã? Sã n ka Wẽnd ninga sẽn yalsa ned kam fãa a zĩigẽ, n yals-b b zĩigẽ wala tãb-biisi, la b boond ned kam fãa ne a yʋʋre, tɩ ned ba a ye ka be n kɩɩsdẽ ye.

A Ezayi 44:13

Da-pɛɛsa sɩngda magbo, n karg ne bug-zẽongo a sẽn dat tɩ naanda yɩ a soaba, n yaool n dɩk a pɛsga n tũ sõogrã n pees raoogã, n kõ-a ninsaal yagdo la ninsaal nenga, n wa tol n kẽes-a a waoogr doogẽ.

Zeremi 2:11

B maneg n sok n ges tẽn-bʋg rãmba n teem b wẽnd dãmba? Ad-y yaool n da ka wẽnd me ye. Mam buuda zug sẽn noome t'a paam tɩ m yaa a Wẽnde, yẽnda n tek a rẽnda sẽn pid ne ziir, yẽnda n bas maam n kẽ wẽn-faado.

Ezekiyɛl 8:10

Mam kẽe n gesame; da yaa gʋlb la b kar yã, n makd wiis buud fãa la rũms yoodo, n paas a Israyɛl sẽn waoogd wẽn-naands niynsa, bãmb n pid lalsã n karg n sege.

Tʋʋma 10:12

Zãnega ra pida ne rũms sẽn tar nao a naase la bõn-vuudi la yĩngr luiili.

Tʋʋma 17:29

Tõnd ne Wẽnd sã n ya buud a ye, d ka tog n mams-ba wala sãnem, wanzurfu bɩ kugr, ninsaal minim la a bãngr sẽn yag ye.

Rom Dãmba 1:25

Wẽnnaam bas-b lame tɩ yaa bãmb n deng n bas Wẽnde, n dɩk Wẽnnaam sɩda n tek ne zirẽ-beedo, n lɛɛg n kẽ bõn-naands n waoog-ba, n yaool n bas Naanda sẽn tog ne pẽgr wakat buud fãa. (Ami!)

1 Korẽnt rãmba 12:2

Y sẽn waa n nan ka kẽ Soaalã, y mi tɩ yaa y wẽn-mugsã yamleoog n da tar-y n lengdẽ.

Yaoolem 5:8

F kõn bao wẽnego n kõ bũmbu, bũmb sẽn be yĩngr saag zug bɩ tẽng zug bɩ koomẽ, n lɛɛg n yeel tɩ yẽ la f wẽnd ye.

1 Pɩyɛɛr 4:3

Y sẽn yik pĩnd n tũ bu-zẽmba raabã, ka sek-y sɩda? Yãmb saka b yoobo, b yel-yoodo, b rã-tɩgre, b rɩ-bɛda, b yũud n pa roogdẽ, b bõn-naands waoog yoodo.

Vẽnegre 9:20

Ne rẽ fãa neb niyns sẽn põs-b tẽn-kũuma ka lak ne b yel-wẽna ba bilfu. B ka vẽ ne b sʋtãamba waoogre, bõn-yood niyns sen naan ne sãnem, wanzurf, kugri, bɩ raoogo, bõn-yood sẽn ka nini, n ka tʋba n ka nao.