Kowelɛt 9:9 - SEBR SÕNGO

⁹ Vɩɩnd f vɩɩm ne pag ninga f sẽn nongã, ka võor vɩɩma tɛka, Wẽnnaam sẽn kõ-f saaga tẽngre, tɩ rẽ la fo me pʋɩɩre, rẽ la f rolbo, f tẽng zug vɩɩm tooga rolbo.

WẼNNAAM SEBRE 2014

⁹ Maan sũ-noog ne pag ning fo sẽn nongã, vɩ-zaalg ning Wẽnnaam sẽn kõ foom dũniyã zugã wakate. Bala, yõwã la fo pʋɩɩr f vɩɩmã pʋga, la tʋʋmd ning fo sẽn maand dũniyã zugã pʋga.

Kowelɛt 9:9 Iomraidhean Croise

Sɩngrẽ 26:8

A Izaak sẽn kẽ Gerar n maan dasem a wãna la a Abimelɛk sẽn ges a roog võorẽ n yãend a Izaak ne a Rebeka tɩ b sõsd ne taaba.

Yɩɩn‑sõamyã 144:4

Ninsaal zɩslem, pemsem dẽnna, a vɩɩma, bõn-yɩgdr sulunsuku.

Yɩɩn‑sõamyã 39:5

Soaala, wilg-y maam m sẽn na n baas to-to, wilg-y m raara sẽn mag n tek zĩig ninga tɩ m bãng tɩ m bee rũnna n ka beoog ye!

Yelbũna 18:22

F sã n paam paga, f paama sũ-noogo; yaa kũun la f paam Wẽnd nengẽ.

Yelbũna 19:14

Yir ne arzɛka yaa f ba n bas n looge, pʋg-sõng ne yam sẽn pidi yaa Naaba-Wẽnd kũuni.

Kowelɛt 2:10

Mam gesa m nini sẽn tʋlg n ges bũmb ninga fãa, la m ka mong m sũurã sũ-noog ba a ye. M sũur yɩɩ noogo ne m tʋʋmda fãa, dẽ n yɩ yõod ninga m sẽn dɩ, m tʋʋma pʋgẽ.

Kowelɛt 2:24

Ninsaal raab yaẽ la a rɩẽ la a yũẽ la a lembẽ sũ-noogo ne a tʋʋmde. M neeme tɩ yaa Wẽnd me raabo.

Kowelɛt 3:13

Ned sã n dɩtẽ la a yũuda, a sã n paamd sũ-noog a tʋʋmd fãa pʋgẽ, a bãng tɩ rẽ yaa Wẽnd kũuni.

Kowelɛt 3:22

Mam neeme tɩ ninsaal sũ-noog yaa a kɩdem a tʋʋma yĩnga; tɩ rẽ yaa ninsaal pʋɩɩre. Ãnna n na n tall-a t'a lɛɛg n wa ges sẽn yõdg n maan a poorẽ?

Kowelɛt 5:18

La f sã n zãad arzɛka, n zãad paoongo, f sã n paam n dɩt f tʋʋma yõodo la f kɩdemnẽ, ad rẽ yaa Wẽnd kũuni.

Kowelɛt 6:12

Ninsaal vɩɩma loogda wa sulunsuku. Ãnd n mi a sẽn tog n maan bõn-sõng ning n yɩɩda ne vɩɩm koɛɛg a woto buudu?

Kowelɛt 7:15

Mam vɩɩma ne a ya koɛɛga, ad-m paam n bãngame tɩ d tõe n sega fãa. Nin-sõng sẽn kiid ne a sẽn yaa nin-sõngã, tɩ nin-wẽng ket ne yõore ne a sẽn yaa nin-wẽngã.

Malasi 2:15

Soaala kɩtame tɩ foo ne f paga lebg bũmb a ye y yĩngẽ la y yamẽ. La y sẽn lebg nin-yendã, bõe la y raabo sã n ka Wẽnd kõ-y kamba? Woto wã, gũus-y la y ra bas y sẽn kẽ kãadem ne pag ning y bi-bɩɩlma wakat ye.