Kowelɛt 9:7 - SEBR SÕNGO

⁷ Dẽ yĩnga, bɩ f rɩ f dɩɩbo, ne sũ-noogo, la f yũ f rãam ne yamleoogo, tɩ Wẽnnaam zoe n mi-la f pʋga, b zoe n mi-la f tʋʋma.

WẼNNAAM SEBRE 2014

⁷ Bɩ f kẽng n tɩ rɩ f rɩɩbo, la f yũ f reezẽ rãam ne sũ-noogo. Bala, Wẽnnaam zoe n sak n deega fo sẽn maandã.

Kowelɛt 9:7 Iomraidhean Croise

Kowelɛt 10:19

Nin-bɛda segenda rɩ-noogo n na n kiis b yɩɩre, la rãam kɩtdame tɩ vɩɩm yaa noogo, la ligdi sõngame tɩ f paamd f sẽn dat fãa.

Yaoolem 12:7

Be la y na n dɩ Wẽnnaam, y Soaala, taoore la y yik n kɩdem sũ-noogo ne y zak rãmba, y mens la y tʋʋma sẽn paam bark wakat ning fãa y Wẽnnaam, y Soaala, nengẽ.

Kowelɛt 8:15

La mam yẽ pẽgda sũ-noogo tɩ ninsaal yĩnga, bũmb ka be saaga tẽngr sẽn ya sõmbo sã n ka rɩ la f yũ la f noog f sũuri. Dẽ n tog n yãag-a la sõng-a a tʋʋmnẽ, a vɩɩma zãng, tẽng zug ka.

Kowelɛt 5:18

La f sã n zãad arzɛka, n zãad paoongo, f sã n paam n dɩt f tʋʋma yõodo la f kɩdemnẽ, ad rẽ yaa Wẽnd kũuni.

Tʋʋma 10:35

Fo buuda sẽn yaa soaba, f sã n zoet Wẽnde la f maand sẽn zemse, b pʋgda f poore.

1 Rĩm-dãmbã 8:66

Daar a nii soaba a Salomo sẽega nebã. Bãmb me pʋʋsa dĩma, la ned kam fãa leba a yiri. Yɩɩ kaasgo tɛka la b sũur yɩɩ noogo ne Wẽnd sẽn maan ne b tʋʋm-tʋmd a Daviid la buud a Israyɛl.

Yaoolem 12:12

Y na n kɩdma sũ-noog y Soaala taoore, yãmb ne y kom-dibli la y kom-pugli, y yemse la y yem-pogse la Levitsa sẽn naag n kẽed ne yãmba n yaool n ka tar b buud pʋɩɩr wa yãmbã.

A Zã Sõng 4:50

A Zezi yeel-a lame: «Kul tɩ f biiga vɩɩme.» A tẽe a Zezi goama la a rɩka sor n kuiisẽ.

A Luk Sõng 11:41

Dɩk-y y sũura sẽn gãd bũmb ningã n maan wẽn-kosgo tɩ sẽn keta fãa na yɩ yɩlgemde y yĩnga.

A Mark Sõng 7:29

A Zezi yeel-a lame: «Fo gomd kãnga yĩnga bɩ f kẽng tɩ Sʋtãana yiime n bas f biigã.»

Sɩngrẽ 12:19

Bõe yĩng tɩ fo yeel tɩ ya f tão tɩ mam deeg a n na n maan m paga. Deeg f pagã n yik n menem!»

Sõadga 6:20

Maan-kʋʋda maanda a sẽn tog n maane tɩ b lebg Wẽnd rũuni. Bũmb me sẽn lebgd kũun sõng maan-kʋʋda yĩnga, yaa rũnga yãoogo a sẽn dɩk tees Wẽndã la gerã a sẽn yãkã. Ya rẽ poore marsã la sẽn pʋlma meng Wẽndã tõogd n le yũ rãam.

Kowelɛt 7:14

Kɩdeng daar bɩ f noog f sũuri, la ko-yũud daare bɩ f tagse: ad Wẽnnaam n maan bãmb b yiibã fãa la ninsaala ka tõe n yãg n bãng bõe n na n lʋɩ taoore, t'a to pʋg ye.

Kowelɛt 11:8

Ninsaal sã n kaoosd ne yõore bɩ a ning pãnga n noog a sũuri la a yʋʋma fãa zĩnd yõodo a yĩnga. A bãng bala tɩ zu-beed dasem sõore n na n yɩɩge.

A Ruti 3:7

A Booz dɩɩme la a yũ, n yik ne sũ-noogo n tɩ gãand n yegl a ka-rʋrã. A Rut kolgame n bao zĩig a naoẽ n gãande.