Kowelɛt 3:11 - SEBR SÕNGO

¹¹ Bãmb sẽn maan fãa zemsa ne a wakato. B basda ninsaala t'a ges zamaana sẽn tong taaba, n yaool n pa basd t'a wʋm bãmb sẽn maan bũmb niynsa võore, b sɩngre n tãag b baasgo.

WẼNNAAM SEBRE 2014

¹¹ Wẽnnaam maana bũmb fãa sõama n zems a wakate. Bãmb ninga wakat sẽn ka sɛt tagsg ninsaal sũur pʋgẽ, baa ne yẽnda sẽn ka tõe n tags n bãng tʋʋmd ning Wẽnnaam sẽn maan hal sɩngr tɩ ta sɛɛbã.

Kowelɛt 3:11 Iomraidhean Croise

Sɩngrẽ 1:31

Naaba-Wẽnd gesa b sẽn naana fãa: fãa ra yaa sõmbo. Zĩig sobgame n le yẽege: daar a yoob soaba.

A. Zoobe 11:7

Fo tagsdame tɩ f tõe n bãnga Wẽnde n paam b bãngra zulma tɛk wɛ, fo tagsame tɩ f tõe n bãnga Wẽnd pãnga zãng wɛ?

A. Zoobe 37:23

Bãmb la tõnd sẽn ka tõe n kolg ned ningã, bãmb la Pãng-Soabã, sẽn pid ne naam la zemsgã, n pa sɩɩsd yell sẽn ka be a soab zug ye,

A. Zoobe 5:9

Bãmb tʋma tʋʋm kãsense sẽn zʋʋg ninsaal yam. B tʋʋma yãgda ne neerem la b yaa kõn-bãng-n-sõde.

Yɩɩn‑sõamyã 104:24

Ad-y y tʋʋma labsa, Soaala, la y zulga y yam n maan bũmb fãa, tẽnga fãa pida ne y sẽn naane.

Yelbũna 16:4

Wẽnd n naan bũmb fãa ne b raabo, n naan nin-wẽnga t'a yẽ toogo, sɩbgr kãsenga daare.

Kowelɛt 1:13

Mam maaga m meng ne yam kãsenga, n ges neere bũmb fãa sẽn maand saaga tẽngre. Mik waa! Yaa tʋʋm toog bala la Wẽnnaam rɩk n tãng ninsaalba. Yaa tʋʋmd sẽn dat gũusgu la b kõ Adem biisi.

Kowelɛt 11:5

Fo ka mi biig vɩɩm sẽn bɩɩsd to-to a ma pʋgẽ ye. F kõn tõog n bãng bada Wẽnd sẽn maand bũmb fãa wã sẽn tʋmd b tʋʋma ye.

Kowelɛt 7:13

Ges Wẽnnaam tʋʋma. Ãnna n tõe n tẽeg Wẽnd sẽn põde?

Kowelɛt 7:23

M gesa dẽ fãa ne gũusgu n tẽed tɩ m na paam yam vẽenem la m neeme t'a paoong yaa toogo.

Kowelɛt 7:29

Ad mam sẽn wʋm bũmb ninga: Wẽnnaam naana ninsaala t'a pʋg ya pɛɛlg fas la yaa ninsaal n yik n baood gõdem-gõdem.

Kowelɛt 8:17

d ka tõe n bãng Wẽnd sẽn tʋmd to-to dũni wã pʋg ye. Ninsaalba tõe n namsame n bao la b kõn bãng fɩ. Neb niyns sẽn yet tɩ b paama yam vẽenema sã n gomd tɩ b miime, bãng-y tɩ b ket n ka tar a võor ye.

A Matiye Sõng 11:27

M sẽn tar fãa yaa m Ba n kõ-ma. Ned ka mi Biiga sã n ka Ba, la ned me ka mi Ba sã n ka Biigã, bɩ ned ninga sẽn paam-a Biiga wilgri.

A Matiye Sõng 13:22

Bõn-buud ninga sẽn lʋɩ-a gõosẽ makda ned ninga sẽn wʋmd-a Koɛɛgã la a bas tɩ dũni zu-loeese la arzɛk tʋlsem wulumd-a t'a ka tõe n wom biis ye.

A Mark Sõng 7:37

Neba pɛlens ra yɩgda wʋsgo tɩ b yetẽ: «B sẽn maan fãa yaa sõma: b kɩtame tɩ wʋms wʋmnẽ, tɩ mugs gomda.»

Rom Dãmba 1:28

B sẽn pa modg n tall Wẽnd bãngr akɩka, wala bũmb sẽn be yõodo, Wẽnnaam bas-b lame ne yam kɩdga tɩ b maan sẽn ka segd.

Rom Dãmba 11:33

Wẽnnaam, y arzɛka geels toɛ yã, y minim la y bãngr zulma! Ad-y ned ka tõe n bãng y sẽn pʋɩt y yɛla toto ye, ned ka tar y soy wã buk ye!

Yaoolem 32:4

Bãmb yaa Pĩiga, tɩ bɛɛb pɛɛm na n tĩni, b tʋʋma fãa tũuda sore. B noya ka yiis yaar ye. B sẽn kãab fãa na pidsi, la zãmb buud ka b nengẽ ye. B mii zemsgo, b bʋʋd kaooda tɩrse.