Kowelɛt 11:6 - SEBR SÕNGO

⁶ Woto wã bʋd f koodo, sɩng yibeoogo n gũud zaabre. Ad-f ka mi bõe n na n sake, bõe n ka na n sak ye, f ka mi f tʋʋmda fãa sã n na n yɩɩ yõod ye.

WẼNNAAM SEBRE 2014

⁶ Bʋd f bõn-buud yibeoogo, la f ra bas f nus tɩ yɩ zaalem zaabr ye. Bala, fo ka mi bõn-buud ning sẽn na n sake, wall a yiibã fãa sã n na n yɩɩ sõama ye.

Kowelɛt 11:6 Iomraidhean Croise

Kowelɛt 11:7

Vẽenem nooma la nin me nonga wĩntoog gesgo.

Kowelɛt 9:1

Ad-y m ka mag n bas bũmb kɛɛng ye, m dɩka fãa m yamẽ la sẽn lebg vẽenega, yaa tɩ Wẽnd bala n so nin-sõma wã vɩɩm la b tʋʋma. Ninsaalba ka mi sã n yaa nonglem bɩ beem la b na n sege. B ka tõe n bãng rẽ b toor ye.

Kowelɛt 9:10

Tʋʋmd ninga fãa f sẽn tõe n maane bɩ f maan-a wa f sẽn tõe tɛka, tɩ tʋʋmde, bɩ tagsgo, bɩ yam minim, bɩ yẽesem ka be kɩɩmkulgu f sẽn dabdẽ wã ye.

A Ezayi 55:10

Tʋʋlgo bɩ waoodo, saaga pa rʋʋgde tɩ kooma le lɛɛg n kul yĩngri tɩ tẽnga ka madg ye. A madgda tẽnga tɩ b bʋde, tɩ sẽn bʋd yi n wom biisi, tɩ koaada paam a rɩɩbo.

A Ooze 10:12

Ned tuuda zemsgo sẽbdo, n tigs nonglem koodo. Pesm-y zĩ-paala tɩ maam, Vɩɩm Naaba, baoob wakat taame la m na n waa ne m fãagre.

2 Korẽnt rãmba 9:6

Gese, kʋɩɩm sã n zoe bʋdb toogo, a na n tigsa ka-faado la ned ning sẽn bʋta ne sũuri yaa bark buud fãa la a tigsda.

2 Tɩmote 4:2

moon Wẽnnaam Koɛɛga, togs la f le togse, noom-b tɩ ka noom-b; ning pãnga n kɩɩse, n tãse; modg n sagl ne maag-m-menga la ne zãmsg tɩrg raab bala.