Esdras 9:7 - SEBR SÕNGO

⁷ Al d yaab rãmba zamaanẽ n ta marsã, d tara y beegr bala n dabda. Yaa d yel-wẽna yĩng la d mense, d dĩm dãmba, d maan-kʋʋdba lʋɩ dũni wã dĩm dãmb a taab soolmẽ, tɩ b koot tõnd ne sʋʋse, n kẽesd tõnd yembdo, n fãad d paoongo, n ningd-d yãnde, la rẽ yaa vẽeneg rũnna.

WẼNNAAM SEBRE 2014

⁷ Hal sẽn sɩng ne tõnd yaab-rãmbã zamaan tɩ ta rũndã, tõnd buudã maana yel-wẽn-bɛda. La yel-kãens yĩng kɩtame tɩ bu-zẽms rĩm-dãmb tõog tõnd ne d rĩm-dãmbã, la d maan-kʋʋdbã. B tõoga tõnd ne zabr sʋʋga, n kẽes tõnd yembd pʋga, la b fã-do, la b ning tõnd yãnde. Yaa rẽ n kɩt tɩ lebg a woto rũndã wã.

Esdras 9:7 Iomraidhean Croise

1 Rĩm-dãmbã 8:47

b sã n zĩnd be n kẽ b sũurẽ n tuubi la b pʋʋs yãmba b bɛɛba tẽngẽ, n yetẽ: ‹Tõnd beegame, tõnd mana wẽnga, d maana kegre,›

2 Kibayã 29:6

Y ba-rãmb wegmame, n maan sẽn pa ta Naaba-Wẽnd yam. B basa bãmba, b pa le ges b rooga ye, b wẽnemda b kãare.

2 Kibayã 30:7

Da maan-y wa y ba rãmba la y saam-biisa ye, bãmb lak n basa Soaala-Wẽnde, tɩ Wẽnd me bas-b ne fare wala d sẽn ne a soab rũnna wã.

2 Kibayã 34:24

«Ad Soaala-Wẽnd meng sẽn yete: ‹M na n taka yel-beed tẽn kãnga ne a neba zugu. La yaa kãab wẽns niyns sẽn be sebra pʋgẽ, sebr ning b sẽn karem Zɩɩda dĩma taoorã.

Esdras 9:13

D Soaala-Wẽnde, yɛl wʋsgo n pak tõndo, d yel-wẽna yĩnga, d kongra sẽn yɩ wʋsg yĩnga, la ne rẽ fãa y kell n kõo beegra sugri n kees tõnd sẽn yɛs y taoor ka wã.

A Neemi 9:30

Yãmb maaga y meng ne-ba n kaoose, yãmb wɩnga ne b saglgo, yãmb kõ-b-la bãngdba la b zãgsa kelgre. Dẽ la yãmb bas-b tẽnga rãmb nusẽ.

A Ezayi 64:4

Yãmb yikd n sega sẽn maand-b yãmb raabo, sẽn maand-b yãmb raab ne sũ-noogo, la b sak n dɩkd sor ning y sẽn tuk b yĩnga. Yãmb sũur waa n puuga ne tõndo, la rẽ yɩɩ tõnd n konge. Marsã d sã le rɩk d pĩnd so-sõngã, d na paam fãagre.

Zeremi 25:18

M sɩnga ne Zerizalɛɛm la Zɩɩda tẽnse, n sɩng ne b nanamse, b kug-zĩidba. M kɩtame tɩ b tẽnga na n lebg kãab-wẽns sẽn sãame, n lebg raboogo la we-raoogo, al tɩ sẽn na n yãend-a na n yɛɛs la a fɩɩle la woto n be rũnna.

Zeremi 3:25

Bɩ d sak n dɩ yãnde la paoore, tɩ tõnd n beeg d Soaala la d Wẽnde, tõndo, wala d ba rãmba, al d yãadmẽ n tãag rũnna. Wẽnnaam d Soaala sẽn da togs-d bũmb ningã, d pa reeg ye.

Zeremi 32:23

B wa n deega tẽngã n sooge. B yaool n pa kelg y goama ye, b pa tũ y sẽn wilg ye, b pa reeg y noor ye. Yaa rẽ la yɛla rɩt-b rũnna.

Zeremi 32:32

Yaa yel-wẽna a Israyɛl la a Zɩɩda sẽn maana n zabd-ma, a dĩm dãmba yel-wẽna, a nin-kẽemsã, a maan-kʋʋdbã, a bãngdbã la Zerizalɛɛm kẽedbã yel-wẽna.

Zeremi 44:22

Soaala ka yĩm ye, dẽ me la b ka le tõe n nee y tʋʋma, y manes yaalsã la b sĩnd ye. Dẽ me la y tẽnga lebg raboogo, wala a sẽn yaa a soab rũnna wã: b looga ne a paoonga fãa, ne a neba fãa. La yaa yel-beed ninga sẽn lʋɩ a zugã la ned kam fãa tar n kãabd a bɛɛba. Dẽ me yaa vẽenega.

Zeremi 44:9

Yãmb yĩma y ba rãmb tʋʋm wẽna, Zɩɩda nanams tʋʋm wẽna, yãmb meng tʋʋm wẽna, yãmb pagba tʋʋm wẽna, tʋʋm wẽns niynsi fãa sẽn maan Zɩɩda tẽnsẽ, la Zerizalɛɛm soya zutu?

Kʋʋr yɩɩla 5:7

Tõnd ba rãmba tʋma b tʋʋm kɛga n bas n looge, la tõnd n tʋk b wẽnema zɩɩbo.

Ezekiyɛl 11:9

M na yiis-y tẽngã n bas-y tɩ y lʋɩ sãamb nusẽ, la m kao y bʋʋdo n paalg yã.

Ezekiyɛl 39:23

Tẽns a taaba me na n bãngame tɩ b talla Israyɛl kamba n loog pa-weere b sẽn beeg maama yĩnga. M daag-b lame n bas b bɛɛba nusẽ la zabr sʋʋg n kood-b zãnga.

Sõadga 32:14

La yãmba, kɩɩsdb buudu, y reega y ba rãmb zĩiga n na n maan tɩ Soaala-Wẽnd sũur yik ne a Israyɛl.

1 Sãmwɛlle 12:15

yãmb sã n pa kɩɩsd b gomde, n kell n mobg bãmba, yãmb ne y dĩma yam na kẽ Wẽnnaam. La yãmb sã n pa sakd b koɛɛga, yãmb sã n kɩɩsd b gomde, b nug na n sɩbga yãmba, wala b sẽn sɩbg y saam-dãmbã.