Esdras 5:12 - SEBR SÕNGO

¹² Yaa tõnd yaab rãmb n puug yĩngr Wẽnda sũuri tɩ b rɩk-ba n sagl a Nabikodonozor nugẽ, Kalde rao la Babilon dĩma. Yẽ n wã roogã la a wʋk buudã n kẽng pa-weere, Babilon.

WẼNNAAM SEBRE 2014

¹² La tõnd yaab-rãmbã rag n maaname tɩ Wẽnnaam sẽn be yĩngrã sũurã yiki. Dẽ, Wẽnnaam basame tɩ Babilond naab a Nebukatnedzaar sẽn yaa Kalde rãmbã buudã sãam Wẽnd doogã, la a yõg nebã n kẽes yembd Babilonde.

Esdras 5:12 Iomraidhean Croise

2 Rĩm-dãmba 24:2

Naaba-Wẽnd basame tɩ so-gɩtb sẽn yit Kalde, Aram, Moab la Amon wa tak zabr ne a Zoakim. Yaa Zɩɩda la b ra baood n na n wã wala Naaba-Wẽnd sẽn da wilg ne b bãngdba noore.

2 Rĩm-dãmba 25:1

A Sedesiyas naama yʋʋmd a wɛ soaba, kiuug piig soaba, kiuuga piig daare, Babilon dĩma a Nabikodonozor, waa ne a tãb-biis fãa n kaoog zabre ne Zerizalɛɛm, a gãnega a tãpo tẽngã noore n tu boko n gũbg-a.

2 Kibayã 36:20

Sʋʋga sẽn ka kʋ b rãmba, a Nabikodonozor wʋk-b lame n kẽng yembd Babilon. B paa be n tʋm dĩma ne a kamb yĩnga, n ta Pɛrs rãmb sẽn wa n vigl b rĩungu Babilon.

Yɩɩn‑sõamyã 106:40

Wẽnd sũur puuga ne b buudã, Wẽnd sũur waa n yaanda ne b pʋɩɩrã,

A Ezayi 47:6

M sũur da puuga ne m neba tɩ m yãk b barka, m da rɩk-b lame n bas fo nugẽ, la fo me wilgame tɩ f yaa ned sẽn ka be sugri. M nin-kẽemba, fo zɩlg-b-la zɩ-bedre.

Zeremi 5:29

Da ka tog sɩda, yaa Soaala-Wẽnd n gomde, da ka tog tɩ m maan buud kãnga bũmbu, n paam n dok m sũur bɩ?

Zeremi 51:59

Ad noor ninga bãngd a Zeremi sẽn kõ a Seraya, a Neriya biiga, a Maseya yagenga, a sẽn wa n kẽng Babilon ne Zɩɩda dĩm a Sedesiyas. Wakat kãng tɩ dĩma sẽn dʋ a naam zaoor nan yaa kiis a naase. Wakat kãng me t'a Seraya da yaa yemsa sika naaba.

Zeremi 52:12

Yɩ-la a Nabikodonozor naama yʋʋmd piig la a wɛ soaba, kiuug a nu soaba piig raare, la a Nebuzaradã kẽ Zerizalɛɛm. A Nebuzaradã da yaa gũudba naaba. Babilon dĩma taoore a ra tõe n yãenda koɛɛg n leoke.

Yaoolem 31:17

Baraare m sũura na n wɩdga bugum. M me na n bas-b lame, m me na n solg-b-la m nenga, la bũmb na loog ne ba, yel-beed la yel-toodo. Baraar la b na n yeel-ma: ‹Yel-beed a woto sã n lʋɩ d zugu, ka d Wẽnda sẽn ka le be ne tõnda bɩ?›

Yaoolem 32:30

Nin-yend yɩta a wãn n wa rigd neb tusri tɩ neb a yiib bal na n sẽeg tus piiga, sã n ka b Teegdã n lɛɛg n koos-b ne b bɛɛba, sã n ka Soaala meng n dɩk-b n sagl b nusẽ?

Bʋ-kaoodba 2:14

Dẽ puuga Soaala-Wẽnd sũuri tɩ b bas a Israyɛl fãadb nusẽ, fãadb sẽn loog ne b laogo. Naaba-Wẽnd koos-b-la ne b bɛɛba sẽn da gũbg-bã. B pa le tõog n yaas b taoor ye.

Bʋ-kaoodba 4:2

Yaa rẽ me yĩnga la Wẽnd dɩk-ba n sagl Kanaã rĩm, a Yabin nugẽ. A Yabin n da rɩt naam Asor tẽnga. A Sisera n da yaa a tãnsoaba la a ra kẽeda Arosɛt-Goyim.

Bʋ-kaoodba 6:1

Israyɛl kamb maana sẽn pa ta Naaba-Wẽnd yam. Dẽ yĩnga Wẽnd dɩk-b lame n sagl Madiã rãmb nugẽ, yʋʋm a yopoe.