Esdras 1:3 - SEBR SÕNGO

³ Dɩlla yãmb sʋka, ned sã n beẽ n ya Israyɛl biig fãa bɩ Naaba-Wẽnd zĩnd ne-a. A leb Zerizalɛɛm, Zɩɩda tẽnga, tɩ b me roog Israyɛl Wẽnda yĩnga. Bãmb la b sẽn waoogd Zerizalɛɛma.

WẼNNAAM SEBRE 2014

³ Ned sã n be yãmb sʋkã, n yaa Sẽn-Ka-Saab neda, bɩ a Wẽnnaam zĩnd ne-a t'a lebg n leb Zeruzalɛm sẽn be Zʋʋda soolmẽ wã, n tɩ me Sẽn-Ka-Saab sẽn yaa Israyɛll nebã Wẽnnaamã roogo. Wẽnnaam ning sẽn be-a Zeruzalɛmã!

Esdras 1:3 Iomraidhean Croise

1 Rĩm-dãmbã 18:39

Dabeem yõka zãma wã. B wõgemdame n fõgneg b neng tẽnga n yetẽ: «Yaa Soaala la Wẽnnaam, yaa Soaala la Wẽnnaam!»

1 Rĩm-dãmbã 8:23

n yeele: «Soaala, Israyɛl Wẽnnaam, yãmb pa tar to yĩngr bɩ tẽng zug ka ye. Yãmb pa basd y zood t'a sãam ye, yãmb yam pa yit y yemse sẽn kẽnd tɩrg y taoor ye.

1 Kibayã 28:20

A Daviid baasa a koɛɛgã n yeel a biig a Salomo woto: «Wɩsg f menga, keng f sũuri, da zoe rabeem ye, da rig ye, tɩ Naaba-Wẽnd, m Wẽnnaama, bee ne foo. B kõn mong foom b pãng la b sõngre al tɩ f wa baas tʋʋma f sẽn na n sɩngã.

Esdras 1:4

Israyɛl biig sã n ket yãmb sʋka, a sẽn be zĩig ning fãa, bɩ tẽn kãng rãmb wa sõng-a ne wanzurf, ne sãnem, ne koodo, ne rũmsi, ne a yamleoog kũuni, wẽnd dooga sẽn be Zerizalɛɛma meeb yĩnga.› »

Esdras 4:3

Dẽ la a Zorobabɛl, a Zozuwe la kãsem-dãmb a taabã leok-ba: «Meeba ka tõnd ne yãmb n na n naag taab n me ye, ya tõnd bala n na n me roogã n kõ Naaba-Wẽnde, a Israyɛl Wẽnnaam. Pʋs n yaa woto la Pɛrs dãmb dĩm a Sirus kõ noore tɩ b maane.»

Esdras 5:13

Babilon dãmb dĩm a Sirus, a naama pipi yʋʋmde, kõo sor ti b le maneg roogã n me.

Esdras 5:3

Yaa wakat kãng la Efrat rʋʋnd komber a Tatnayi n paas a Setar-Boznayi ne b tũud-n-taas waa n sok-ba tɩ ãnda n kõ bãmb sore tɩ b me wẽnd doogã la b le yik a lal-gũbrã?

Esdras 6:7

B bas tɩ wẽnd dooga tʋʋm baase, b bas tɩ Zʋɩf rãmba sẽn lʋɩɩs a soab b taoora la b nin-kẽemba lebs roogã n me a zĩ kudgẽ.

Yɩɩn‑sõamyã 132:13

Yaa Siõ tãnga la Soaala yãk yã. Be la b tʋlg n me b roogo, n yeele:

Yɩɩn‑sõamyã 83:18

B rigba da le sɛ ye, b yãnda ra le woog ye, tɩ b yi dũni wã ne paoore.

A Ezayi 37:16

«Dũni fãa Wẽnde, Israyɛl Wẽnnaam, yãmb vigla y zaoora al yĩngr-yĩngri, yãmb y ye la dũni wã fãa Wẽnnaam, yãmb n maan yĩngri la tẽnga.

A Ezayi 44:28

M yeta a Sirus poorẽ: ‹Yaa m pe-kɩɩma. Sẽn ta m daab fãa, a na pids-a.› M na n leoka Zerizalɛɛm poorẽ: ‹B le maneg-a n me.› n leok wẽnd dooga poorẽ: ‹Le maneg-y n me-a.› »

A Ezayi 45:5

Yaa maam la Soaala-Wẽnde, m ka be taare, Wẽnd a to ka be n zʋʋg maam ye. Maam n sog f sɛɛg sẽbdga tɩ f yaool n ka mi-m ye.

Zeremi 10:10

Sã n ya Soaala-Wẽnde, bãmb sɩd yaa Wẽnnaam, b yaa Wẽnd sẽn vɩ, b yaa Na-kãsenga, daar fãa yĩnga. B sã n puug b sũuri, tẽnga fãa miimdame; b sã n puug b sũuri, bu-zẽmba fãa ka le tar daood ye.

A Matiye Sõng 28:20

la y zãms-b tɩ b reeg bũmb ning fãa m sẽn wilg-y. Ade m na n paa ne yãmb, daar fãa, n ta dũni sɛɛbo.»

Tʋʋma 10:36

Yaa Israyɛl kamba la b gom ne, n gom laafi ning Dũni zãng Soaala, a Zezi Krista, sẽn wa ne a soabã.

Yaoolem 32:31

B yaool n ka na n yɩ bɛɛba Sõangda wa b sẽn ya tõnd Sõangda ye. La b mens mi rẽnna. La rẽ yɩɩ vẽenega b fãa nifẽ.

Zozuwe 1:9

Ka maam n yeel foom: wɩsg f meng la f keng f sũuri bɩ? Dẽ yĩnga da bʋ ye, da zoe rabeem ye, tɩ f sẽn dabd zĩig ning fãa, Wẽnnaam, f Soaala, na zĩnd f sɛɛgẽ.»