Efɛɛz Rãmba 2:4 - SEBR SÕNGO

⁴ Wẽnnaam nimbãan-zoeera ka be sɛɛb ye tɩ b nonglem ne tõnd yaa nonglem kãsenga.

KÃAB-PAALGÃ KOE-NOOGO

⁴ La Wẽnnaam sẽn tar nimbãan-zoeer wʋsgã, la bãmb sẽn nong tõnd ne nonglem kãsengã yĩnga,

WẼNNAAM SEBRE 2014

⁴ La Wẽnnaam sẽn tar nimbãan-zoeer wʋsgã, la bãmb sẽn nong tõnd ne nonglem kãsengã yĩnga,

Efɛɛz Rãmba 2:4 Iomraidhean Croise

A Neemi 9:17

B zãgsa y noora reegre, b yĩma y tʋʋm-bãna y sẽn maan b yĩnga. B naka b kãare n yet tɩ rẽnd b leb Ezipt tẽnga, dẽnd b leb b yembd tẽngẽ. Yãmb wilgame tɩ y yaa sugr soaba, sũ-bʋgsem soaba nimbãan-zoeta la sũ-maasem soaba, y wilga y sũur sẽn pid ne yardo tɩ y ka tʋlg b basg ye.

Yɩɩn‑sõamyã 145:8

A Israyɛl Wẽnnaam kũmda nimbãanega, a Zakoob Wẽnda pida ne sũ-maasem la nonglem.

Yɩɩn‑sõamyã 51:1

Yɩɩlla bee yɩɩla naab sebrẽ. A Daviid yɩɩlle.

Yɩɩn‑sõamyã 86:15

Soaala, yãmb sẽn pid ne nimbãan-zoeere, yãmb sẽn pid ne sõmblem, yãmb sẽn tar sũ-maasem, n pid ne nonglem la zemsgo,

Yɩɩn‑sõamyã 86:5

Yãmb yaa nin-bʋgsgo n kõt sugri, yãmb deegda sẽn boond-b yãmba pʋʋsg daar fãa,

Yikri 33:19

Tɩ Soaala-Wẽnd yeele: «M na n looda f taoore, n wilgd-f m nonglma sẽn ta zĩig ninga la m togsd m yʋʋre: Naaba-Wẽnde. M zoeta m sẽn dat a soab nimbãanega la m kõta m sẽn dat a soab sugri.

A Ezayi 63:7

M dat n tẽega Wẽnd kũuni, n tẽeg sẽn kɩt tɩ b tog ne pẽgrã; m dat n tẽega b sẽn maan fãa d yĩnga, n tẽeg b nonglma fãa ne b buud a Israyɛl n tẽeg b nonglma la b nimbãan-zoeera sẽn tʋme.

Zeremi 31:3

Ad Soaala sẽn zĩnd yɩɩg n leok-ma: M ket n nong-f-la ne m pĩnd nonglem, m ket n nong-f lane n ka teemnẽ ye.

A Zonaase 4:2

A maana pʋʋsgo n yeel Soaala-Wẽnd woto: «Naaba-Wẽnde, yell a woto la m ra sãmbd m yamẽ rẽ tɩ m ket m ba yiri! Yaa rẽ yĩng la m da pĩnd n zoe n kẽng Tarsis; m da miime tɩ yãmb yaa Wẽnd sẽn tar nimbãan-zoeer la nonglem, n ka puugd y sũur tao tao ye, n lebsd y zelemd sẽn yiisi tɩ sɩbgra vaanẽ.

A Luk Sõng 1:78

tõnd Wẽnda sũuri pida ne nimbãan-zoeer bala, b nimbãan-zoeer yĩnga, b yĩngr Ãdga

Rom Dãmba 10:12

Ad-y yaa rẽ yĩng la bũmb ka welg Grɛk ne Zʋɩf ye: b yiiba fãa tara Soaal a ye bala la Soaala kelgda neb niyns fãa sẽn yõkd b sɛɛga.

Rom Dãmba 2:4

Da maan wa f sãbsda Wẽnnaam ne b sõmblema sẽn ka be tɛkã, ne b tõog-m-mengã, ne b kõt-yaara ye; ad-b sõmblema ratame tɩ f ning pãng n teem zʋgo.

Rom Dãmba 5:8

— Kaset ning d sẽn tare n mi tɩ Wẽnd nonga tõndã, yaa Krista sẽn ki d yĩnga tɩ d yaool n da ket n ya yel-wẽn-maandbã.

Rom Dãmba 9:23

Ad-y yaa b sẽn dat n wilg b ziira la b pãnga, la lagd kẽer paam tɩ b kũm-b nimbãanegã n segl-b al pĩnda tɩ b ya ziir lagdo, lagd sẽn yag b pẽgr yĩnga.

Efɛɛz Rãmba 1:7

Yaa Bi-kãng sẽn daag b zɩɩma nengẽ la d yãet tɩlgre, la d paamd d yel-wẽna yẽesgo, tɩ b nimbãan-zoeerã ka be tɛk ye.

Efɛɛz Rãmba 2:7

B tʋlgame n wilg zamaana sẽn watã tõnd ne Krist a Zezi nonglma sẽn pid ne kũun tagd niynsi.

Efɛɛz Rãmba 3:8

Sɩda yaa maam, yao-zʋʋga, Krista nin-sõma wãa fãa sʋka, yaa maam la b yãk yã tɩ m wilg bu-zẽmba Krista yõod ka tɛka,

2Tesalonik Rãmba 2:13

M saam-biisi, Wẽnd kom-nongdse, yaa tɩlɛ ne-do, tɩ d pʋʋs Wẽnd barka wakat buud fãa y yĩnga. Wẽnd welga yãmb al sɩngrẽ n pids-y ne a Vʋʋsem Sõng sẽn kõt sõmblem la a kõt Wẽnd sɩda reegr pãnga.

1 Tɩmote 1:14

Yaa tẽeb la nonglem ning sẽn pid Krista a Zezi la b sudg maam n daale.

2 Tɩmote 1:9

bãmb sẽn fãag tõndo n bool tõnd booll sõngo, tɩ ka tũ ne tõnd tʋʋm-sõma, n tũ ne b yamleoog la b nimbãan-zoeer bala. Bãmb n kõ tõnd b kũuna ne a Zezi Krista tɩ dũni nan ka sɩng ye.

1 Pɩyɛɛr 1:3

Soaala Zezi Krista Ba paam pẽgre! B nimbãan-zoeer n waooge tɩ b le kõ-d vɩm paalga, ne a Zezi Krista sẽn vʋʋg kɩɩms sʋka. Bãmb yĩng la y vɩ la y saagdẽ,