Abakuk 2:18 - SEBR SÕNGO

¹⁸ Wẽn-naandsa yõod la bʋgo? Yaa kut bala la belgem-belgem. Yõaka belgdame tɩ bũmb la a teeg yã, la yaool n yaa bõn-muk la a rõog yã.

WẼNNAAM SEBRE 2014

¹⁸ Wẽn-naandgã yõak sẽn yõgdã yõod bee yɛɛnẽ? Yẽnda yaa kut b sẽn yẽneg bala, la a yaa belgr bũmb bala. Yõak na n maana a wãn n leb n dɩk a teegr n teeg yẽnda, tɩ yaool n yaa wẽn-naands sẽn yaa mugsi?

Abakuk 2:18 Iomraidhean Croise

Yɩɩn‑sõamyã 97:7

Bɩ sẽn waoogd-b wẽn-faadã, bɩ b fãa zuta wuk ne yãnde! Wõgemd-y Soaala taoore, wẽn-faado, y fãa gill wõgemd!

A Ezayi 1:31

Tẽnga ned fãa sẽn pid ne pãnga na n lebga gʋmdo, t'a tʋʋm yooda lebg bug-pãrga, tɩ b fãa naag taab n yõk bugum, la bugma kõn yãend ned sẽn na n kiis-a ye.

A Ezayi 37:38

Daar a ye, a Senakerib kẽ a wẽnd a Nisrok roogẽ n pʋʋsdẽ t'a meng kamb a yiibu: a Adramelɛk ne a Sarezɛr n kɛɛ-a ne sʋʋga n lɛɛg n zoe n dig Ararat. A Asaradõ, a Senakerib biig a ye, n led a zĩiga.

A Ezayi 40:19

Y na mak-b ne wẽn-naande? Wẽn-naanda yaa yõak n dõoge, tɩ tʋʋm-mit bao sãnem n bole, n bao wanzurf yãndo n ning ka la ka.

A Ezayi 41:26

Ãnda n deng n wilg yell kãnga tɩ d wʋm-a tɩ ket n zãra? Ãnda n yɩ pipi n gome tɩ d yet t'a togsa sɩda? M miime tɩ ka yãmb nin-yend ye, sẽn tõee rẽ ka be y sʋk ye. Y ned ba a ye ka yaag a noor ye.

A Ezayi 42:17

B na tar n leb poorẽ ne yãnde, neb niyns fãa sẽn teeg-b nin-naande, neb niyns fãa sẽn get-b yõak sẽn yõge, n maanẽ: «Yãmb yaa tõnd wẽnd dãmba.»

A Ezayi 44:12

Sẽyã ningda saala tɩ kuta sã n mooge bɩ a pãb ne zãare. A namsda a menga, kom tar-a lame, ko-yũud tar-a lame, la yaams kẽed-a lame.

A Ezayi 45:16

Sẽn yagd-b wẽn-faada sã n ningd-b mens yãnde la b paoogd b mense b nenga sã n surẽ n le ka tõe n dooge,

A Ezayi 45:20

Naag-y taab n wa, naag-y taab n kolge, yãmb fãa sẽn paam n põsã. Sẽn ka mi-b bũmbu, yaa neb niynsi sẽn tʋk-b da-peesdi n kẽnda, neb niyns fãa sẽn pʋʋsd wẽnd sẽn ka tõe n fãag-ba.

Zeremi 10:8

Bãmb fãa gill kɛpi, yaa yalemse. Buud a taaba karen-doogẽ, f kõn bãng b wẽn-tũudma naoor n dɩk ye, f kõn zãms sẽn be yõod ye.

Zeremi 16:19

Soaala-Wẽnde, yãmb la m pãnga, m teegd fãa-fãa, m gũuda, m soondg zĩiga m yɩɩr wakato! Ad-y bu-zẽmba na n yii zĩis fãa n wa yãmb taoore. B na n yeelame: D ba rãmba sẽn da pʋgd wẽnd niynsã yaa belgem-belgem bala, yaa sobgo, yaa zaalem.

Zeremi 2:8

Maan-kʋʋdba ka saag n sok-ma: ‹Soaala-Wẽnd bee yɛ?› Noora karen-saam-dãmb me boto, tẽnga taoor dãmba zẽka b zug ne maam, bãngdba sẽn da taasd-b koees niynsa ra yaa wẽn-faoog a Baal koeese. B fãa tɩ noka wẽn-faadã.

Zeremi 50:2

Moon-y yã tɩ tẽnsa fãa wʋme; wilg-y zĩis fãa; bao-y makre n wilg tɩ neb fãa bãnge, da solg-y bũmb ye; Moon-y woto: b tõoga Babilon; a wẽn-naandsa zĩi ne yãnde, n zĩ ne yɩɩre, yãnd na n kʋ-la a Bel. Dabeem kãseng kẽ-la a Marduk.

Zeremi 51:17

Dẽ la ned kam yɛsa n ka mi a sẽn maande. La sẽn kẽ-b moog zãnga, yaa yõgsã sẽn dõog b wẽn-naandsã, b zĩime la b zut wuka ne yãnde; yaa belgem-belgem bala la b naan yã; sẽn vʋʋsda ne yõor ka ye.

A Amoose 2:4

Ad Soaala-Wẽnd sẽn yete: «Zɩɩda tʋʋm beeda labsa la a ye n yɩɩd ne wẽnem: Zɩɩda rãmb pa reeg m zãmsg ye, b pa reeg m noya ye, b basame tɩ wẽn-naandsa kẽes-b moogo, wala b yaab rãmba. Woto wã m kõn lebs m zelemd ye,

A Zonaase 2:8

M sẽn waa n tẽed kũuma, wakat kãng la m tags y yelle, Soaala-Wẽnde tɩ m pʋʋsga ta yãmba, al y wẽnd do-sõngẽ wã.

Zakari 10:2

Y sokda y wẽn-naandsa saaga poorẽ la yaa zirẽ bal la b leokd-y. Bagba me ka tar pʋg ye, yaa b sẽn gãand n zãms la b wilgda, n togsd zirẽ-beedo, n kɩt tɩ neba tuumnẽ wa piisi sẽn ka tar pe-kɩɩma.

Rom Dãmba 6:21

La m na n sok-y lame n gese, y paama bõe y tʋʋm kãensa pʋgẽ sã n ka y sẽn zĩ rũnna tɩ b yãnd tar-y wã? B ka tar yõod n zʋʋg kũum ye.

1 Korẽnt rãmba 12:2

Y sẽn waa n nan ka kẽ Soaalã, y mi tɩ yaa y wẽn-mugsã yamleoog n da tar-y n lengdẽ.

Vẽnegre 19:20

Yaa Rũnga ne a zirẽ-be-bãngda la b yõk yã; zirẽ-be-bãngd kãng n da kẽ Rũnga tãpẽ la a maand bõn-bãna n tudgd neb niyns sẽn deeg-b Rũnga makre la b waoogd a nin-naandã. B losa bãmb b yiib fãa vɩɩse bugmẽ, kidbri bugum sẽn da yɛdg wa kʋɩlga.

Bʋ-kaoodba 17:4

Dɩlla paga sẽn wa n lebs a biiga ligdã, a keesa wanzurf wakɩ koeems kobs-yi n kɩs yõaka. Yõaka yẽneg-b lame n mams nin-naande t'a Mika tol n baoo zĩig a roogẽ n ning-a be.

1 Sãmwɛlle 12:21

Da bas-y bãmb tũudem ye, tɩ sã n pa rẽ, yãmb na n zoe n pʋga bõn-yood sẽn ka võore, sẽn kõn zĩnd yõod yãmb yĩnga, la sẽn kõn fãag yãmba, tɩ b yaa wẽn-faado.