Abakuk 1:6 - SEBR SÕNGO

⁶ N-yẽe! M na n waa ne Kalde rãmba, sũ-to-neba, neb zɩɩm sẽn tʋʋle, neb sẽn saad zĩis fãa, n zɛɛd b taab tẽnse!

WẼNNAAM SEBRE 2014

⁶ Ade, mam na n kɩtame tɩ Kalde rãmbã sẽn yaa nin-toose, la nin-wẽnsã paam pãnga. Bãmb pɩʋʋgda soolem-kãsemse, n deesd zĩis n soogdẽ, tɩ yaool n ka bãmb dẽnd ye.

Abakuk 1:6 Iomraidhean Croise

2 Rĩm-dãmba 24:1

A Zoakim zamaanẽ, a Nabikodonozor, Babilon dĩma, yiisa tãpo; a Zoakim saka a noore, yʋʋm a tã, n yaool n wa yik n giri.

2 Rĩm-dãmba 24:2

Naaba-Wẽnd basame tɩ so-gɩtb sẽn yit Kalde, Aram, Moab la Amon wa tak zabr ne a Zoakim. Yaa Zɩɩda la b ra baood n na n wã wala Naaba-Wẽnd sẽn da wilg ne b bãngdba noore.

2 Kibayã 36:17

Dẽ me la b kɩt yã tɩ Babilon dĩma kood b kom-bɩɩba, b wẽnd dooga pʋga, n ka kees bi-ribla, bi-pugla, bɩ nin-kẽem zug sẽn pelg ye. Soaala-Wẽnd bas-b-la fãa Babilon dĩma nugẽ.

2 Kibayã 36:6

Babilon dĩm, a Nabikodonozor zaba ne-a n yõk-a n balg bãense n tall-a n loog Babilon.

A Ezayi 23:13

Ges Sipr dãmba tẽnga: bũmb ka le ket ye. Asʋr da rɩk-a lame n maan a koom-kogend tigsg zĩiga, la b waa n mee ro-lug-lugi n wa tak zabr ne-a; b sɩd waa n wã-la a ro-neeba tɩ fãa lebg raboogo.

Zeremi 13:20

Zerizalɛɛm zẽk f nin n gese, ges f bɛɛb sẽn yit Goabg n watẽ. Piis niynsi b sẽn dɩk n gũnug fooma, b yell na n yɩ-la a wãna? Piis niynsi sẽn da ya fo zu-zẽkrã b yell na n yɩ-la a wãna?

Zeremi 21:4

Soaala-Wẽnde, a Israyɛl Wẽndã sẽn leokde: ‹Yãmb na n taka zabre ne Babilon dĩma tãb-biisa sẽn gũbg yãmbã. M na n modga tãb-biis niynsi sẽn zabd-b lal-gũbra taoorã tɩ b leb poorẽ, n tɩ tigim tẽnga pʋga.

Zeremi 21:7

Dẽ poore, ket n yaa Soaala koɛɛga, mam na n ninga Babilon dĩma nugẽ, Zɩɩda dĩm a Sedesiyas, n paas a kug-zĩidba la a soolma rãmb sẽn põs-b bãagã, zabra sʋʋga la koma. N-ye, m na n bas-b-la b bɛɛba nugẽ, sẽn dat-b n kʋ-ba nusẽ! A Nabikodonozor na kɩt tɩ b kʋ-ba; a kõn zoe ned ba a ye nimbãanega, a kõn bas ned ba a ye, a kõn sak belgr ye.› »

Zeremi 25:9

ade, mam na tʋmame tɩ b kẽng n tɩ bool goabg rãmba fãa la b bool m tʋʋm-tʋmd a Nabikodonozor, Babilon dĩma. M na n kɩtame tɩ b wa zab ne tẽn-kãnga nebã la a yagsã sẽn ya bu-zẽmba. M na naag bãmb ne yãmb n wã zãnga, la m na n kɩtame tɩ tẽnga lebg raboogo, la sẽn na n yãend-a na n yɛɛsame la a fɩɩle n wilg a sũ-beedo. Yaa maam, Naaba-Wẽnd n gomd woto.

Zeremi 30:5

Soaala-Wẽnd gomda woto: «Pɛlen-yɩk kɛlenga n sãte, yaa bʋʋr sẽn paasd n dabda.

Zeremi 4:11

Badaare, koe-kãnga la Soaala-Wẽnd na n togs Zerizalɛɛm dãmba: «Tãmsa zut sob-tʋʋlga n wẽed m buudu la sobga yita zĩ-pɛɛlẽ. Ka sob-bil sẽn zems kood yelgr ye,

Zeremi 4:6

Wilg-y tɩ b yagl tãb-kaoore n tees Siõ, Wilg-y tɩ b bao zĩig n soonde, la ned ba a ye ra paa a zĩigẽ ye. Yaa nug goabg sẽnẽ la Soaala-Wẽnd tusd yel-beed t'a watẽ; yaa wɩɩbd sẽn pid wɩɩbdo.

Zeremi 4:8

Yeelg-y sũ-pa-noang futu, wilg-y y sũ-sãanga, kelem-y kʋʋre; Soaala-Wẽnd pa rat n bas-d taal ye: b sũura sɩd puuga wʋsgo.

Zeremi 5:15

Sã n ya yãmba, Israyɛl kamba, yaa Soaala n gomde, m na n boola tẽn-zãorgẽ dãmba, tɩ b wa yik zabr ne yãmba. Ned zɩ n tõog bãmb ye, yaa buud sẽn pid ne yʋʋma, buud kʋdg menga, y ka tõe n gom b goama, y ka tõe n wʋm b goama ye.

Zeremi 8:10

Sẽn ya woto wã, Soaala n gomde, m na n dɩka b pagbã n kõ neb a taaba, n dees b pʋto n kõ sẽn dat-ba. Bãng-y tɩ b fãa gill, sẽn sɩng kom-bõonego, n digd bɛda yaa b meng yõod bal la b baooda; sẽn sɩng bãngda n wat maan-kʋʋda fãa yaa ninsaan-kazukma.

Ezekiyɛl 16:40

Rẽ poore m na n pirsa zãma wã tɩ b lob f kuga, n bees-f ne sʋʋse;

Ezekiyɛl 21:31

Ad-m sẽn yete maam, Naaba-Wẽnde: ‹B na deega sẽn wilgd tɩ f yaa rĩma, b na n fõka f pugla. Yɛla teemame. Sulg-m-meng rãmb la b na n zẽke la b sik pãng rãmba.

Ezekiyɛl 28:7

la rẽnd yĩnga, m na n kɩtame tɩ bu-zẽmb wa zab ne-fo. Yaa neb sẽn tar pãng wʋsgo. B na n wa sãama fo sẽn zĩnd n geelg wa yam pidung soab sẽn geendã. B na n sãbsa f ziirã.

Ezekiyɛl 31:12

Bu-zẽn dãmba toolem sẽn yɩɩd buud a taab rẽnna, kɛɛg-a lame la b bas-a lame n looge. A wil bɛdã, a wil bõonega kaoome n dʋr tãnga zug la bãadẽ. Neb niyns sẽn da vɩ a maasmẽ wã zoe n loogame.

A Zowɛlle 2:3

Tãb-biisa wẽnda bugum sẽn widgi. Yaa bugum sẽn ka be sugri n ka basd bũmb a poorẽ ye. Bũmb ka tõe n põs-a ye. Bugma sẽn waa n nan ka widgi, tẽnga ra wẽnda Eden zẽedo, la a widgr poore, lebga zĩ-peen-daaga sẽn kẽesd rabeem.