Abakuk 1:16 - SEBR SÕNGO

¹⁶ B lɛɛgd n kʋʋda b zulumsa maando, n yõogd tɩdare b yĩnga. B yetame tɩ yaa bãmb maasem yĩng la b paamd b rɩ-bɛda la b rɩ-noodo.

WẼNNAAM SEBRE 2014

¹⁶ Rẽ kɩtame, tɩ b maand maand b gãmba wã yĩnga, la b yõogd wisd n kõt b zũnunsã. B yetame tɩ yaa bãmb yĩng la b paam naare, bãmb yĩng la b paam rɩ-nood n dɩtẽ.

Abakuk 1:16 Iomraidhean Croise

Yɩɩn‑sõamyã 22:29

Naam toga ne Wẽnde, n tog ne bu-zẽmba Soaala!

A Ezayi 37:24

Fo tʋma neb tɩ b wa tʋʋs-ma, maam Naaba-Wẽnde, fo yeelame: Maam a Senakerib, m tara bilim-bilm ka tɛka, la yaa ne bãmb la m dʋ tãms ka tɛk zug tẽnsʋka, m taa Libã sẽn lug n sãdẽ wã, m kʋʋsa tɩ bɛda googo, m kʋʋsa a tɩ neebã, m bʋʋg-a-la a soondg zĩigẽ, a tʋgra pʋgẽ.

Zeremi 44:17

Tõnd na n kell n maana tõnd sẽn da kãabe. D na n waa ne tɩdare la rãam n kõ a Astarte, yĩngr dĩm-poakã, wala d sẽn da maan n tãag rũnna, tõndo wala d ba rãmba, d dĩm dãmba, d kug-zĩidba, Zɩɩda tẽnsẽ la Zerizalɛɛm soya zutu. Wakat kãng tɩ d da rɩtame tɩ seke, d zug ra yaa noogo, yel-beed da ka pʋgd-d ye.

Zeremi 44:8

Bõe tɩ y baood n na n beeg-ma ne y tʋʋm yoodo, n kʋʋd wẽn-sãams maando, y sẽn waa n na n soond tẽng ninga, Ezipt tẽnga? Bõe tɩ y rat tɩ m menes yã tɩ dũni ninsaalba wa get-y wa yãnde la kãab wẽng bũmbu?

Ezekiyɛl 28:3

Ade, fo tẽedame tɩ f tara yam n yɩɩd a Daniyɛl, tɩ bãngd ka be n zem foom ye, la f tõe n wʋma yel-solgdi wã fãa.

Ezekiyɛl 29:3

Ad-m sẽn yete, maam, Naaba-Wẽnde: ‹M na n yika ne foo, Ezipt dĩma, fo wẽnda rũn-bãndã sẽn tẽeg a meng n gãe Nil pʋga. Fo yetame tɩ kʋɩl-kãnga yaa f soolem, a yaa f nug tʋʋmde.

Abakuk 1:11

B loogda wa sob-raoogo, n teem zĩiga. Ad-y b geta b pãnga wa b wẽnde.

Yaoolem 8:17

Da wa saag n yeele: ‹Yaa m yãoog pãng n kẽes-m tɩgr kãnga pʋga.›