Lukas 4:18 - Siroi

¹⁸ Suŋgo tuku Guwa nu ye mbolŋge minit. Nuŋge ye madiyina le ye piro teŋenmba kam tuku minet. Ye sanzal mbal tugumŋge pasa mayenu kukliwamŋgit. Ye saniŋgi le muliŋ kilanu taŋgo minig ta nane mayok kaŋgaig. Am tukulok mbal am maraŋgamŋgaig. Ye sinamanzerka minig mbal muskil kile-tidiŋge niŋgamŋgit.

Lukas 4:18 Iomraidhean Croise

Mulum Pasa 3:15

Tale pino ta ndoŋ tale ŋgamukŋge gubra pili le tale muŋgu ŋgueu ŋak minamŋgaik. Ne tuku kutu pino tuku kutu nane mata taŋamba muŋgu ŋgueu ŋak minamŋgaig. Nu ne tuku gabat to fetkuwa le ne nu tuku kupe tugunu makewamŋgat ŋgina.

Mune 51:17

O Kuate, ye tuku atrau agaŋ ta ye yiŋe nyu te-ibeŋmba ne kumnemŋge mini ta ne nzalinate. Ye ŋgamuŋgal biye mbilmba ne tugum prowi ta ne ye pitaiye nda.

Mateus 11:5

Kile am tukulok mbal mambilde. Kupe ŋaigoŋgade mbal likade. Ŋgirŋger ŋak mageke likade. Kilba tukulok pasa isig. Afu kume likade ta aboŋga tiŋgade. Sanzal mbal Kuate tuku pasa mayenu isig.

Mateus 12:18

Tane isap. Taŋgo te nu ye tuku piro taŋgo. Ye nu madiwen. Ye nu tuku kume purmba nu tuku gare toret. Ye yiŋe Guwa nu tuwi le nu ye tuku maŋau tiŋreknu kasomok mbal ŋakmba saniŋgamŋgat.

Mateus 12:20

Ande nu ulem taŋaŋ isunu baklelkanu minwa le nu ŋgurmba bukŋge nda. Ko ande nu bulu taŋaŋ kupam bafumba fudiŋmba buluŋga minwa le nu fuwe nda. Nu taŋamba minmba ma ma nu wam ŋakmba kile-ibeŋka maŋau tiŋreknu ndo te-mayokamŋgat.

Mateus 4:16

Nane ma make suŋgo sinamŋge minig mbal ta bulu suŋgo kaŋgeramŋgaig. Nane ma furir sinamŋge kumanu suk minig ta bulu suŋgo tiŋga nane kilŋaniŋgamŋgat ŋgina. Aisaia 9.1-2

Mateus 5:3

Tane Kuate am mbolŋge kumuŋ kuga ŋga kamusde mbal tane gare maŋau mbolŋge minap. Tane Kuate tuku ma mbol kambim tuku minig.

Lukas 4:17

Andeŋge tuan taŋgo Aisaia tuku kuyar ta tuna le nu ndek waŋe kuklimba pasa sota ka ande kaŋgermba teŋenmba burkina.

Lukas 6:20

Kile Yesus nu mambilmba nu dubinaig mbal kaŋgerka saniŋgina: Tane sanzal minig mbal tane gare maŋau mbolŋge minap. Tane Kuate tuku ma mbol kambim tuku minig.

Lukas 7:22

Taŋamba nu nale sanikina: Tale luka ka wam ke liket te takile ammbi kaŋgerka kilbambi isik ta ŋakmba Yohanus kubeu tape. Kile am tukulok mbal mambilde. Kupe ŋaigoŋgade mbal likade. Ŋgirŋger ŋak mageke likade. Kilba tukulok pasa isig. Afu kume likade ta aboŋga tiŋgade. Sanzal mbal Kuate tuku pasa mayenu isig.

Yohanus 1:41

Nu pitik ndo mambo nuŋe sota te-silika sana: Sile Mesias kaŋgerik ŋga sana. (Mesias nyu ande Kristus).

Yohanus 12:46

Ye kilke te tuku bulu taŋaŋ taŋgo pino ŋakmba kilŋaniŋget. Ye son ŋgade mbal nane ma make sinamŋge mine ndakade.

Yohanus 3:34

Kuateŋge kukulna taŋgo ta nu Tukul Guwa ŋaknu tuwit tukunu Kuate sakate taŋamba nu mata sakate.

Aposel 10:38

Nu Kuateŋge Tukul Guwa tuna le nu saŋgri ŋak ma ŋakmba mbolŋge lika nu wam mage kina. Kuate nu ndoŋ minna. Afu Satan tuku saŋgri kumnemŋge minnaig ta nu nane tuku muskil kile-tidiŋgina.

Aposel 26:18

Ne nane wamdus purfeu serniŋga le ma make tuku maŋau kusremba bulu mbolŋge prowam tuku ne kukulnet. Nane Satan tuku saŋgri ŋakmba kusreka Kuate tugum kuwaig le nu nane tuku une sauke niŋguwa le nane Kuateŋge madiniŋgina mbal ndoŋ ulendikamŋgaig. Ta tuku ne kukulnet ŋga sayina.

Aposel 4:26

Kilke te tuku nyu ŋak mbal kame buwam saka tiŋga gabat sugo afu ndoŋ ulendika maŋgurka Kuate nuŋe madina taŋgo ndoŋ kame buwam idusnaig ŋgina. Mune 2.1-2

Aposel 4:27

O son. Sine ne tuku pasa ta alonu kilimok kaŋgergeŋ. Herodus, Pontius Pilatus, kasomok mbal Israel mbal afu turmba nane Yerusalemŋge maŋgurka ne madina taŋgo Yesus balewam tuku sakinaig.

Kolosi 1:13

Sine o buk ma make suŋgo tuku saŋgri kumnemŋge mingeŋ ta Kuate nu sine kile-luka kilmba Kiŋo nuŋe tuku suŋgomba kume purte ta nu kumnemŋge patikina.

Yakobus 2:5

Tira kame, tane ye tuku pasa te isap. Kuate nu ima kate Yesus tuku son ŋga nu kulatkate ma sinam kambim tuku madiniŋgina. Agaŋ ndende suŋgomba ŋak mbal e ko sanzal mbal? Nane kilke mbolok mbal am mbolŋge sanzalnu minig mbal ta madiniŋgina. Kuate nu taŋamba nuŋe kume purde mbal nu ndoŋ minmba minamŋgaig ŋga sakina.

1 Petrus 2:9

tane taŋamba kuga. Tane Kuateŋge maditiŋgina. Tane nu tuku kuasmbi ndindo minig. Tane Suŋgo Kuate tuku pris mbal. Tane nu tuku mbal mayok ka nu tuku tur maŋau mayenu afu saniŋgam tuku nu ma make sinamŋge tane wika kilmba nuŋe bulu mayenu mbolŋge patikina.