Lukas 2:14 - Siroi

¹⁴ Samba mbolŋge Kuate tuku nyu suŋgo mayok kuwa. Kilke mbolŋge Kuateŋge make patikate mbal ŋgamuŋgal wamdus bulok minwaig ŋginaig.

Lukas 2:14 Iomraidhean Croise

Mateus 21:9

Taŋamba kile afu Yesus tumailamŋge afu ŋgumnemŋge nane kumbaŋge wikaraumba sakinaig: Sine David tuku mbuŋ tuku nyu te-duŋgube o. Taŋgo te Suŋgo tuku nyu mbolŋge prote. Nu Suŋgoŋge nyaro tuwa o. Sine Suŋgo Kuate tuku nyu te-duŋgube o ŋginaig. Mune 118.26

Lukas 1:79

Promba sine kilŋasiŋguwa le sine ma make sinamŋge kume tuku saŋgri kumnemŋge mineg mbal ndin kaŋgermba ŋgamuŋgal gare tumba wamdus bulok minamŋgig. Sakaria nu taŋamba dir pasa sakina.

Lukas 19:38

Ese. Nu gabat suŋgo. Nu Suŋgo tuku nyu mbolŋge prote. Nu Suŋgoŋge nyaro tinwa o. Ese. Samba mbolŋge sine tuku gubra kile kugate. Suŋgo Kuate tuku nyu suŋgo mayok kuwa o ŋginaig. Mune 118.26

Lukas 2:13

Taŋamba saka minna le pitik ndo samba mbolok eŋel kuasmbi suŋgo pro nu ndoŋ ulendika Kuate tuku nyu te-duŋga teŋenmba sakinaig:

Lukas 2:15

Kile eŋel kame taŋge nane kusreka luka samba mbol kinaig le sipsip kulatkanu mbal naŋgine naŋgine sakinaig: Sine wam mayok ket le Suŋgoŋge sasiŋgat ta ka Betlehemŋge kaŋgerbe ŋginaig.

Lukas 3:22

Tukul Guwa ŋgarosu te-mayokmba gami taŋaŋ ndeka nu mbolŋge minna. Kile samba mbolŋge pasa ande promba teŋenmba sakina: Ne yiŋe Kiŋo. Ye ne tuku kume purmba ne tuku gare suŋgo tet ŋgina.

Yohanus 14:27

Tane wamdus piti ŋak minmba kuru kuru ndakap. Ye tane kusreka ŋgamuŋgal mukukmbi wamdus bul sertiŋgamŋgit. Kilke te tuku maŋau dubide mbal wamdus bul serniŋgig taŋaŋ kuga. Ye ŋgamuŋgal mukukmbi wamdus bulok minet maŋau ta tiŋgamŋgit.

Yohanus 17:4

Ne ye piro kam tuku sayina ta ye buk ke suluwit sulumba ne tuku nyu suŋgo kilke mbol mbal ŋgamukŋge te-mbolet.

Yohanus 3:16

Kuate nu kilke mbol mbal ŋakmba tuku kume purmba nuŋe Kiŋo nuŋe ndindo niŋgina. Ima nu Kiŋo nuŋe kumuŋ ŋga son ŋgate ta nu ŋgisi ndaka abo ŋak minmba minamŋgat.

Aposel 10:36

Sine Yesus Kristus ndoŋ ulendikeg mbal kile Kuate nu sine ndoŋ wamdus mukuk minit. Nu pasa mayenu ta ŋakmba isam tuku sine Israel siŋgina. Yesus nu taŋgo ŋakmba tuku Suŋgo.

Rom mbal tuku waŋe Paulusŋge kuyarna 5:1

Sine Kristus tuku kume tuku saŋgri tomba tiŋgeg wam ta mbolŋge Kuate am mbolŋge tiŋreknu mayok kineg. Taŋaweg le siŋgine Suŋgo Yesus Kristus mbolŋge Kuate nu sine ndoŋ wamdus mukuk minit.

Efesus 1:6

Sine nu tuku nyu suŋgo ta te-duŋgube ŋga nu nuŋe wam mayenu ta te-mayokmba nuŋe Kiŋo nuŋe tuku kume purna ta nu mbolŋge sine ake sinaŋ make patikina.

Efesus 1:9

nuŋe wamdus buk kuirok minna ta kila pile mayeweg. Kuate nu o buk nuŋe raŋgun mayenu maŋau ta dubimba wamdus tina ta teŋenmba.

Efesus 2:4

Kuate tuku mape maŋau suŋgokanu. Nu sine tuku suŋgomba kume purmba

Efesus 2:7

Ait prowe likamŋgaig ta ŋakmba mbolŋge Kuate nu sine ake sinaŋ make patikate wam suŋgo ta kilimok mayok kuwa ŋga nuŋe raŋgun mayenu Kristus Yesus mbolŋge siŋgina.

Filipi 2:11

Yesus Kristus nu Suŋgo ŋga sakamŋgaig. Taŋawaig le Mam Kuate tuku nyu suŋgokamŋgat.

Kolosi 1:20

Nu samba kilke agaŋ ndende ŋakmba ndoŋ wamdus mukuk minam tuku idusna sulumba nu nuŋe Kiŋo nuŋe nu ail kazrai mbolŋge kumna le nu wam ta mbolŋge ulendikam tuku maŋau te-mayokna.

2 Tesalonika 2:16

Siŋgine Mam Kuate nu sine tuku suŋgomba kume purmba ake sinaŋ sine make patikate le sine wam mayenu tairŋga minmba ŋgamuŋgal mukuk ŋak mineg.

Dir pasa 5:13

Kile samba mbolŋge kilke mbolŋge kumnemŋge yu sinamŋge agaŋ ŋakmba teŋenmba sakinaig. Taŋgo minyo mbili maditaknu mbolŋge minit nu Sipsip Fat ndoŋ nale saŋgri ŋakmba ŋak minmba minwaik. Sine nale tuku nyu te-duŋga minmba minbe ŋginaig.