Lukas 1:46 - Siroi

⁴⁶ Kile Maria nu sakina: Ye Suŋgo tuku nyu te-duŋget.

Lukas 1:46 Iomraidhean Croise

Rom mbal tuku waŋe Paulusŋge kuyarna 5:11

Ta ndo kuga. Siŋgine Suŋgo Yesus Kristus nu sine kilmba Kuate ndoŋ tumana le wam ta mbolŋge kile sine Kuate ndoŋ gulab mayemba nu ndoŋ gare-gareka mineg.

1 Korin 1:31

Ta tuku kuyar pasa ande teŋenmba sakate. Taŋgo ima nu payamkam idusmba kande nu Suŋgo wam ke likate ta idusniŋmba payamkuwa ŋgate. Yeremia 9.24

2 Korin 2:14

Sine Kuate tuku nyu te-duŋgube. Nu Kristus mbolŋge sine saŋgri pilesiŋmba saŋgri ŋaigonu ŋakmba kile-ibeŋkam tuku ndin tumsiŋgit. Afu Kristus kila palmbim tuku Kuate nu sine mbolŋge pirokate le nuŋe pasa mayenu mundur mayenu taŋaŋ mayok ka ma ŋakmba kumuŋgate.

Filipi 3:3

Sine Tukul Guwa ŋak minmba Kuate mbariŋmba Kristus Yesus mbolŋge gare teg mbal sine ndo ŋgaro pike maŋau tugusek ŋak mineg. Sine taŋgo tuku wam idusniŋmba ta kumuŋ ŋga idus ndaweg.

Filipi 4:4

Tane mara mara Suŋgo tugumŋge gare tap. Ye maŋ lato satiŋgamŋgit. Tane gare tap.

1 Tesalonika 5:23

Ŋgamuŋgal mukuk wamdus bulok maŋau Kuate nu tugu. Nuŋge tane tiŋreknu kile-mayokkuwa. Nu tane kulatka minwa le ma ma siŋgine Suŋgo Yesus Kristus prowa le taŋgine ŋgaro ŋgamuŋgal kanu ta ŋakmba mbar kugatok purfeŋnu mayok kaŋgaig. Sine taŋamba tane tuku ŋga Kuate yabaŋeg.

1 Petrus 1:8

Tane Yesus kaŋger ndanaig ta tane nu tuku kume purmba minig. Tane nu kaŋger ndade ta tane nu tuku saŋgri tomba tiŋgade. Tane taŋade le Kuate nu tane tuku muskil kile-tidiŋge tiŋgit le taŋgine ŋgamuŋgal son tuku alonu tade. Ta mbolŋge taŋgine gare maŋau suŋgo ŋayote.