तीतुस 2:2 - सिरमौरी नौवाँ नियम

² बुजूर्ग मर्द कै आपी पांदी काबू राखणा चैंई औरौ ऐशैखै बर्ताव कौरणा चैंई ताकि लोग तिनका आदर कौरौ औरौ सौमझदारी शै बर्ताव कौरणा चैंई। तिनु पौरमेशवर पांदी मोजबूती शै बिशवाश कौरणा चैंई, औरौ ओकी लोगौआरी सौचाई शै प्यार कौरणा चैंई औरौ सैहनशोकती राखणै चैंई।

Sirmouri

² मतल्व बुड़े मरोद् सकन्नै, धीरज-बाँन, अरह् आपु आप्णे बष दे रंह्; तिनका बिश्वाष, प्यार अरह् धीरज-सबैर पाका हों।

तीतुस 2:2 Iomraidhean Croise

मरकुस 5:15

औरौ जैसी आदमी कै भीतरै बैजाए दुष्टआत्माएं थी, तैसीखै यीशु मसीह कै धोरे खोटणो बाम्बेयोंदा औरौ होशो दा बौठेयौंदा दैखैयो कै डौरे गौवै।

लूका 8:35

लोग ऐजौ जू हौए रौंव थियु तिथु दैखणौ कारिए निकल़ै औरौ यीशु कै धोरे आयौ जैसी आदमी पौरैशै दुष्टआत्मा निकल़ै रौवै थी, तैसीखै यीशु कै लातो कै धोरे खोटणो बाम्बेयोंदा औरौ होशो दा बोठेयोंदा दैखैयो डौरे गौवै।

प्रेरितो कै काम 24:25

जोबै पौलुसे जू पौरमेशवर कै सामणै साचा औसौ औरौ आपणी इछावं पांदी काबू राखौ औरौ पौरमेशवर दवारा आणौवाल़ै न्याय कै बारै मुंजी बौताणौ शुरु कियु, तौ फेलिक्से डौरेयौ जोवाब दिया, “इबी तौ तू जा; जोबै मुंकैई सौमय हौला, हांव आपी ताखै बोईददा।”

रोमियों 12:3

जिथुकै हांव तैसी अनुग्रह कै बौजैह शै जू मुखै भैटी रौआ, तुऔं मुंजीदै सौबी कै बुलू, कै जैशै सौमझणौ चैंई, तिदै बौढ़ेयौ कुणिए बै आपी कै ना सौमझौ; पौरौ जैशै पौरमेशवरे आमु कै जैतरा बिशवाश दैय राए तिथकै हिसाब शै, तैशैखैई सुबुध्‍दि कै साथै आपी कै सौमझौ।

1 कुरिन्थियों 15:34

होशो दै आव औरौ पाप कौरणा छोड़े दैव, ऐजौ मोऐं तुऔं खै बैज्जित कौरणौ कारिए ही बौल़ै लौ, जिथुकै तुऔं मुंजीदा कोसी का पौरमेशवर कै साथै सोही रिशता ना आथी।

1 कुरिन्थियों 9:25

जू लोग दौड़ दा हिस्सा लोणा चांव, सै आगै भ्यास कौरौ औरौ आपणी अभिलाषाओं दै ना डुबौ, पौरौ धीरज राखौ सै जीतणौ औरौ आदर पाणौ कारिए ऐशै कौरौ तिनका आदर फूलो लैई बौणैयौंदे माल़ा शै हौंव जू जादा सौमय तौड़ी ना रौंव पौरौ आमै जू मसीह यीशु दा भोरोशा कौरु, आदर औरौ आशीष पांदै जू सौदा तौड़ी बौणैयौंदे रौंदी।

2 कुरिन्थियों 5:13

जै कुणिए बौल़ौ कै आमै पागल औसौ, तौ पौरमेशवर कै खातिर औसौ, औरौ जै कोमल औसौ, तौ तोंवारै खातिर औसौ।

गलातियौं 5:23

नम्रता औरौ संयम औसौ; ऐशणा कुणजाई कानून ना आथी जू ऐशणी बातौ का विरोध कौरौ।

फिलिप्पियों 4:8

इथकारिए ओए रै भाईटु जू-जू बातौ साची औसौ, औरौ आदर कै लायक औसौ, औरौ जू-जू बातौ धरमी औसौ, औरौ जू-जू बातौ पवित्र औसौ, औरौ जू-जू बातौ सुन्दर औसौ, औरौ जू-जू बातौ मनो कै भाणो वाल़ी औसौ, औरौ जू-जू बातौ बैजाए आछी औसौ, औरौ जू-जू बातौ तारीफ कै लायक औसौ, तिनु पांदी ध्यान कौरेया।

1 थिस्सलुनीकियों 5:6

इथकारिए आमु अबिशवाशियौं कै जैशणौ सौतेयौंदै नी रौणौ चैंई, पौरौ जागदै औरौ चौकश रौणौ चैंई।

1 थिस्सलुनीकियों 5:8

पौरौ आमु तौ दूसौ कै संतान औसौ इथकारिए आमु आपी पांदी काबू राखणा चैंई। अमारा बिशवाश औरौ प्यार अमारै रक्षा कौरौ जैशैकै कवच सैनिकौ कै रक्षा कौरौ। औरौ ऐजै आशा जू आमु सौदा कै सौजा शै बौचांव, तैसी टोप कै जैशणै औसौ जू ऐक सैनिक कै रक्षा कौरौ।

1 तीमुथियुस 1:10

गौलत सौमबंध राखणौवाल़ै, मर्द का मर्द कै साथै औरौ बैटमाणिश का बैटमाणिश कै साथै, औरौ आदमी कै गुलामी दै बिकणौवाल़ै औरौ झूठु बौलणौ वाल़ै, औरौ झूठी शौं खाणौवाल़ै, औरौ सैजै लोग जू सैजौ सौब ठुँ कौरौ, जिथु कौरणौ कारिए आमु कै सोही शिक्षा मौना कौरौ।

1 तीमुथियुस 1:14

अमारै प्रभुए मुं पांदी लगातार आपणा अनुग्रह दिखोऊवा। तैणै मुखै बिशवाश औरौ प्यार दैय राए जिथुखै हांव प्रभु यीशु कै साथै एकजुट थिया।

1 तीमुथियुस 1:2

मोऐं ऐजै चिट्ठी तीमुथियुस कै लैखै लोए। तू मैरै आपणै बैटै कै जैशणा औसौ जिथुकै तू बै मसीह दा बिशवाश कौरे: हांव प्रार्थना कौरु कै पिता पौरमेशवर औरौ अमारै प्रभु यीशु मसीह दै ताखै अनुग्रह औरौ दया, औरौ शान्तै भैटदै रौंव।

1 तीमुथियुस 1:5

तुऔं आज्ञा दैणौ का मैरा मकसद ऐजा औसौ कै तुऐं ऐकी दुजैआरी साची मन शै औरौ आछै विवेक औरौ निष्कपट बिशवाश कै साथै प्यार कौरौ।

1 तीमुथियुस 3:11

ऐशैखैई तिनकी घोरवाल़ी सौबी कै दवारा आदर पाणौ कै लायक हौणी चैंई। निन्दा कौरणौवाल़ी नी हौणी चैंई, शान्त तरीकै शै बर्ताव कौरणौवाल़ी हौणी चैंई औरौ पूरी तरह शै भरोसेमंद हौणी चैंई।

1 तीमुथियुस 3:2

इथकारिए, ऐजै बात खास औसौ कै अगुवे दै ऐजै गुण हौणै चैंई: तैसीदा कुणजैई दोष ना हौंव, औरौ तैसीकै ऐकैई घोरवाल़ी हौणै चैंई, औरौ शान्त बर्ताव कौरणौवाल़ौ हौणौ चैंई, सै जू किछै बै कौरौ तिनु आपी पांदी काबू राखणौवाल़ै हौणौ चैंई, औरौ लोगौ कै दवारा आदर कौरणौवाल़ा हौणौ चैंई, औरौ तैसी आपणै घोरे पोऊंणै कै इज्जत कौरणौवाल़ा हौणौ चैंई औरौ तैसी पौरमेशवर कै वचन कै आछै शै शिखाणौ कै लायक हौणौ चैंई।

1 तीमुथियुस 3:4

तैसी आपणै घोरो का आछा इतंजाम कौरणौवाल़ा हौणौ चैंई, औरौ तैसी आपणै नानड़िया कै शिखाणौ चैंई कै सै हर बात दै आदर कै साथै तैसकी आज्ञा खै मानौ।

1 तीमुथियुस 3:8

तैशैखैई कलीसिया कै सेवको कै ऐशणै आदमी हौणौ चैंई जिनका लोग आदर कौरौ। तिनु दुगल़ै औरौ सूरवाए नी हौणौ चैंई, बैसब्री औरौ धौखा दैयौ धन कमाणौ वाल़ै नी हौणौ चैंई।

1 तीमुथियुस 5:1

आपी दै बौड़ै कोसी आदमी कै बुरै तरीकै शै ना डांट, तैसीकै आदर कै साथै सलाह दै जैशैकै सै तैरा पिता औसौ सैजै आदमी जू तांव दै नानड़ै औसौ तिनुआरी आपणै भाई कै जैशणा बर्ताव कौरेया।

तीतुस 1:13

क्रेते टापू कै लोगौ कै बारै मुंजी ऐजी बातौ साची औसौ। इथकारिए तिनु सख्ताई शै चैतावणी दैया कौर, कै सै यीशु मसीह कै बारै मुंजी साची शिक्षाओं पांदी बिशवाश कौरौ।

तीतुस 1:8

पौरौ पौऊंणै का आदर कौरणौवाल़ा, भोलाए का चाणो वाल़ा, सौब्री, धरमी, पवित्र औरौ भावनाओं पांदी काबू राखणौ वाल़ा; हौणा चैंई।

तीतुस 2:7

ताखै सौबी बातौ दै उदारण कै रुप दै आछै काम कौरणै चैंई, जिथका औकै लोग सौदा पालन कौरे सौकौ। जोबै तू बिशवाशियौं खै पौरमेशवर कै बारै मुंजी शिखाए, तौ ताखै आछै मकसद कै साथै शिखाणौ चैंई औरौ ऐशैखैई लोग तैरा आदर कौरलै।

1 पतरस 1:13

इथकारिए, जू किछै तुऐं सुंचौए तिथपांदी तुऔं काबू राखणा चैंई। औरौ ऐशै कौरेयौ आपणै जीवन दै पूरै तरह शै आपणै बिशवाश कै साथै चालौ। औरौ तियौं मोक्ति कै आशा राखैयौंदे राखौ जू पौरमेशवर अनुग्रह शै तुऔं तोबै दैंदा जोबै यीशु मसीह स्वर्ग पौरैशा आला।

1 पतरस 4:7

सौबी बातौ का अन्त तावल़ा हौणौवाल़ा औसौ; इथकारिए आछै शै सुंचौ औरौ आपी खै काबू दै राखैयौ प्रार्थना कौरणौ कारिए चौकश रौंव।

1 पतरस 5:8

चौकश रौव, औरौ जागदै रौव, जिथुकै शैतान, तोंवारा दुशमन तुऔं पांदी वार कौरणा चांव ताकि तुऐं पौरमेशवर कै आज्ञा ना मानौ। सै हुंगरौणौवाल़ै शेरो कै जैशणा औसौ, जू आगै-पाछैदा दैखौए कै सै कोसी कै खाए सौकौ।

2 पतरस 1:6

औरौ तुऔं ना सिरफ ऐजौ जाणणौ चैंई कै सौमझदारी शै कैशै बर्ताव कौरणा, पौरौ तुऔं आपी खै बै तिनु बुरै कामौ खै ना कौरौ जू तुऐं कौरणा चांव औरौ तुऔं ना सिरफ आपी खै काबू दै राखणै चैंई, पौरौ तुऔं मुसीबत दै बै सब्र राखणा चैंई औरौ तुऔं ना सिरफ सब्र राखणा चैंई, पौरौ तुऔं ऐशणै तरीकै शै बै जीणु चैंई जू पौरमेशवर खै खुश कौरौ।