तीतुस 1:5 - सिरमौरी नौवाँ नियम

⁵ हांव ताखै इथकारिए क्रेते टापू दा छोड़ेयौ ओऊवा थिया ताकि तू तिथै की कलीसिया की मुसीबतौ कै ठीक कौरे सौकै जिनु ठीक कौरणौ का मुंकैई सौमय ना थी औरौ क्रेते टापू कै सौब शहर दै अगुवे कै चुणी पा। इथकै बारै मुंजी ताखै मैरी बौतायौंदे बातौ याद राखणी चैंई:

Sirmouri

⁵ मुँऐं ताँव क्रेते दा ईन्देंखे छुड़ी थुवा थिया, के तू ऊकी बातो भे सुधारी दिऐं, अरह् मेरी अज्ञाँ के मुँताबिक शे नंगर-नंगर दे अगवाल़ सियाँणे बाँणे।

तीतुस 1:5 Iomraidhean Croise

प्रेरितो कै काम 11:30

तिनुऐ ऐशैखैई कौरौ; औरौ बरनबास औरौ शाऊल कै हाथौ अगुवो कै धोरे किछै पौयसा भैज दिया।

प्रेरितो कै काम 14:23

औरौ तिनुऐ हरेक कलीसिया दै सौबी समूह कारिए अगुवे ठौहरा दियै औरौ उपवास कै साथै प्रार्थना कौरेयौ तिनु प्रभु यीशु कै सौंपै दिए जैसी पांदी तिनुऐ बिशवाश कौरे राए थिया।

प्रेरितो कै काम 2:11

यानी का यहूदी, औरौ का बैगानै यहूदी जिनुवै यहूदी विचार अपनाए राए औरौ क्रेती द्वीप कै लोग औरौ अरब देश कै लोग बै औसौ। पौरौ आपणी-आपणी भाषा दै तिनु कैईंदै पौरमेशवर कै बौड़ै-बौड़ै चौमत्कार कै कामौ खै शुणदै लागै रौवै।”

प्रेरितो कै काम 27:12

शुभ लंगरबारी नांव का बन्दरगाह जाड़ै काटणौ कारिए आछौ ना थी; इथकारिए बौहितै का विचार हौआ कै तिथैशै आगु बौढ़ेयौ कैशैकैई हौए सौकौ तौ फीनिक्स बन्दरगाह पोंचैयो खै जाड़ो काटुगै। ऐजा तौ क्रेते टापू कै किनारे का ऐक बन्दरगाह औसौ, जिथका दवार दक्षिण-पश्‍चिम औरौ उतर-पश्‍चिम दिशा दा औसौ।

प्रेरितो कै काम 27:13

जोबै दक्षिण बागूर सुलै-सुलै बोहन्दै लागै, तौ तिनुऐ सुंचौ कै तिनकी योजना पूरी कौरणौ कारिए आछा सौमय औसौ, इथकारिए लंगर टिपयौ खै औरौ क्रेते टापू कै किनारे-किनारे समुन्द्र तट कै नेड़िक जांदै लागै।

प्रेरितो कै काम 27:21

जोबै सै बौहितै दूसौ तौड़ी भूखै रौवै, तौ पौलुसे तिनकै बीच मुंजी खौड़ै हौयौ बुलू, “ओए रै दोस्तो, चैंई थियु कै तुऐं मैरै बात मानैयौ, क्रेते टापू दै आगुई नी बौढ़दै औरौ ना ऐजै मुसीबत आन्दै, औरौ ना ऐजा नुकसान हौंदा।

प्रेरितो कै काम 27:7

जोबै आमै बौहितै दूसौ तौड़ी सुलै-सुलै बौएयौ मुशकिल शै कनिदूस नगर कै सामणै पोऊंचे, तौ इथकारिए कै बागूर आमुखै आगै बौड़णौ नी दैंव थी, आमै सलमोने कै सामणै शै हौयौ खै क्रेते टापू कै आड़ दै चालै;

1 कुरिन्थियों 11:34

जै कुणिए भूखा हौंव, तौ आपणै घोरे शा खायो आंव, ताकि जोबै तुऐं कौठै हौंव, तोबै तुऐं सोही तरीकै शै बर्ताव कौरदै औरौ पौरमेशवर तोंवारा न्याय ना कौरदा औरौ ओकी बातौ खै जोबै हांव आन्दा, तौलौ ही सुलझांदा।

1 कुरिन्थियों 14:40

जू किछै बै तुऐं कलीसिया दौ कौरौ, सै प्यार शै औरौ बारी-बारी शै कौरेया।

1 कुरिन्थियों 4:17

इथकारिए मोऐं तीमुथियुस खै जू प्रभु यीशु दा मैरा प्‍यारा औरौ बिशवाश लायक बैटा औसौ, तोंवारै धोरे भैजै राए, सै तुऔं याद दियांदा कै मसीह का चैला हौणौ कै नातै हांव कैशै काम कौरु औरौ कैशैखै जीवन जियुं जैशैकै हांव हर कलीसिया दी शिक्षा दियु।

कुलुस्सियों 2:5

हांव तुऔं दा दूर औसौ तोबै बै तोंवारै बारै मुंजी सुंचदा रोऊं, औरौ हांव खुशी औसौ कै तुऐं एकता दै तैशै जी रौवै जैशै तुऔं जीणु चैंई, औरौ ऐजौ बै कै मसीह दै तोंवारै बिशवाश मजबूत औसौ।

1 तीमुथियुस 1:3

ओए रै तीमुथियुस जैशैखै तू जाणैए कै इफिसुस शहर दै किछै ऐशणै लोग औसौ जू गौलत शिक्षा दैंव। सै लगातार झूठी कहाणी औरौ पुराणिया कै बारै मुंजी शिखांव। जोबै हांव इफिसुस शहर शै मकिदुनिया प्रदेश दा जाणौ कारिए तैयार थिया, तौ मोऐं ताखै इफिसुस शहर दौ रौणौ कारिए बौल़ौ कै सै ऐशणै शिक्षा नी दैंव। जोबै सै ऐशणी बातौ शिखांव, तौ लोग तिनकै बारै मुंजी चौर्चा कौरौ। इथका नतीजा ऐजा औसौ कै तिनु शिखाणौ वाल़ै तिनु कामौ कै ना कौरे लैई जू पौरमेशवरे तिनु दैय राए थिए, जिनु सै सिरफ पौरमेशवर पांदी भोरोशा कौरेयौ कौरे सौकौ।

2 तीमुथियुस 2:2

तुऐं मुखै बौहितै लोगौ कै सामणै मसीह कै बारै मुंजी सौंदेश कै शिखांदै बैई शौणै राए। इथकारिए, हांव चोऊं कै तू बै ओकी बिशवाशियौं कै ऐजा ही सौंदेश शिखा जू बिशवाश लायक लोग औसौ, औरौ जू ओकी खै बै ऐजौई शिखाणौ कै लायक हौंदै।

तीतुस 1:12

क्रेत टापू कै ऐक आदमीए जैसीकै लोग ऐक बुध्दिमान कवि मानौ थिए, तैणै बौल़ै राए, कै क्रेती टापू कै लोग हमैशा झूठु बौल़ौ। सै जोंगली जानवर कै जैशणा बर्ताव कौरौ। तिनु दाल़िद औसौ औरौ सौदा जादा खाणौ खांव।