तीतुस 1:3 - सिरमौरी नौवाँ नियम

³ औरौ ऐबै बिल्कुल ठीक सौमय पांदी, पौरमेशवरे ऐसी सुसमाचार कै अमारै सामणै दैय राए औरौ आमै इथका प्रचार सौबी मुंजी कौरु। पौरमेशवर औरौ अमारै उध्दारकर्ताए ऐजै आज्ञा दैंदै बैई मुखै जुमैवारी दै कै तैसी कारिए ऐजा काम कौरु।

Sirmouri

³ परह् ठीक बख्तो गाशी आप्णा बचन तेसी प्रचार के जाँणें पर्गट करा, जू अमाँरे छूट्कारा देणों वाल़े पंण्मिश्वर के अज्ञाँ के मुँताबिक मुँह कैई देऐ थुवा।

तीतुस 1:3 Iomraidhean Croise

मरकुस 1:15

औरौ तैणै बौल़ौ, “पौरमेशवरे जैसी दूसौ कै कौरार दैय राखै थी सैजौ दूस आए गौ, औरौ पौरमेशवर का राज्य नेड़िक आए गौआ; पाप कौरणै छोड़े दौ औरौ सुसमाचार पांदी बिशवाश कौरौ।”

मरकुस 13:10

पौरौ जौरुरी औसौ कै दुनिया का अन्त हौणौ दा आगै, मैरै बारै मुंजी सुसमाचार सौबी देशो कै लोगौ दा शुणाया जांव।

मरकुस 16:15

तोबै यीशुए तिनुखै बौल़ौ, “तुऐं सारै दुनिया पांदी जाऐबा सारै धोरती कै लोगौ खै सुसमाचार प्रचार कौरौ।

लूका 1:47

औरौ मैरी आत्मा मैरै उध्दार कौरणौवाल़ै पौरमेशवर शै खुशी औसौ।

प्रेरितो कै काम 10:36

तुऔं तैसी खबर कै बारै मुंजी पोता औसौ, जू पौरमेशवरे अमारै खातिर यानी इस्राएल देश कै लोगौ कै दैय राए थै। तैणै शान्तै कै बारै मुंजी सुसमाचार शुणौऊवा जू लोगौ खै यीशु मसीह पांदी बिशवाश कौरणौ कै दवारा भैटी सौकौ। सै सौबी लोगौ का पौरमेशवर औसौ।

प्रेरितो कै काम 17:26

तैणै ऐकी आदमी शै सौब जातियाँ सारै धोरती पांदी रौणौ कारिए बाणै राए; औरौ तिनकै ठैहरायौंदे सौमय औरौ निवासो की लोकिरो कै इथकारिए तय कौरी,

रोमियों 15:19

औरौ पवित्र आत्मा कै दवारा मुखै दैय गोई अनौखी शौकतै शै हांव अनौखै काम औरौ चौमत्कार कौरु इथकारिए जिथै बै हांव यरूशलेम शहर शै इल्‍लुरिकुम प्रदेश तौड़ी हौटा, तौ मोऐं तिथै सौबी लोगौ कै, यीशु मसीह कै बारै मुंजी सुसमाचार शुणौऊवा।

रोमियों 16:25

ऐबै जू तुऔं कै जैसी सुसमाचार का हांव प्रचार कौरु तुऔं खै बिशवाश दै मोजबूत बाणु, तैसी भैद कै पेयाशै कै हिसाब शै जू हमैशा शै छिपैयौंदा रौआ।

रोमियों 16:26

पौरौ ऐबै प्रगट हौयौ हमैशा कि आज्ञा लैई पौरमेशवर कै बातौ बौताणौवाल़ै जू बातौ लैखै रैई तिथकै दवारा सौबै जाति कै बौताए राए, कै सै बिशवाश लैई आज्ञा मानणोवाल़ै हौए जांव।

रोमियों 5:6

जिथुकै जोबै आमै कमजोर ही थिए, तौ पौरमेशवर दवारा ठौहरायौंदे सौमय पांदी मसीह आमु अधरमी लोगौ कारिए मौरा।

1 कुरिन्थियों 9:17

जै हांव ऐजा काम आपणी मर्जी शै कौरु तौ मुखै इनाम भैटदा। पौरौ जै पौरमेशवरे मुखै ऐजै जिम्मेदारी दैय राए, तौ हांव इनाम कि का उम्मीद कौर सौकु? हांव कोसी बै इनाम कै उम्मीद ना कौर सौकु।

गलातियौं 4:4

जोबै सोही सौमय ओऊवा तौ पौरमेशवरे आपी आपणै बैटै खै ऐसी दुनिया दा भैजा, औरौ ऐक बैटमाणिशै तैसी जन्म दिया, औरौ सै यहूदी पौयदा हौयौ, मूसा कै कानून कै अधीन इथकारिए रौआ,

इफिसियों 1:10

औरौ पौरमेशवर कै योजना ऐजै औसौ कै सोही सौमय पांदी, जू किछै स्वर्ग औरौ धोरती पांदी औसौ, तिनु सौबी कै मसीह कै औधिकार तौड़ी कौरदा।

इफिसियों 2:17

औरौ मसीहे आयौ खै बैगानै यहूदी लोगौ कै जू पौरमेशवर शै दूर थिए, औरौ यहूदी लोगौ कै जू तैसकै नेड़िक थिए, दु खै मैल-मिलाप का सुसमाचार शुणौऊवा।

फिलिप्पियों 1:13

इथै तौड़ी कै महाराजा कै राजभवन कै सारै सैनिक गुटो औरौ महल कै सौबी लोगौ मुंजी ऐजौ प्रगट हौए गौ कै हांव कैद दा औसौ, जिथुकै हांव मसीह कै सेवा कौरु।

कुलुस्सियों 1:23

पौरौ तुऔं बिशवाश दै ऐक नीयुं कै जैशणै मोजबूत बौणैयौंदो रौणौ चैंई औरौ तियौं आशा खै जू तुऔं कैई औसौ कौलोंई नी छोड़णे चैंई जिथुकै आमु तैसी सुसमाचार पांदी बिशवाश कौरु जिथका प्रचार धोरती कै सौबी जौगैह दा कौरे राए औरौ हांव पौलुस तैसी सुसमाचार का सेवक बौणा।

कुलुस्सियों 1:6

ऐजा सुसमाचार पूरै दुनिया दा फोयलै रौआ औरौ कैई लोग बिशवाशी बौणै रौवै। इथलैई हर जौगैह जिन्दगी बौदल़दै लाग रौए, ठीक तैशैखैई जैशैकै तुऐं आगलै बैई सुसमाचार खै शौणै राए थिया औरौ इयौं सौचाई खै सौमझै राए कै पौरमेशवर तिनु लोगौ कै पापौ खै माफ कौरौ जू मसीह दा भोरोशा राखौ।

1 थिस्सलुनीकियों 2:4

पौरमेशवरे आमुखै काबिल सौमझेयौ सुसमाचार सौंपै राए। इथकारिए आमु आदमियों कै नी, पौरौ अमारै दिल खै पौरखणौ वाल़ै पौरमेशवर खै खुश कौरणौ कारिए उपदैश दियु।

1 तीमुथियुस 1:1

मोऐं पौलुसे ऐजी चिट्ठी लैखै लोए। हांव अमारै उध्दारकर्ता पौरमेशवर औरौ अमारै प्रभु यीशु मसीह, जैसीदै आमै आशा राखु, तैसकै औधिकार शै यीशु मसीह का ऐक चोणेयौंदा चैला औसौ।

1 तीमुथियुस 1:11

ऐजी साची शिक्षा तैसी सुसमाचार कै हिसाब शै औसौ जू तैसी महिमा कै बारै मुंजी औसौ जू धन्‍य पौरमेशवर शै सौमबंधित औसौ। पौरमेशवरे मुखै सैजा सुसमाचार ओकी कै बौताणौ कारिए सौंपै राए।

1 तीमुथियुस 2:3

सौबी लोगौ कारिए ऐशैखै प्रार्थना कौरणी सोही औसौ, औरौ अमारा उध्दारकर्ता पौरमेशवर इयौं स्वीकार कौरौ।

1 तीमुथियुस 4:10

आमु ऐसी जीवन कै पाणौ कारिए संघर्ष औरौ कड़ी मैहनत कौरु जिथुकै आमै जियुंदै पौरमेशवर पांदी आशा कौरु, जू सौबी लोगौ का उध्दारकर्ता औसौ, औरौ खास तौर शै तिनका जू तैसी पांदी बिशवाश कौरौ।

2 तीमुथियुस 4:17

पौरौ प्रभु मैरा मौददगार रौआ, औरौ मुखै शौकतै दै; ताकि हांव इथ लायक बौणै सौकु कै यीशु मसीह कै सुसमाचार तिनु लोगौ खै साफ-साफ शुणाए सौकु जू बैगानै यहूदी लोग अदालत दै मौजूद थिए। औरौ प्रभुए मुखै मौत शै बौचौऊंवा ठीक तैशैखै जैशै भूखै शेर कै मुँह शै बौचाया जांव।

तीतुस 2:10

चोरी चलाकी नै कौरौ; पौरौ साबित कौरौ कै तुऐं सौदा ईमानदार रौंदै, तिनु ऐशणा बर्ताव कौरणा चैंई, ताकि लोग तिनका बर्ताव दैखैयो तिनका आदर कौरौ ताकि ऐशणाई बर्ताव पौरमेशवर कै बारै मुंजी सौंदेश शुणणौ कै बौजैह बौणौ।

तीतुस 2:13

पौरमेशवर कै खुश कौरणौवाल़ा जीवन जीणो कै दवारा आमै उमीद कै साथै प्रभु कै पाछु आणौ कै आशा राखु, औरौ सैजौ दूस जोबै अमारा प्रभु यीशु मसीह जू अमारा महान पौरमेशवर औरौ उध्दारकर्ता औसौ, आपणै सारै महिमा कै साथै धोरती पांदी पाछु आला।

प्रकाशितवाक्य 14:16

इथकारिए, सैजा आदमी जू बादल़ौ पांदी बौठै रौआ थिया, धोरती पांदी आपणी दरांती शै काटदा लागा औरौ तैणै पूरी धोरती कै शाख कै कटाए कौरे।