तीतुस 1:2 - सिरमौरी नौवाँ नियम

² इथका नतीजा ऐजा औसौ, कै लोग पौरमेशवर कै साथै हमैशा रौणौ कै आशा कौरौ, जिथुकै पौरमेशवर कौलोंई झूठु ना बौल़ौ, तैणै दुनिया कै बाणणौ दा आगै वादा कौरे राए थिया कै तैसकै लोग सौदा कारिए जियुंदी रौंदै।

Sirmouri

² तेसी अमर हणों के भुर्षे गाशी, जिन्देका बाय्दा पंण्मिश्वर ऐ, करा जू झूठो ने बुली सक्दा, तेने ज़ूगौ-ज़ूगौ शा करी थुवा।

तीतुस 1:2 Iomraidhean Croise

मत्ती 25:34

तोबै यीशु राजा आपणै सोऐं ढौबौ खौड़ै हौणौवाल़ै कै बौलदा, ‘ओए रै मैरै पिता खै धन्‍य लोगौ, आव, तैसी राज्य कै औधिकारी हौए जाव जू दुनिया कै शुरु सै तुऔं कारिए तैयार कौरे राए।

मत्ती 25:46

औरौ सैजै लोग जू डैरै ढौबौ औसौ सौदा कै सौजा भुकतदै पौरौ धरमी लोग सौदा कै जिन्दगी दै जांदै।”

मरकुस 10:17

जोबै यीशु औरौ तैसकै चैलै बाटो पुंडे जांदै लागै रौवै थिए, तौ ऐक आदमी तैसकै धोरे दौड़ैबा ओऊवा, औरौ तैसकै आगै घुंडू नियुड़ाएयो तैसी कैईंदु पूछु, “ओए रै आछै गुरु, हांव ऐशणा का काम कौरु कै पौरमेशवर मुखै सौदा कै जिन्दगी दैला?”

यूहन्ना 10:28

औरौ हांव तिनुकै सौदा कै जिन्दगी दियु, औरौ सै कौलोंई नाश ना हौंदै औरौ कुणिए तिनुखै मुंआदे छीणै ना सौकौ।

यूहन्ना 17:2

जिथुकै तुऐं तैसीकै सौबी लोगौ पांदी औधिकार दिया, कै जिनु तुऐं तैसीकै दैय राए, तिनु सौबी कै सै सौदा कै जिन्दगी दैंव।

यूहन्ना 17:24

ओए रै पिता, हांव चोऊं कै जिनु लोगौ खै तुऐं मुखै दैय राए, जिथै हांव औसौ, तिथै सैजै बै मैरै साथै हौंव कै सै मैरी महिमा कै दैखौ जू तुऐं मुखै दैय राए, जिथुकै तुऐं दुनिया कै बाणणौ दै औगौड़ियौ मुं आरी प्यार राखा।

यूहन्ना 5:39

तुऐं पवित्र शास्त्र कै ध्यान शै पोढ़ो, जिथुकै तुऐं सुंचौ कै तिंदी तुऔं कै सौदा कै जिन्दगी भैटौए, औरौ ऐजा सैजाई औसौ, जू मैरी गवाही दैंव।

यूहन्ना 6:54

जू मैरा शोरीर खांव, औरौ मैरा लोऊ पियौं, सौदा कै जिन्दगी तैसकै औसौ, औरौ हांव न्याय कै दूसै हौजौ तैसी मौरेयौंदे मुंजीदा जियुंदी कौरे दियुंबा।

यूहन्ना 6:68

शमौन पतरसे यीशु खै जवाब दिया, “ओए रै प्रभु आमै कोसके धोरे जोऊं? सौदा कै जिन्दगी कै बातौ तौ तैरै ही धोरे औसौ।

प्रेरितो कै काम 15:18

ऐजा सैजाई प्रभु बौल़ौ जू दुनिया कै बाणणौ शै आगै इनु बातौ का समाचार दैंदा आए रौआ।

रोमियों 1:2

पवित्र शास्त्र दु पौरमेशवरे, पौरमेशवर कै बातौ बौताणौवाल़ै लैई ऐसी सुसमाचार कै बौताणौ का वादा कौरे राए थिया।

रोमियों 16:25

ऐबै जू तुऔं कै जैसी सुसमाचार का हांव प्रचार कौरु तुऔं खै बिशवाश दै मोजबूत बाणु, तैसी भैद कै पेयाशै कै हिसाब शै जू हमैशा शै छिपैयौंदा रौआ।

रोमियों 2:7

जू लोग सब्र कै साथै भौलाए कौरदै बैई महिमा, इज्जत औरौ सौदा कै जिन्दगी कै खोज़ दै लागैयौंदे रौंव, पौरमेशवर तिनु सौदा कै जिन्दगी दैंदा।

रोमियों 5:2

अमारै बिशवाश की बौजैह शै, मसीहे आमु ऐसी अनुग्रह दै लाए राए जिथै आमै इबी खौड़ै औसौ, औरौ आमै निशोंक औरौ खुशी कै साथै पौरमेशवर कै महिमा कै साझा कौरणौ कै आशा दैखु।

रोमियों 5:21

कै जैशै सौबै लोगै पाप कौरा औरौ सै सौबै मौरे गौवै, तैशैखैई अमारै प्रभु यीशु मसीह कै दवारा पौरमेशवर का अनुग्रह तिनु धरमी औरौ सौदा कै जिन्दगी दैंदा।

रोमियों 5:4

औरौ पौरमेशवर आमु अपनावंए जोबै आमु सब्र औरौ आशा राखु।

रोमियों 6:23

जिथुकै पाप वाल़ै कामौ का नतीजा तौ मौत औसौ, पौरौ जू वरदान पौरमेशवर आमु दैंव, सै सौदा कै जिन्दगी औसौ जू अमारै प्रभु मसीह यीशु दै औसौ।

कुलुस्सियों 1:27

जिथुकै पौरमेशवर चांव थिया कै तैसकै लोग ऐजौ जाणै पांव कै मसीह का धन औरौ महिमा तुऔं बैगानै यहूदी लोगौ कारिए बै औसौ। औरौ भैद ऐजा औसौ कै मसीह तुऔं दा रौंव जू तुऔं तैसकै महिमा कै आशा मुंजी शामिल हौणौ कै इजाज़त दैंव।

1 थिस्सलुनीकियों 2:15

तिनु यहूदी लोगै प्रभु यीशु खै औरौ पौरमेशवर कै बातौ बौताणौवाल़ै कै बै मारै दियै औरौ आमु सोताए, औरौ पौरमेशवर तिनुदा खुश ना आथी; औरौ सै सौबी आदमियों का विरोध कौरौ।

1 थिस्सलुनीकियों 5:8

पौरौ आमु तौ दूसौ कै संतान औसौ इथकारिए आमु आपी पांदी काबू राखणा चैंई। अमारा बिशवाश औरौ प्यार अमारै रक्षा कौरौ जैशैकै कवच सैनिकौ कै रक्षा कौरौ। औरौ ऐजै आशा जू आमु सौदा कै सौजा शै बौचांव, तैसी टोप कै जैशणै औसौ जू ऐक सैनिक कै रक्षा कौरौ।

1 तीमुथियुस 6:12

युध्द मुंजी ऐक आछै सैनिक कै जैशणा, जू लोड़ाई मुंजी कौलोंई हार ना मानौ, ताखै बै, पौरमेशवर पांदी भोरोशा कौरणा औरौ तैसकै आज्ञा का पालन कौरणा ना छोड़णा चैंई। तियौं सौदा कै जिन्दगी कै मोजबूती शै पाकड़ै पा, जियौं कारिए ताखै बौएदै राए, जोबै बौहितै लोगौ कै सामणै, तुऐं साफ-साफ बौल़ै राए थियु कै तू मसीह पांदी भोरोशा कौरे।

1 तीमुथियुस 6:19

जै अमीर लोग ऐशै कौरौ, तौ तिनुऐ स्वर्ग दा आपी कारिए सौदा का धन जमा कौरे लौआ। जू कौलोंई हाँईची ना सौकौ औरौ तिनुकै सौदा कै जिन्दगी भैटदी।

2 तीमुथियुस 1:1

मोऐं पौलुसे ऐजै चिट्ठी लिखै लोए। पौरमेशवरे मुखै इथकारिए चोणे राए की हांव मसीह यीशु का चोणेयौंदा चैला बौणु ताकि हांव लोगौ खै बौताए सौकु कै तैणै मसीह यीशु दै बिशवाश कौरणौवाल़ौ खै ऐजै सौदा कै जिन्दगी दैणौ का वादा कौरे राए।

2 तीमुथियुस 1:9

जैणै अमारा उध्दार कौरा, औरौ आमु ऐक पवित्र जीवन जिणौ कारिए बोइदै औरौ तैणै आमु इथकारिए ना बौएदै रैई जिथुकै आमै आछै काम कौरे राए; पौरौ आपणी योजना औरौ तैसी अनुग्रह कै हिसाब शै; जोबै इदै औगौड़ियौ कै पौरमेशवरे दुनिया बाणै, मसीह यीशु कै दुनिया दा मौरणौ कारिए भैजणौ कै दवारा आपणै दया दिखाणौ कै योजना बाणै राए थै।

2 तीमुथियुस 2:10

इथकारिए हांव तिनु लोगौ कै फायदै कारिए सौबै दुख सैहन कौरु, जिनु पौरमेशवरे चोणे राए, ताकि सै बै मसीह यीशु पांदी बिशवाश कौरौ औरौ बौचाए जांव, औरौ तियौं महिमा कै पांव जू सौदा बौणैयौंदे रौंव।

2 तीमुथियुस 2:13

जै आमै मसीह कै प्रति वफादार ना आथी, तोबै बै सै अमारै प्रति वफादार औसौ, जिथुकै सै हमैशा आपणै स्‍वभाव कै मुताबिक काम कौरौ।

2 तीमुथियुस 2:15

तू जैतरै कड़ी मैहनत कौरे सौकै तेतरे कौर ताकि पौरमेशवर ताखै ऐक ऐशणै सेवक कै रुप दा पूरी तरह शै अपनाए सौकौ जू आपणै काम की बौजैह शै शर्मिंदा नी हौंव औरौ जू साची सौंदेश कै सोही रीति शै शिखांव।

तीतुस 2:13

पौरमेशवर कै खुश कौरणौवाल़ा जीवन जीणो कै दवारा आमै उमीद कै साथै प्रभु कै पाछु आणौ कै आशा राखु, औरौ सैजौ दूस जोबै अमारा प्रभु यीशु मसीह जू अमारा महान पौरमेशवर औरौ उध्दारकर्ता औसौ, आपणै सारै महिमा कै साथै धोरती पांदी पाछु आला।

तीतुस 2:7

ताखै सौबी बातौ दै उदारण कै रुप दै आछै काम कौरणै चैंई, जिथका औकै लोग सौदा पालन कौरे सौकौ। जोबै तू बिशवाशियौं खै पौरमेशवर कै बारै मुंजी शिखाए, तौ ताखै आछै मकसद कै साथै शिखाणौ चैंई औरौ ऐशैखैई लोग तैरा आदर कौरलै।

तीतुस 3:7

पौरमेशवरे ऐशै इथकारिए कौरौ ताकि आपणै अनुग्रह शै सै आमु आपणै साथै सोही ठोहराए सौकौ, औरौ आमै तैसकै संतान बौणै सौकु औरौ इथकारिए बिशवाश कै साथै सौदा आशा राखै सौकु।

1 यूहन्ना 2:25

औरौ पौरमेशवरे आमुआरी वादा कौरे राए कै सै आमु सौदा कै जिन्दगी दैंदा।

1 यूहन्ना 5:20

आमै ऐजौ बै जाणुए कै यीशु मसीह पौरमेशवर का बैटा इयौं दुनिया पांदी आए रौआ औरौ तैणै आमुखै सौमझ दैय राए कै आमै तैसी साची पौरमेशवर कै पौछेयाणु। जिथुकै आमै साची पौरमेशवर कै साथै औरौ तैसकै बैटै यीशु मसीह कै साथै बौणैयौंदे रौंव। यीशु मसीह ही साचा पौरमेशवर औरौ सौदा कै जिन्दगी औसौ।

यहूदा 1:21

आपी दा पौरमेशवर कै प्यार खै महसूस कौरौ; जोबै कै तुऐं अमारै प्रभु यीशु मसीह का उमीद कै साथै इंतजार कौरे लौआ कै तुऔं सौदा कै जिन्दगी भैटदै। सै तुऔं कै सौदा कै जिन्दगी दैंदा जिथुकै सै तुऔंआरी प्यार कौरौ।

प्रकाशितवाक्य 13:8

धोरती पांदी रौणौवाल़ै सौबै लोग तैसकै पूजा कौरदै लागै। सिरफ तिनु लोगै तैसकै पूजा ना कौरी जिनकै नांव दुनिया कै बाणै जाणै शै आगै ही जीवन कै किताब दै लिखै राए थै। ऐजी जीवन कै किताब तैसी मेम्ने कै किताब औसौ जैसी बलिदान कै रुप दै मारै गौआ थिया।

प्रकाशितवाक्य 17:8

सैजा राकस जिथु तुऐं इबी दैख राए, ऐकी सौमय जियुंदी थिया, पौरौ ऐबै जियुंदी ना आथी; सै डुंगै गौढै पौरैशा बायरै आणौवाल़ा औसौ औरौ पौरमेशवर तैसी पूरी तरह शै नाश कौरे दैंदा। धोरती पांदी रौणौवाल़ै लोग जिनकै नांव पौरमेशवरे धोरती कै बाणणौ दै औगौड़ियौ जीवन कै किताबो दो ना लिखी, सै सौबै हैरान हौए जांदै जोबै सै ऐसी जानवर खै दैखदै। ऐकी सौमय सै जियुंदी थिया; ऐबै सै जियुंदी ना आथी; पौरौ सै औटेयौ पाछु आन्दा।