रोमियों 2:3 - सिरमौरी नौवाँ नियम

³ तू जू ऐशणै-ऐशणै काम कौरणौवाल़ै पांदी दोष लांए, औरौ आपी बै सैजैई काम कौरे; तू का ऐजौ सौमझै कै पौरमेशवर कै सौजा शै बौचै जांदा?

Sirmouri

³ ओ आदमी तू जू ऐष्णी-ऐष्णी काँम-काज़ कर्णो वाल़े गाशी दोष-ईल़जाम लाऐं, अरह् आपु भे ऐष्णी ही काँम-काज़ करे; तअ कियो तू ऐशो जाँणें के तू पंणमिश्वर की सजा शा छूटी ज़ाँईदा?

रोमियों 2:3 Iomraidhean Croise

मत्ती 23:33

ओए रै जोहरिले दानो कै नानड़िया कै जैशणै लोगौ, तुऐं नरक कै सौजा शै ना बोचदै।

मत्ती 26:53

का तू ना जाणै कै हांव आपणै पिता शै प्रार्थना कौरी सौकु, औरौ सै झट ही स्‍वर्गदूतौ कै बारौ सैनिक गुट कि पलटन दै जादा मैरै धोरे भैज सौकौ।

लूका 12:14

तोबै यीशुए तैसी बौल़ौ, “ओए रै दौड़ै, कुणै मुखै तोंवारा न्याय कौरणौवाल़ा या जायदात बांटणौवाल़ा ठोहराए राए?”

लूका 22:58

बिस्तौड़ी तिनुऐ कोसी ओकीए तैसी दैखैयो बौल़ौ, “तू बै तिनु लोगौ मुंजीदा औसौ।” पतरसे बौल़ौ, “ओए रै भाई साब हांव ना आथी।”

लूका 22:60

पतरसे बौल़ौ, “ओए रै भाई साब, हांव ना जाणु कै तुऐं का बौल़ै लो?” तैणै ऐजौ बौल ही लौ थियु कै तौलोंई कुकड़ै बांक दै।

रोमियों 1:32

सै तौ पौरमेशवर कै ऐजै नियमौ कै जाणौए कै ऐशणै-ऐशणै काम कौरणौवाल़ै मौत कै सौजा कै लायक औसौ, तौ बै ना सिरफ आपी ही ऐशणै काम कौरौ पौरौ ऐशणै काम कौरणौवाल़ै शै खुशी बै हौंव।

रोमियों 2:1

इथकारिए, ओए रै ओकी पांदी दोष लाणौ वाल़ै! तुऐं चाहै कुणिए बै काए नी हौंव, भाना ना बाणै सौकौ। जियौं बातौ दा तुऐं ओकी पांदी दोष लांव, तियौंई बातौ दा आपी कै बै दोषी बाणौ, जिथुकै तुऐं, जू ओकी पांदी दोष लांव, आपी बै सैजैई काम कौरौ।

रोमियों 2:2

औरौ आमै जाणुए कै पौरमेशवर सोही न्याय कौरौ। इथकारिए सै ऐशणै बुरै काम कौरणौवाल़ै लोगौ कै जौरुर सौजा दैंदा।

रोमियों 9:20

ओए रै भाईयों आमै आदमै, कुण औसौ, जू पौरमेशवर शै सवाल कौरु? का चीज़ आपणै बाणणौवाल़ै कैईंदु पूछै सौकौ, “तुऐं मुखै ऐशणै किथु बाणै राए?”

1 थिस्सलुनीकियों 5:3

जोबै लोग बौलदै हौलै, “ठीक ठाक औसौ, औरौ किछै बै डौर ना आथी,” तैसी सौमय, एकदम ही लोग बौड़ै कौल़ेश खै महसूस कौरलै। तिनु पांदी ऐक-ऐक कौरेयौ मुसीबत आन्दै, जैशैखै होल़किणु वाल़ी बैटमाणिशौ कै पीड़ो लागौ; औरौ सै तैसी बौड़ै कौल़ेश शै बौचै ना सौकौ।

इब्रानियों 12:25

चौकश रौव, औरौ तैसी पौरमेशवर कै मानौ जू तुऔंआरी बातौ कौरौ, जिथुकै इस्राएल कै लोग जोबै दुनिया पांदी थिए तौ पौरमेशवर कै सौजा शै ना बौचै सौकी, इथकारिए ऐजौ अमारै खातिर हौजौ बै बुरु हौंदौ जै आमै तैसी पौरमेशवर कै बात शुणणौ शै मौना कौरे दियु जू आमु स्वर्ग शै चैतावणी दैंव।

इब्रानियों 2:3

इथकारिए निशोंक हौयौ आमु बै सौजा भैटदै जै आमै इयौं महान मोक्ति कै नी मानु। सौबीदु आगै प्रभु यीशु मसीहे आपी ऐसी उध्दार कै बारै मुंजी बौतौऊ, औरौ जिनु चैलै तैसी शौणै राए थिया, तिनुऐ आमु पांदी प्रकट कौरौ कै ऐजौ साचौ औसौ।