रोमियों 1:3 - सिरमौरी नौवाँ नियम

³ ऐजा सुसमाचार अमारै प्रभु यीशु मसीह जू पौरमेशवर का बैटा औसौ तैसकै बारै दा औसौ, जू राजा दाऊद कै पीढ़ी दा पौयदा हौआ।

Sirmouri

³ आप्णे बैटे अमाँरे प्रभू यीशू मसीया के बारे दा बाय्दा करा थिया; के से देह्-शरीर के हिसाब शा तअ राजा दाऊद के बंष दा पय्दा हुवा

रोमियों 1:3 Iomraidhean Croise

मत्ती 1:1

ऐजी यीशु मसीह कै बुड़ेईको कै नांव कै सूची औसौ। सै राजा दाऊद कै पीढ़ी का थिया, जू अब्राहम का वंश का थिया।

मत्ती 1:16

याकूब शै यूसुफ पौयदा हौआ, जू मरियम का घोरवाल़ा थिया, औरौ मरियम शै यीशु पौयदा हौआ, जैसीखै मसीहा बै बौल़ौए।

मत्ती 1:6

यिशै शै दाऊद राजा पौयदा हौआ। दाऊद राजा शै राजा सुलैमान तियौं बैटमाणिश शै पौयदा हौआ जू आगै उरिय्याह कै घोरवाल़ी थी।

मत्ती 12:23

इथकारिए सौबै लोग हैरान हौयौ बौलदै लागै, “का ऐजा आदमी राजा दाऊद कै वंश का औसौ औरौ जैसकै आमुए उमीद कौरे लोए।”

मत्ती 15:22

औरौ कनान देश दै रौणौ वाल़ी ऐक बैटमाणिश यीशु कै धोरे आए, औरौ जोर सै बौलदै लागै, “ओए रै प्रभु! दाऊद कै सन्‍तान, मुं पांदी दया कौर, मैरी बैटी खै दुष्टआत्माएं बैजाए पौरैशान कौरे लोए।”

मत्ती 26:63

पौरौ यीशु मेसो ही रौआ, औरौ किछै बै जोवाब ना दी। तोबै महायहूदी पुरोहिते तैसीखै हौजौ बौल़ौ, “हांव ताखै जियुंदी पौरमेशवर कै शौं दियु कै जै तू पौरमेशवर का बैटा मसीह औसौ, तौ आमुकैंई बौल़ै दै?”

मत्ती 27:43

तैणै पौरमेशवर पांदी भोरोशा राखा, जै सै ऐसीखै चांव, तौ ऐबै ऐसीखै छुड़ाए दैंव, पौरौ तैणै बौल़ौ, ‘हांव पौरमेशवर का बैटा औसौ।’”

मत्ती 3:17

पौरमेशवरे स्वर्ग पौरैशौ यीशु खै बुलो, “ऐजा मैरा लाड़कु बैटा औसौ जैसी दा हांव बैजाए खुशी औसौ।”

मत्ती 9:27

जोबै यीशु तिथैदा आगु हौटा, तौ दो आन्धै तैसकै पाछैदै ऐजौ पुकारेयौ हांडै, “ओए रै राजा दाऊद कै वंश, आमु पांदी दया कौर!”

लूका 1:35

स्‍वर्गदूतै तियौं जोवाब दिया, “पवित्र आत्मा तांव पांदी उतौरदा औरौ सौबीदै बौड़ै पौरमेशवर कै अनौखी शौकतै तांव पांदी छाया कौरदै; इथकारिए जू तांव पौरैशा पौयदा हौंदा सै पवित्र बैटा हौंदा औरौ सै पौरमेशवर का बैटा बोला जाला।

लूका 1:69

औरौ आपणै सेवक राजा दाऊद कै वंशो मुंजीदा आमु कारिए ऐक उध्दार कौरणौवाल़ा भैजै राए।

यूहन्ना 1:14

औरौ वचन ऐक आदमी बौणा, औरौ अनुग्रह औरौ सौचाई शै परिपूर्ण हौयौ अमारै बीच मुंजी डैरा कौरा, औरौ तैसकै महान दया ऐशणै थी, जैशैखै पौरमेशवर की ढौबौशै आएयौंदे इकलोतै बैटै कै महिमा।

यूहन्ना 1:34

मोऐं आपी दैखौ, औरौ हांव तुऔं कैई साचौ बुलू, की ऐजाई पौरमेशवर का बैटा औसौ।”

यूहन्ना 1:49

नतनएले तैसीखै जोवाब दिया, “ओए रै गुरुजी, तू पौरमेशवर का बैटा औसौ इस्राएल देश का महाराजा औसौ।”

यूहन्ना 10:30

हांव औरौ पिता पौरमेशवर ऐक औसौ।”

यूहन्ना 10:36

तौ जोबै हांव ऐजौ बुलू, ‘हांव पौरमेशवर का बैटा औसौ।’ तौ तुऐं मुखै काए बौल़ौ, ‘तू नेंदैया कौरे।’ इथकारिए मोऐं बुलू, ‘हांव सैजाई औसौ जैसी पिता पौरमेशवरे जौई कौरा औरौ मुखै दुनिया पांदी भैज राए।’

यूहन्ना 20:28

ऐजौ शोणेयो थोमाए जोवाब दिया “ओए रै मैरै प्रभु, ओए रै मैरै पौरमेशवर!”

यूहन्ना 20:31

पौरौ ऐजौ इथकारिए लैखै राए, कै तुऐं बिशवाश कौरौ, कै यीशु ही पौरमेशवर का बैटा मसीह औसौ, औरौ तैसी पांदी बिशवाश कौरेयौ कै तैसकै नांव लैई सौदा कै जिन्दगी पांव।

यूहन्ना 5:25

“हांव तुऔं कै साचौ-साचौ बुलू, सैजा सौमय आन्‍दा लागै रौआ, औरौ आए ही गौआ, जिथमुंजी मौरेयौंदे लोग मैरी यानी पौरमेशवर कै बैटै की आवाज़ शुणदै, औरौ जू शुणदै सैजै हमैशा कारिए जिन्‍दै।

यूहन्ना 7:42

पवित्र शास्त्र दो लैखै राए कै मसीह राजा दाऊद कै वंशो पौरैशा औरौ बैतलहम गांव शै आन्‍दा, जिथै दाऊद रौंव थिया।”

प्रेरितो कै काम 2:30

सै पौरमेशवर कै बातौ बौताणौवाल़ा थिया, सै जाणौ थिया कै पौरमेशवरे शौं खायौ तैसीआरी वादा कौरा कै, “हांव तैरै वंश पौरैशा ऐक आदमी कै तैरै सिंहासन पांदी बौठाल़दा।”

प्रेरितो कै काम 3:13

अब्राहम, इसहाक औरौ याकूब का पौरमेशवर, अमारै पुराणिया कै पौरमेशवरे आपणै सेवक यीशु की महिमा कौरे, पौरौ तुऐं तैसी मारणौ कारिए यहूदी नेताओं कै हाथौ दा थोम्बाए दिया, औरौ जोबै राज्यपाल पिलातुसे तैसी छोड़े दैणौ का विचार कौरा, तोबै तुऐं तैसकै सामणै यीशु कै बैज्जती कौरे।

प्रेरितो कै काम 8:36

बाटो दै चालदै-चालदै तिनुऐ बाटो कै किनारे ऐक तालाब दैखा, तोबै खोज़े बौल़ौ, “दैख इथै तालाब औसौ ऐबै मुखै बपतिस्मा लोणो दा का रौक औसौ?”

प्रेरितो कै काम 9:20

औरौ सै तौलोंई दमिश्क शहर कै यहूदी सभा-घोरो दा यीशु का प्रचार कौरदा लागा कै यीशु ही पौरमेशवर का बैटा औसौ।

रोमियों 1:9

पौरमेशवर जैसकै सेवा मोऐं पूरै दिल शै तैसकै बैटै कै बारै मुंजी सुसमाचार लोगौ कै शुणायौ कौरु, सैजाई पौरमेशवर मैरा गवाह औसौ, कै हांव आपणी प्रार्थनाओं दै तुऔं लोगौ कै लगातार याद कौरेया कौरु।

रोमियों 4:1

ऐबै आमै यहूदी हौणौ कै नातै आपणै पुराणिया अब्राहम कै बारै मुंजी का बुलू? तैसी कियों बौजैह शै धरमी गिणा गौआ?

रोमियों 9:5

अब्राहम, इसहाक औरौ याकूब तिनकै पुराणिया औसौ, जू यीशु मसीह कै पुराणिया बै थिए। पौरमेशवर, जू सौबी पांदी राज कौरौ, तैसकै तारीफ हमैशा हौंदै रौंव। आमीन।

1 कुरिन्थियों 1:9

पौरमेशवरे आपणै बैटै, प्रभु यीशु मसीह कै साथै आमु एकजुट हौणौ कारिए चोणे राए, औरौ सै बिशवाश लायक औरौ वादै का पाका औसौ। इथकारिए तुऐं ऐजौ निशोंक हौयौ जाणै सौकौ कै सै तोंवारै खातिर आपणा वादा पूरा कौरदा।

1 कुरिन्थियों 10:18

इस्राएल देश कै लोगौ कै बारै मुंजी सुंचौ, जोबै सौब लोग पौरमेशवर कै चौढ़ाएयौंदो खाणौ खै खांव तौ पौरमेशवर कै पूजा दा हिस्सा लोंव। ऐशैखैई जू लोग मूर्ति खै चौढ़ाएयौंदो खाणौ खांव, सै बै तिनु मूर्ति कै पूजा दा हिस्सा लोंव।

गलातियौं 4:4

जोबै सोही सौमय ओऊवा तौ पौरमेशवरे आपी आपणै बैटै खै ऐसी दुनिया दा भैजा, औरौ ऐक बैटमाणिशै तैसी जन्म दिया, औरौ सै यहूदी पौयदा हौयौ, मूसा कै कानून कै अधीन इथकारिए रौआ,

1 थिस्सलुनीकियों 1:10

औरौ सै बौल़ौए कै तुऐं कैशै पौरमेशवर कै बैटै कै औटेयौ पाछु आणौ कै ठोल़नाए कौरे लोए, जैसीखै पौरमेशवरे मौरेयौंदे मुंजीदा जियुंदी कौरा, यानी यीशु कै जू आमु कै पौरमेशवर कै आणौवाल़ै क्रोध शै बौचांव।

1 तीमुथियुस 2:5

जिथुकै सिरफ ऐकैई पौरमेशवर औसौ, औरौ सिरफ ऐकैई आदमी औसौ जू पौरमेशवर औरौ लोगौ कै बीच मुंजी मैल मिलाप कौरवाए सौकौ यानी सै यीशु मसीह औसौ, जू ऐक आदमी कै रुप दा पौयदा हौआ।

1 तीमुथियुस 3:16

बिना कोसी शक कै आमै इयौं बातौ कै साबित कौरे सौकु कै पौरमेशवर कै शिक्षाए बिना कोसी वाद विवाद कै पूरी तरह शै साची औसौ। मसीह ऐक आदमी बौणा, तैसी पवित्र आत्मा कै दवारा पौरमेशवरे आपणा बैटा साबित कौरा, स्‍वर्गदूतै तैसी दैखा, लोगै देश-देश दा तैसकै बारै मुंजी प्रचार कौरा, पूरी दुनिया कै लोगै तैसी पांदी बिशवाश कौरा, औरौ तैसी स्वर्ग कै महिमा दा स्वर्गो कै ऊबा निया।

2 तीमुथियुस 2:8

लगातार यीशु मसीह कै बारै मुंजी सुंचदै रौव। सै राजा दाऊद कै पीढ़ी शै औसौ, औरौ पौरमेशवरे तैसी मौरेयौंदे मुंजीदा जियुंदी कौरा; औरौ ऐजा सैजाई सुसमाचार औसौ जू हांव लोगौ कै शिखोऊं।

1 यूहन्ना 1:3

आमुए यीशु मसीह कै बारै मुंजी जू किछै दैखी औरौ शौणै राए, तिथकै गवाही तुऔं कै बै दियुंए इथकारिए कै अमारै साथै तोंवारै बै संगति हौंव; औरौ अमारै संगति पिता पौरमेशवर औरौ तैसकै बैटै कै साथै बै हौंव।

1 यूहन्ना 3:23

औरौ तैसकै आज्ञा ऐजी औसौ कै आमै तैसकै बैटै यीशु मसीह कै नांव पांदी बिशवाश कौरो, औरौ जैशै मसीहे आमु आज्ञा दैय राए तिथकै हिसाब शै आपी मुंजी प्यार राखौ।

1 यूहन्ना 3:8

जू कुणिए आदमी लगातार पाप कौरदा रौंव सै शैतान कै ढौबौशा औसौ, जिथुकै शैतान शुरु ही सै पाप कौरदा आए रौआ। पौरमेशवर का बैटा इथकारिए ओऊवा कै शैतान कै कामौ खै नाश कौरौ।

1 यूहन्ना 4:15

जू कुणिए ऐजौ अंगीकार कौरे पांव कै यीशु पौरमेशवर का बैटा औसौ, पौरमेशवर तेसिदा बौणेयौंदा रौंव, औरौ सै पौरमेशवर दा बौणेयौंदा रौंव।

1 यूहन्ना 5:1

जैसका ऐजा बिशवाश औसौ कै यीशु ही मसीह, औरौ पौरमेशवर कै ओलाद औसौ, औरौ जू कुणिए पिता पौरमेशवर शै प्यार राखौ, सै तैसीआरी बै प्यार राखौ जू तैसकै ओलाद औसौ।

1 यूहन्ना 5:20

आमै ऐजौ बै जाणुए कै यीशु मसीह पौरमेशवर का बैटा इयौं दुनिया पांदी आए रौआ औरौ तैणै आमुखै सौमझ दैय राए कै आमै तैसी साची पौरमेशवर कै पौछेयाणु। जिथुकै आमै साची पौरमेशवर कै साथै औरौ तैसकै बैटै यीशु मसीह कै साथै बौणैयौंदे रौंव। यीशु मसीह ही साचा पौरमेशवर औरौ सौदा कै जिन्दगी औसौ।

1 यूहन्ना 5:5

दुनिया पांदी जय पाणौ वाल़ा कुण औसौ? सिरफ सैजा जैसका ऐजा बिशवाश औसौ, कै यीशु ही पौरमेशवर का बैटा औसौ।

2 यूहन्ना 1:7

मोऐं ऐजौ इथकारिए बौल़ै लो जिथुकै बौहितै सारै लोग झूठी शिक्षा दैयौ लोगौ कै धौखा दैय लौआ, सै दुनिया दै आए गौवै। औरौ सै बौल़ौए यीशु मसीह ऐक आदमी बोणेयो इयौं सोंईसारी पांदी ना आए रैई। जै कोसी आदमीए ऐशणै बात बौल़ै लौए तौ सै मसीह का दुशमन औसौ जू लोगौ कै सौदा धौखा दैंव।

प्रकाशितवाक्य 2:18

थुआतीरा शहर कै कलीसिया कै स्‍वर्गदूत कै ऐजौ लिख: “पौरमेशवर कै बैटै कै ढौबौशा ऐजा सौंदेश औसौ जैसकी आखी आगी कै लोपटो कै जैशणी चौमकै रोए थी औरौ जैसकै लात पीतलो कै जैशणै चौमकै रौए, जू तैज गरम आगी दै चौमकौ; हांव ताखै ऐजौ बुलू: