प्रकाशितवाक्य 8:7 - सिरमौरी नौवाँ नियम

⁷ आगलै स्‍वर्गदूतै आगलै तुरही बौजाए, तौलोंई लोऊ लैई मिलीयौंदी बौहितै सारी शौरू कै बौरखा औरौ आग धोरती पांदी छुटै। इयौं बौजैह शै धोरती का ऐक तिहाई हिस्सा जौल़ै गौआ, औरौ ऐक तिहाई हिस्सा डाल़ो का जौल़ै गौआ, औरौ सौबै हौरो घास बै जौल़ै गौ।

Sirmouri

⁷ आगले स्वर्गदूत्ते रंणशिंगें-कनाँल़ी फूकरी, अरह् लह्ऊँ वाल़े शोरू अरह् आग पय्दा हऐ, अरह् धर्ती गाशी पाऐ दिती, अरह् धर्ती का च़ीज़ा हिस्सा जल़ी गुवा, अरह् डाल़ भे च़ीज़ा हिस्सा जल़ी गुऐ, अरह् बादो होरो घास भे जल़ी गुवो।

प्रकाशितवाक्य 8:7 Iomraidhean Croise

याकूब 1:11

सुरज निकल़दै बैई, बौहितौ घाम पौड़ौ, औरौ घासो खै शुकोए दैंव, औरौ तिथका फूल झोड़ै जांव, औरौ तिथकै शोभा मिट जांव; तैशैखैई सैठ बिशवाशी बै मौरे जांदा जोबै सै आपणै कामौ दा लागैयौंदा रौंदा।

1 पतरस 1:24

पवित्र शास्त्र ऐजौ बौल़ौ कै, “सौबै लोग घास कै जैशणै औसौ औरौ तिनकै सुन्दरता जोंगली फूलो कै जैशणै औसौ। घास शुकै जांव औरौ फोल़ जोमीनो पांदी झोड़ै जांव।

प्रकाशितवाक्य 12:4

औरौ तैसकै पूँछै गौयण कै तारै कै ऐक तिहाई खै खिंचैयौ धोरती पांदी फेरकाए दियै, औरौ सैजा बौड़ा अजगर तियौं बैटमाणिशौ कै सामणै खौड़ा हौए गौआ ताकि तियांरै बौच्चै खै पौयदा हौंदै ही खाए जांव।

प्रकाशितवाक्य 16:2

इथकारिए आगलै स्‍वर्गदूतै जू तैसकै डौंगै दो थियु सैजौ धोरती पांदी रिताए दियु। तोबै तिनु लोगौ खै जिनुपांदी राकस कै छाप थै या जिनुवै तैसकै मूर्ति कै पूजा कौरे राए थै, तिनु लोगौ पांदी दर्दनाक औरौ खतरनाक फोड़े निकल़ै।

प्रकाशितवाक्य 16:21

बौड़ै-बौड़ै शौरू गौयण शै लोगौ पांदी छुटै, जिनका हरेक शौरू का वजन लमसम पचाश किलोग्राम थिया। इथका नतीजा ऐजा हौआ, कै तिनुऐ पौरमेशवर कै नेंदैया कौरे जिथुकै तिनु पौरमेशवर कै दवारा तिनु पांदी भैजैयौंदे समस्या कै बौजैह शै जादा पीड़ो सैहणी पौड़ी।

प्रकाशितवाक्य 6:8

तोबै मोऐं ऐक पियौल़ा घोड़ा दैखा; घोड़े की शवारी कौरणौवाल़ै का नांव मौत औसौ। औरौ अधोलोक तैसकै पौछौड़ियौ-पौछौड़ियौ चालै रौआ थिया। औरौ तिनु धोरती पांदी रौणौवाल़ै हरेक चार लोगौ मुंजीदै ऐकी खै मारणौ का औधिकार भैटा। तिनुऐ तिनु तलवार शै मारै दियै, तिनुऐ तिनु भूख लैई मारै दियै, तिनुऐ तिनु बुरी-बुरी बीमारी शै मारै दियै, औरौ तिनुऐ तिनु जोंगली जानवरो शै बै मोरवाए दियै।

प्रकाशितवाक्य 7:1

इथकै बाद, मोऐं चार स्‍वर्गदूतौ कै दुनिया कै चोऊ कुणै दै खौड़ै हौएयौंदै दैखै। तिनु स्‍वर्गदूतौ खै दुनिया कै मुसीबतौ शै नुकसान पोऊंचाणौ का पौरमेशवर कै ढौबौशा औधिकार भैटी रौआ थिया, चाहै सै समुन्द्र दी हौं या माटी पांदी। तिनुऐ दुनिया कै चोऊ कुणै शै बागूर कै रौक दै, ताकि समुन्द्र दै, औरौ माटी पांदी औरौ जोंगलो दै बागूर ना बौं। मोऐं ऐक ओका स्‍वर्गदूत कै पूर्व दिशा दा प्रकट हौंदै बैई दैखा। तैसीकैईं जियुंदी पौरमेशवर कै मोहर थी। तैसी स्‍वर्गदूतै जोराल़े धाव मारैयौ तिनु चोऊ स्‍वर्गदूतौ खै बौइदै औरौ बौल़ौ:

प्रकाशितवाक्य 9:15

इथकारिए ऐबै सैजै चारै दुष्ट दूत खोले दियै। सैजै आगै दै ही तैयार थिए औरौ तिनु बौल़ै राए थियु कै ऐसी सौमय, ऐसी दूस, ऐसी मीनै औरौ ऐसी साल कारिए इंतजार कौरौ औरौ ऐबै ऐजौ आए गौ थियु। तिनु दुनिया कै ऐक हिस्सा लोगौ खै मार दैणै थिए।

प्रकाशितवाक्य 9:18

इनु तीनै समस्याए, जू कै घोड़ो कै मुँह शै निकल़णौ वाल़ै आग, धुआँ औरौ गन्धक थै, सौबै आदमी मुंजीदै ऐक तिहाई खै मारै दै दियै।

प्रकाशितवाक्य 9:4

जैशै कोसी खै बिच्छू कै डंक मारणौ शै दर्द हौंव, तैशैखैई इनु चिचलै खै पाँच मीनै तौड़ी तिनु लोगौ खै तड़पाणौ कै रजामंदी दैय राए थै, जिनकै माथै पांदी पौरमेशवर कै मोहर का निशान ना थी। पौरौ तिनु ना तौ धोरती कै घास खै, ना कोसी पौधे खै, औरौ ना ही कोसी डाल़ो खै नुकसान पोऊंचाणा थिया।