प्रकाशितवाक्य 8:12 - सिरमौरी नौवाँ नियम

¹² चौथै स्‍वर्गदूतै तुरही फोकै, औरौ सुरज कै ऐक तिहाई, औरौ चांद कै ऐक तिहाई औरौ तारै कै ऐक तिहाई पांदी औरौ किछै टौकरोऊ औरौ नुकसान हौए गौआ, इथै तौड़ी कै, दूसौ कै ऐक तिहाई सौमय तौड़ी सुरज ना चौमकी औरौ चंद्रमा औरौ तारै रात कै ऐक तिहाई सौमय तौड़ी ना चौमकी।

Sirmouri

¹² चौऊथे स्वर्गदूत्ते रंणशिंगें-कनाँल़ी फूकरी, अरह् सुर्जो का ऐक च़ीज़ा हिस्सा, अरह् चाँद के च़ीज़े हिस्से दो, अरह् तारे का भे ऐक च़ीज़ा हिस्से दी तैष्णी ही कठ्णाँई आई, ऐथै तोड़ी के तिनके ऐक च़ीज़े हिस्से दो ईनाँरो पड़ो, अरह् देसो के ऐक च़ीज़े हिस्से दो, पियाँषों ने रंही, अरह् तैष्णों ही रात्ती खे भे हुवो।

प्रकाशितवाक्य 8:12 Iomraidhean Croise

मत्ती 24:29

“दुखो का सौमय बितणौ कै बाद सुरज औरौ चांद पेयाशो ना दैंदै। औरौ तारै गौयण पौरैशै छुटी जांदै औरौ गौयण कै शौकतीशाली चीज़ौ आपणै ठाँव पौरैशी हिंजाल़ी जान्दी।

मत्ती 27:45

दुफारियौ दै ऊबै ती बोजे तौड़ी तैसी सारै देशो दौ इनारौ छाएयौंदौ रौ।

मरकुस 13:24

“दुखो का सौमय बितणौ कै बाद, सुरज औरौ चांद पेयाशो ना दैंदै।

मरकुस 15:33

दूसौ दुफ़ारीए लमसम बारौ बोजे सारै देशो दो इनारौ पौड़ै गौ, औरौ लमसम ती बोजे तौड़ी रौ!

लूका 21:25

“सुरज औरौ चांद औरौ तारै दै निशान दैखिंदे औरौ धोरती कै सौब देशो कै लोगौ पांदी संकट हौंदा, जिथुकै सै समुन्द्रो कै गुड़कणो औरौ फालो शाद लैई डौर जांदै।

प्रेरितो कै काम 2:20

प्रभु कै दूस आणौ दै औगौड़ियौ सुरज इनारौ हौए जांदो औरौ चांद लोऊ कै जैशणौ हौए जांदो। सैजौ दूस महान औरौ झमाकैदार दूस हौंदौ।

2 कुरिन्थियों 4:4

ऐसी दुनिया कै ईशवर शैतानै तिनु अबिशवाशियौं कै बुध्‍दि खै बंद कौरे राए, इथकारिए सै मसीह कै औरौ तैसकै महिमा कै बारै मुंजी सौंदेश कै ना सौमझै सौकौ जू पौरमेशवर कै जैशणा औसौ।

प्रकाशितवाक्य 12:4

औरौ तैसकै पूँछै गौयण कै तारै कै ऐक तिहाई खै खिंचैयौ धोरती पांदी फेरकाए दियै, औरौ सैजा बौड़ा अजगर तियौं बैटमाणिशौ कै सामणै खौड़ा हौए गौआ ताकि तियांरै बौच्चै खै पौयदा हौंदै ही खाए जांव।

प्रकाशितवाक्य 16:10

पाँचवें स्‍वर्गदूतै जू तैसकै डौंगै दो थियु सैजौ तैसी राकस कै राज्य पांदी रिताए दियु, औरौ सैजा राज्य जिथपांदी राकस राज्य कौरौ थिया इनारै वाल़ा हौए गौआ। लोग आपणी जीभ काटदै लागै जिथुकै सै तिनु पीड़ो औरौ फोड़ो कै सैहन ना कौरे सौकौ थिए जू पीड़ो सै महसूस कौरौ थिए।

प्रकाशितवाक्य 6:12

औरौ जोबै मोऐं मेम्ने कै छौटे मोहर खौलदै बैई दैखी, तौ ऐक बैजाए बौड़ा भुईचोल़ ओऊवा; औरौ सुरज का रंग मोटे काल़े काम्बलो कै जैशणा काल़े रंग दा बौदलै गौआ औरौ पूरै चन्द्रमा का रंग लोऊ कै जैशणा लाल हौए गौआ।

प्रकाशितवाक्य 9:15

इथकारिए ऐबै सैजै चारै दुष्ट दूत खोले दियै। सैजै आगै दै ही तैयार थिए औरौ तिनु बौल़ै राए थियु कै ऐसी सौमय, ऐसी दूस, ऐसी मीनै औरौ ऐसी साल कारिए इंतजार कौरौ औरौ ऐबै ऐजौ आए गौ थियु। तिनु दुनिया कै ऐक हिस्सा लोगौ खै मार दैणै थिए।

प्रकाशितवाक्य 9:18

इनु तीनै समस्याए, जू कै घोड़ो कै मुँह शै निकल़णौ वाल़ै आग, धुआँ औरौ गन्धक थै, सौबै आदमी मुंजीदै ऐक तिहाई खै मारै दै दियै।