प्रकाशितवाक्य 8:10 - सिरमौरी नौवाँ नियम

¹⁰ तिजै स्‍वर्गदूतै तुरही फोकै, औरौ ऐक बौड़ा तारा जू मशाल कै जैशणा जौल़ौ थिया, स्वर्ग शै छुटा, इयौं बौजैह शै नोंदी कै ऐक तिहाई पांदी, औरौ तिनु ताजै पाणी कै औगल़ौ पांदी पौड़ौ।

Sirmouri

¹⁰ च़ीज़े स्वर्गदूत्ते रंणशिंगें-कनाँल़ी फूकरी, अरह् ऐक बड़ा तारा जू डाव जेष्णाँ बल़ों थिया, से स्वर्गो शा च़ूटा, अरह् नंदियों के ऐकी च़ीज़े हिस्से पाँणी के फट्वाँणी गाशी पड़ा,

प्रकाशितवाक्य 8:10 Iomraidhean Croise

मत्ती 25:1

“तोबै यीशुए आपणै चैलै कै बौल़ौ, जोबै हांव आदमी का बैटा पाछु आन्दा, तोबै स्वर्ग का राज्य दु‌‌ल्हन कै तिनु दस कुंवारी सहैली साए औसौ जू आपणी मशालों लोएयों दुल्है शै भैटिणौ कारिए तैसकै बियाव कै जशन दी हुटी।

लूका 10:18

तैणै तिनु बौल़ौ, “जोबै दुष्टआत्मा तोंवारै आज्ञा मानौ, तौ मोऐं शैतान कै एकदम स्वर्ग शै बिजली छुटणौ कै जैशणा छुटदै बैई दैखा।

यहूदा 1:13

जैशै समुन्द्र की खतरनाक लैहरो जू गौंदै झाक बाणौ, तैशैखैई ऐजै लोग शर्मनाक काम कौरौ। ऐजै किछै तारै कै जैशणै औसौ जू ऐकी सीधै बाटौ पुंडे ना हांडो, सैजै सोही बाट ना दिखांव। प्रभुए तिनु कारिए ऐक ठाँव राखै राए जू पूरी तरह शै इनारौ औसौ जिथै तिनु हमैशा कारिए रौणौ पौड़दौ।

प्रकाशितवाक्य 1:20

ऐबै हांव बौतांदा कै मैरै सोऐं हाथ कै सात तारै का, का मतलब औसौ जू कै आगै पौता ना थी। इथका मतलब ऐजा औसौ: सात तारै तिनु स्‍वर्गदूतौ खै दिखांव जू सात कलीसियाओं कै रोखवाल़ी कौरौ औरौ सात दियोट सात कलीसियाओं खै दिखांव।

प्रकाशितवाक्य 12:4

औरौ तैसकै पूँछै गौयण कै तारै कै ऐक तिहाई खै खिंचैयौ धोरती पांदी फेरकाए दियै, औरौ सैजा बौड़ा अजगर तियौं बैटमाणिशौ कै सामणै खौड़ा हौए गौआ ताकि तियांरै बौच्चै खै पौयदा हौंदै ही खाए जांव।

प्रकाशितवाक्य 14:7

तैणै जोर शै बौल़ौ, “पौरमेशवर शै डौरौ औरौ तैसका आदर कौरौ जिथुकै ऐबै सैजा सौमय आए गौआ जोबै सै लोगौ का न्याय कौरला। तैसकै आराधना कौरौ, जिथुकै सै सैजा औसौ जैणै स्वर्ग, धोरती, समुन्द्र औरौ पाणी कै झरणै बाणै राए।”

प्रकाशितवाक्य 16:4

तिजै स्‍वर्गदूतै जू तैसकै डौंगै दो थियु सैजौ नोंदी औरौ पाणी कै झौरनै पांदी रिताए दियु, औरौ सैजौ लोऊ बौणै गौ।

प्रकाशितवाक्य 6:13

तारै गौयण पौरैशै धोरती पांदी ऐशै छुटै जैशै डाल़ पौरैशै काचै फोल़ छुटौ, जोबै ऐक तैज हावा तिनु हिलांव।

प्रकाशितवाक्य 8:7

आगलै स्‍वर्गदूतै आगलै तुरही बौजाए, तौलोंई लोऊ लैई मिलीयौंदी बौहितै सारी शौरू कै बौरखा औरौ आग धोरती पांदी छुटै। इयौं बौजैह शै धोरती का ऐक तिहाई हिस्सा जौल़ै गौआ, औरौ ऐक तिहाई हिस्सा डाल़ो का जौल़ै गौआ, औरौ सौबै हौरो घास बै जौल़ै गौ।

प्रकाशितवाक्य 9:1

जोबै पाँचवें स्‍वर्गदूतै तुरही फोकै, तौ मोऐं स्वर्ग शै धोरती पांदी ऐक तारा गिरदै बैई दैखा, औरौ तारै खै सैजी चाबै दैय गौए जू तैसी गौढै कै खोले सौकौ जिथकै गहराई का कौलोंई अन्त ना हौए सौकौ।

प्रकाशितवाक्य 9:15

इथकारिए ऐबै सैजै चारै दुष्ट दूत खोले दियै। सैजै आगै दै ही तैयार थिए औरौ तिनु बौल़ै राए थियु कै ऐसी सौमय, ऐसी दूस, ऐसी मीनै औरौ ऐसी साल कारिए इंतजार कौरौ औरौ ऐबै ऐजौ आए गौ थियु। तिनु दुनिया कै ऐक हिस्सा लोगौ खै मार दैणै थिए।

प्रकाशितवाक्य 9:18

इनु तीनै समस्याए, जू कै घोड़ो कै मुँह शै निकल़णौ वाल़ै आग, धुआँ औरौ गन्धक थै, सौबै आदमी मुंजीदै ऐक तिहाई खै मारै दै दियै।