प्रकाशितवाक्य 7:3 - सिरमौरी नौवाँ नियम3 “जांव तौड़ी आमै आपणै पौरमेशवर कै दासो कै माथै पांदी मुहर नी लाए दियु, तांव तौड़ी धोरती औरौ समुन्द्र औरौ डाल़ो खै नुकसान नी पोऊंचाया, ताकि सै तिनु पौरैशानी शै दुखी नी हौंव।” Faic an caibideilSirmouri3 “जाँव तोड़ी आँमें आप्णें पंण्मिश्वर के दास के माँथै गाशी छाप ने लाऐ दियों, ताँव-तोड़ी धर्ती अरह् सँमुन्द्रों अरह् डाल़ो का नुंकसाँन-घाटा ने करे।” Faic an caibideil |
प्रकाशितवाक्य 7:3
31 Iomraidhean Croise
तोबै इनु दुईनै स्वर्गदूतौ कै बाद ऐक ओका तीजा स्वर्गदूत ओऊवा औरौ सै जोर शै बौल़ौऊवा, “जू कुणिए तैसी राकस औरौ तैसकै मूर्ति कै पूजा कौरौ, औरौ जू कुणिए आपणै माथै या आपणै हाथौ पांदी तैसकै छाप लांव, तैसी सख्ताई शै पौरमेशवर सौजा दैंदा। ऐजौ ऐशै हौंदौ जैशै तिनु लोगै बिना मिलावट कै सूर पी रालै, जिनु पौरमेशवरे आपी तिनकै कटौरै दै पाए राए जू पौरमेशवर कै गुस्से खै दिखांव। पौरमेशवर तिनु लोगौ खै पवित्र स्वर्गदूतौ औरौ मेम्ने कै सामणै आग औरौ गन्धक शै मानसिक औरौ शारीरिक पीड़ा दा सौतांदा।
औरौ तोबै मोऐं किछै सिंहासन दैखै, जिनुपांदी बौठणौवाल़ै कै मुंडो खै काटै गौवै थिए जिथुकै तिनुऐ यीशु कै सौंदेश औरौ पौरमेशवर कै वचन कै घोषणा कौरे राए थै। इनु लोगै राकस या तैसकै मूर्ति कै पूजा ना कौरे रैई थी। औरौ इनुवे आपणै माथै या हाथौ पांदी राकस कै छाप ना लाए राए थी। सै औटेयौ जियुंदी हौए गौवै थिए औरौ सिंहासनों पांदी बौठै गौवै। पौरमेशवरे तिनु राज कौरणौ का औधिकार दिया, औरौ तिनुऐ मसीह कै साथै ऐक हजार साल तौड़ी राज्य कौरा।
इथकै बाद, मोऐं चार स्वर्गदूतौ कै दुनिया कै चोऊ कुणै दै खौड़ै हौएयौंदै दैखै। तिनु स्वर्गदूतौ खै दुनिया कै मुसीबतौ शै नुकसान पोऊंचाणौ का पौरमेशवर कै ढौबौशा औधिकार भैटी रौआ थिया, चाहै सै समुन्द्र दी हौं या माटी पांदी। तिनुऐ दुनिया कै चोऊ कुणै शै बागूर कै रौक दै, ताकि समुन्द्र दै, औरौ माटी पांदी औरौ जोंगलो दै बागूर ना बौं। मोऐं ऐक ओका स्वर्गदूत कै पूर्व दिशा दा प्रकट हौंदै बैई दैखा। तैसीकैईं जियुंदी पौरमेशवर कै मोहर थी। तैसी स्वर्गदूतै जोराल़े धाव मारैयौ तिनु चोऊ स्वर्गदूतौ खै बौइदै औरौ बौल़ौ:
Sanasan