प्रकाशितवाक्य 7:11 - सिरमौरी नौवाँ नियम

¹¹ सौबै स्‍वर्गदूत सिंहासन कै चोऊ ढौबौ औरौ पुराणिया कै औरौ चार जियुंदी प्राणीयों कै चोऊ ढौबौ खै खौड़ै थिए, तिनु सौबीए सिंहासन कै सामणै मुंडो झुकायो पौरमेशवर कै आराधना कौरे।

Sirmouri

¹¹ अरह् बादे स्वर्गदूत्त तेसी सिंगाँस्ण अरह् अगुऐ चौऊँँ जींव के चौऊँ ढबे खह्ड़े असो; तबे से सिंगाँस्ण के सहाँम्णें उट्मूल़े लातो गाशी पड़े अरह् पंण्मिश्वर के आरार्धना करियों बुलो,

प्रकाशितवाक्य 7:11 Iomraidhean Croise

मत्ती 4:10

तोबै यीशुए तैसीखै बौल़ौ, “ओए रै शैतान दूर हौए जा, जिथुखै पवित्र शास्त्र दो ऐजौ बै लैखै राए: ‘तू आपणै प्रभु पौरमेशवर कै झोकैबा ढाल़ कौर, औरौ सिरफ तैसकै सेवा कौर।’”

यूहन्ना 5:23

जिथुकै जैशैखै सौबै लोग पिता पौरमेशवर कै आदर दैंव, तैशैखैई मुखै बै आदर दैंव; जै कुणिए मुखै आदर ना दैंव तौ सै पिता पौरमेशवर कै बै आदर ना दैंव जैणै मुखै छाड़ै राए।

इब्रानियों 1:6

औरौ जोबै पौरमेशवरे आपणै बैजाए महान बैटै खै दुनिया दा भैजा, तौ बौल़ौए, कै “पौरमेशवर कै सौबै स्‍वर्गदूत बैटै कै आराधना कौरौ।”

प्रकाशितवाक्य 11:16

औरौ चौबीशौ पुराणिया जू पौरमेशवर कै सामणै आपणै-आपणै सिंहासनों पांदी बौठै रौवै थिए, सै सौबै झौकै गौवै औरौ पौरमेशवर कै आराधना कौरे,

प्रकाशितवाक्य 15:4

“ओए रै प्रभु, सौबी लोगौ कै दवारा तैरा आदर कौरा जांव, औरौ सै सौबै जोणे तैरै नांव कै इज्जत कौरौ, जिथुकै सिरफ तू ही पवित्र पौरमेशवर औसौ। हरेक राज्य कै सौबै लोग तैरै धोरे आंव, औरौ सै तैरी आराधना कौरौ, जिथुकै तैरै धरम कै काम सौबै जोणे आछी तरह शै जाणौ।”

प्रकाशितवाक्य 22:9

पौरौ तैणै मुखै बौल़ौ, “दैख, ऐशै नी कौर; मैरी आराधना नी कौर। पौरमेशवर ही औसौ जैसकै ताखै आराधना कौरणै चैंई। जिथुकै हांव बै तैरै जैशणा औरौ पौरमेशवर कै बातौ बौताणौवाल़ै कै जैशणा औरौ जू इयौं किताबो की बातौ मानौए, तिनकै जैशणा ऐक सेवक औसौ।”

प्रकाशितवाक्य 4:4

तैसी सिंहासन कै चोऊ ढौबौ चौबीश औकै सिंहासन थिए, औरौ इनु सिंहासनों पांदी चौबीश पुराणिया चिटै लुस्कै बाम्बैयौंदे बौठै रौवै थिए, औरौ तिनकै मुंडो पांदी सूनै कै मुकुट थिए।

प्रकाशितवाक्य 4:6

तैसी सिंहासन कै सामणै ऐक फरश थिया जू समुन्द्र कै जैशणा चौड़ा थिया, जू कांच कै जैशणा साफ थिया औरौ सिंहासन कै चोऊ ढौबौ चार जियुंदी प्राणी थिए, जिनकै शोरीर पूरी तरह शै आखी लैई छिपैयौंदे थिए।

प्रकाशितवाक्य 4:8

औरौ चारै प्राणीयों कै छौ-छौ पाखौ औसौ, तिनु पांदी सौब जौगैह आखी थी, इथै तौड़ी कै तिनकै पाखौ कै धैनै बै; औरौ सै रातै-दूसौ बिना बिशांव कौरे ऐजौ बौलेया कौरौ, “पवित्र, पवित्र, पवित्र प्रभु पौरमेशवर, सौबिदा शौकतीशाली, जू थिया, औरौ जू औसौए औरौ जू आणौवाल़ा औसौ।”