प्रकाशितवाक्य 5:6 - सिरमौरी नौवाँ नियम

⁶ तोबै मोऐं ऐक मेम्ने कै दैखा जू कै सिंहासन औरौ चार जियुंदै आदमी औरौ चौबीश पुराणियो कै बीचौ दा खौड़ा थिया। मेम्ने कै शोरीर पांदी ऐशणै निशान थिए कै तैसीखै औगौड़ियौ बलिदान कौरे राए थिया पौरौ सै औटेयौ जियुंदी औसौ। तैसकै सात शींग औरौ सात आखी थी, ऐजी पौरमेशवर कै सात आत्माए औसौ, जू सारी धोरती पांदी छाड़ै राखी।

Sirmouri

⁶ तबे मुँऐ तेसी सिंगाँस्ण अरह् चारों जींव अरह् तिनू अगुऐ के बीचो दा, जेष्णाँ ऐक काटा अंदा छ़ैल़्टा खड़ा देखा। तेस्के सात्त शिंगों अरह् सात्त आखी थी; ऐजी पंण्मिश्वर की सात्ते आत्त्मा असो, जुण्जी संईसारी की बादी धर्ती गाशी डियाल़ी गई थी।

प्रकाशितवाक्य 5:6 Iomraidhean Croise

लूका 1:69

औरौ आपणै सेवक राजा दाऊद कै वंशो मुंजीदा आमु कारिए ऐक उध्दार कौरणौवाल़ा भैजै राए।

यूहन्ना 1:29

ओकी दूसै यूहन्नाए यीशु खै आपणै ढौबौ आन्दै बैई दैखैयो बौल़ौ, “दैखौ, ऐजा पौरमेशवर का मेम्‍ना औसौ जू (आपी खै बलिदान कौरेयौ) दुनिया का पाप उठाणौ वाल़ा औसौ।

यूहन्ना 1:36

औरौ तैणै यीशु कै जांदै बैई दैखा औरौ बौल़ौ, “ऐजा पौरमेशवर का मेम्‍ना औसौ।”

प्रेरितो कै काम 8:32

पवित्र शास्त्र का जू अध्याय तैणै पौढ़ै लौआ थिया सै ऐजा थिया, “सै भेड़ कै जैशणा काटणौ कै पोऊंचाए गौआ, औरौ जैशै मेम्‍ना आपणै ऊन कौतराणोवाल़ै कै जैशणा चुपचाप रौंव, तैशैखैई जोबै लोगै तैसीखै पीड़ो दी तौ तैणै बै आपणौ मुँह ना खुली,

प्रकाशितवाक्य 1:4

मोऐं यूहन्नाए, ऐजी चिट्ठी तुऔं सात कलीसियाओं कै बिशवाशी लोगौ कारिए लैख लौए जू एशिया प्रदेश दै रौं: हांव प्रार्थना कौरु कै पौरमेशवर जू औसौए, औरौ जू हमैशा थिया, औरौ जू आणौवाल़ा औसौ; औरौ तिनु सात स्‍वर्गदूत कै ढौबौशै, जू पौरमेशवर कै सिंहासन कै सामणै औसौ, तुऔं अनुग्रह औरौ शान्तै भैटौ।

प्रकाशितवाक्य 12:11

अमारै बिश‍वाशीयै शैतान कै हराए राए। तिनुऐ तैसी मेम्ने कै लोऊ कै शौकतै शै हराए राए, जू तिनु तिनकै पापौ शै छुड़ाणो कारिए मौरे गौआ। तिनुऐ तैसी हराए दिया जिथुकै तिनुऐ ऐजा बिशवाश बौणायौ राखा कै मेम्‍ना तिनका पौरमेशवर थिया। हालांकि तिनु सताए गौवै या इथै तौड़ी कै मारै दियै गौवै, पौरौ सै तैसी मानणौ शै पाछु ना फिरी।

प्रकाशितवाक्य 13:8

धोरती पांदी रौणौवाल़ै सौबै लोग तैसकै पूजा कौरदै लागै। सिरफ तिनु लोगै तैसकै पूजा ना कौरी जिनकै नांव दुनिया कै बाणै जाणै शै आगै ही जीवन कै किताब दै लिखै राए थै। ऐजी जीवन कै किताब तैसी मेम्ने कै किताब औसौ जैसी बलिदान कै रुप दै मारै गौआ थिया।

प्रकाशितवाक्य 14:1

इथकै बाद, मोऐं किछै औकौ दैखौ, मोऐं सिय्योन धारो कै चुटी पांदी मेम्ने खै खौड़ा हौएयौंदा दैखा। तैसकै साथै ऐक लाख चौवालीस हजार लोग थिए, तिनकै माथै पांदी मेम्ने कौ नांव औरौ तैसकै पिता कौ नांव लैखैयौंदे थियु।

प्रकाशितवाक्य 17:14

सैजै मेम्ने कै खिलाफ लौड़ाए कौरदै, पौरौ मेम्‍ना तिनु हराए दैंदा, जिथुकै सै प्रभुओं का प्रभु औरौ राजाओं का राजा औसौ। मेम्ना आपणै बुएदैहौंदै, चोणेयौंदे औरौ बिशवाश लायक चैलै कै साथै तिनु पांदी जीतै जांदा।

प्रकाशितवाक्य 21:22

मोऐं कुणजाई मन्दिर ना दैखी जिथुकै सौबिदा बौड़ा शौकतीशाली पौरमेशवर औरौ मेम्ना तैसी शहर दै औसौ। इथकारिए तिथै मन्दिर कै किछै जौरुरत ना आथी।

प्रकाशितवाक्य 21:23

तिथै ना तौ सुरज औरौ ना ही चंद्रमा कै चौमकौणौ कै जौरुरत औसौ, जिथुकै सैजौ शहर पौरमेशवर औरौ मेम्ने कै चौमक लैई रोशन औसौ।

प्रकाशितवाक्य 22:1

तोबै स्‍वर्गदूतै मुखै ऐक नोंदी दिखाए जिंदु जिन्दगी कौ पाणी थियु। पाणी साफ कांचो कै जैशणौ चौमकौ थियु। ऐजौ पौरमेशवर औरौ मेम्ने कै सिंहासन शै बौंहदौ लाग रौ थियु।

प्रकाशितवाक्य 22:3

जैसी कोसी आदमी या चीज़ौ पांदी पौरमेशवर का शराप औसौ सैजै शहर दै ना हौन्दै। पौरमेशवर औरौ मेम्ने का सिंहासन शहर दा हौंदा, औरौ तैसकै सेवक तैसकै सेवा कौरदै।

प्रकाशितवाक्य 4:8

औरौ चारै प्राणीयों कै छौ-छौ पाखौ औसौ, तिनु पांदी सौब जौगैह आखी थी, इथै तौड़ी कै तिनकै पाखौ कै धैनै बै; औरौ सै रातै-दूसौ बिना बिशांव कौरे ऐजौ बौलेया कौरौ, “पवित्र, पवित्र, पवित्र प्रभु पौरमेशवर, सौबिदा शौकतीशाली, जू थिया, औरौ जू औसौए औरौ जू आणौवाल़ा औसौ।”

प्रकाशितवाक्य 5:11

जोबै मोऐं औटेयौ दैखौ, तोबै एकदम शै मोऐं लाखों औरौ करोड़ो स्‍वर्गदूतौ कै आवाज़ो शुणी, तिनकै गिनती ना कौरियौ थी। सै राजा कै तैसी सिंहासन कै, तिनु चार जियुंदी प्राणीयों औरौ तिनु चौबीश पुराणियो कै चोऊ ढौबौ खौड़ै थिए।

प्रकाशितवाक्य 5:12

सै जोर-जोर शै गांव थिए, “सैजा मेम्ना जैसी बलिदान कौरे राए थिया, सै महिमा कै लायक औसौ। तैसका औधिकार महान औसौ। तैसकै बुध्दि गैहरी औसौ। सै बैजाए शौकतीशाली औसौ औरौ सै बैजाए सैठ औसौ। आव आमै तैसका आदर कौरु। आव आमै तैसकै बौड़ाए कौरु।”

प्रकाशितवाक्य 5:13

तोबै मोऐं स्वर्ग दा, औरौ धोरती पांदी, औरौ धोरती कै धैनै, औरौ समुन्द्र कै सौब बाणैयौंदी चीज़ौ खै, औरौ सौब ठुँ खै जू तिथमुंजी औसौ, ऐजौ बौलदै शुणु, “आव आमै सिंहासन पांदी बौठैयौंदे की औरौ मेम्ने की स्तुति औरौ आदर, औरौ महिमा हमैशा-हमैशा कारिए कौरदै रोऊं, जिथुकै सै सौबिदा जादा शौकतीशाली औसौ।”

प्रकाशितवाक्य 5:14

औरौ चोऊ प्राणीए “आमीन” बौल़ौ, औरौ सैजै पुराणिया झोकैयौ तैसकै आराधना कौरदै लागै।

प्रकाशितवाक्य 6:16

औरौ धारो, औरौ चट्टानो शै बौलदै लागै, “आमु पांदी रिड़ जाव औरौ अमारै रक्षा कौर ताकि सैजा जू सिंहासन पांदी बौठेयौंदा औसौ, आमु दैख ना सौकौ औरौ मेम्ने कै सौजा शै छिपाए दैव;