प्रकाशितवाक्य 4:5 - सिरमौरी नौवाँ नियम

⁵ तैसी सिंहासन पौरैशै बिजली औरौ गुड़कौ निकल़ौ थी औरौ सिंहासन कै सामणै सात दिवे बौल़ै रौवै थिए, जू पौरमेशवर की सात आत्माए औसौ,

Sirmouri

⁵ तेसी सिंगाँस्हणों शी बीजूल़ी अरह् गर्जोणों का गूँह्ज गुड़ाको शुँणियों थी, अरह् सिंगाँस्हणों के सहाँम्णें आगी के सात्त दिवे बल़ी रूऐ थिऐ, सेजी पंण्मिश्वर की सात्त आत्त्मा असो,

प्रकाशितवाक्य 4:5 Iomraidhean Croise

मत्ती 25:1

“तोबै यीशुए आपणै चैलै कै बौल़ौ, जोबै हांव आदमी का बैटा पाछु आन्दा, तोबै स्वर्ग का राज्य दु‌‌ल्हन कै तिनु दस कुंवारी सहैली साए औसौ जू आपणी मशालों लोएयों दुल्है शै भैटिणौ कारिए तैसकै बियाव कै जशन दी हुटी।

मत्ती 3:11

“हांव तुऔं पाणी लैई बपतिस्मा दैंदा, जिनुवै आपणै पाप छोड़ेयौ पौरमेशवर कै ढौबौ मन राए लाए, पौरौ जू मैरै बाद आणौवाल़ा औसौ, सै मुं दा शौकतीशाली औसौ; हांव तौ तैसकै जूते कै तशमै खौलणौ कै लायक बै ना आथी, सै तुऔं खै पवित्र आत्मा औरौ आगै लैई बपतिस्मा दैंदा।

प्रेरितो कै काम 2:3

औरौ तिनकै सामणै ऐक ऐशणै आग दैखी जिथका रुप जीभ कै जैशणा थिया जू जौई हौयौ तिनुमुंजी हरेक आदमी पांदी रौकै गौए।

प्रकाशितवाक्य 1:4

मोऐं यूहन्नाए, ऐजी चिट्ठी तुऔं सात कलीसियाओं कै बिशवाशी लोगौ कारिए लैख लौए जू एशिया प्रदेश दै रौं: हांव प्रार्थना कौरु कै पौरमेशवर जू औसौए, औरौ जू हमैशा थिया, औरौ जू आणौवाल़ा औसौ; औरौ तिनु सात स्‍वर्गदूत कै ढौबौशै, जू पौरमेशवर कै सिंहासन कै सामणै औसौ, तुऔं अनुग्रह औरौ शान्तै भैटौ।

प्रकाशितवाक्य 10:3

तैसी स्‍वर्गदूतै जोर शै लैर मारी औरौ तैसकै आवाज़ शेर कै गर्जन कै जैशणै थै। जोबै सै चिलोऊवा, तौ सात तैज आवाज़ै तैसी जोवाब दिया, जू गड़गड़ाहट कै आवाज़ कै जैशणै थै।

प्रकाशितवाक्य 11:19

औरौ पौरमेशवर का जू मन्दिर स्वर्ग दा औसौ, सै खोले गौआ, औरौ तैसकै मंदिर दा तैसकी कौरार का सन्‍दूक दैखिया, औरौ गुड़कौ, औरौ शोब्द औरौ बिजली औरौ भुईचोल़ हौंदै लागै, औरौ गौयण शै बर्फ कै पाथरो कै साथै बैजाए बारिश हौए।

प्रकाशितवाक्य 3:1

सरदीस शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जू सात तारै खै आपणै हाथौ दै लैयौ राखौ औरौ जू पौरमेशवर कै सात आत्माओं खै भैजौ, ऐजौ बौल़ौ कै, हांव तैरै कामौ खै जाणुए, कै तू मुं दा बिशवाश लायक बिशवाशी लागै तौ औसौ, पौरौ सौथीखै तू ऐबै मैरै पौछौड़ियौ ना चालै।

प्रकाशितवाक्य 5:6

तोबै मोऐं ऐक मेम्ने कै दैखा जू कै सिंहासन औरौ चार जियुंदै आदमी औरौ चौबीश पुराणियो कै बीचौ दा खौड़ा थिया। मेम्ने कै शोरीर पांदी ऐशणै निशान थिए कै तैसीखै औगौड़ियौ बलिदान कौरे राए थिया पौरौ सै औटेयौ जियुंदी औसौ। तैसकै सात शींग औरौ सात आखी थी, ऐजी पौरमेशवर कै सात आत्माए औसौ, जू सारी धोरती पांदी छाड़ै राखी।

प्रकाशितवाक्य 8:5

तोबै स्‍वर्गदूतै धूपदान नियौ बैदी पांदी शै जोल़ेयौंदे अंगारो लैई भोरै दियु, औरौ धोरती पांदी रिताए दियु, औरौ गुड़कौ, औरौ शोब्द औरौ बिजली औरौ भुईचोल़ हौंदै लागै।