प्रकाशितवाक्य 4:11 - सिरमौरी नौवाँ नियम

¹¹ अमारै प्रभु पौरमेशवर, तू महिमा पाणौ कै लायक औसौ। तू इज्जत पाणौ कै लायक औसौ। तू शौकतीशाली औसौ जिथुकै तुऐं हर चीज़ौ कै बाणी। तुऐं चोऊ कै सै अस्तित्व दी आंव औरौ इथकारिए तिनकै रचना कौरे।

Sirmouri

¹¹ “हे अमाँरें प्रभू अरह् पंण्मिश्वर: तू ही बड़ियाऐ अरह् आदर अरह् शक्त्ति ज़ूगा असो; किन्देंखे के तुँऐं ही बादी चींजो सिर्जी, अरह् बंणाँई, से तुँवारी ही हिछ़या शी थी, अरह् सिर्जी गई।”

प्रकाशितवाक्य 4:11 Iomraidhean Croise

प्रेरितो कै काम 14:15

“ओए रै लोगौ, तुऐं का कौरौ? आमुए बै तौ तुऔं साए दुख-सुख भुगतणो वाल़ै आदमी औसौ, औरौ तुऔं सुसमाचार शुणौऊं, कै तुऐं इनु बैकार कै चीज़ौ शै जौई हौयौ जियुंदै पौरमेशवर कै ढौबौ आंव, जैणै स्वर्ग औरौ धोरती औरौ समुन्द्र औरौ जू किछै तिंदु औसौ बाणै राए।

प्रेरितो कै काम 17:24

जैसी पौरमेशवरे दुनिया औरौ तिथमुंजी सौबै चीज़ौ बाणी, सै स्वर्ग औरौ धोरती का स्‍वामी हौयौ हाथौ कै बौणैयौंदे मन्दिरो दा ना रौंव।

रोमियों 11:36

जिथुकै सौब ठुँ पौरमेशवर शै आंव। तैणै सौब ठुँ बाणै राए, औरौ सौब ठुँ तैसकौ ही औसौ। तैसकै महिमा जुग-जुग हौन्दै रौंव। आमीन।

इफिसियों 3:9

औरौ मुखै इयौं राज़ौ कै योजना खै सौबी कै सौमझाणौ कारिए बै चोणे राए थिया। पौरमेशवर, जू सारी दुनिया का बाणणौवाल़ा औसौ, तैणै शुरु शै ही इयौं योजना कै गुप्‍त राखै राए थै।

इब्रानियों 1:10

पवित्र शास्त्र ऐजौ बै बौल़ौए कै, “ओए रै प्रभु, शुरुआत दै तुऐं धोरती कै रचना कौरे, औरौ तुऐं स्वर्ग बै बाणौ।

इब्रानियों 1:2

पौरौ इनु आखरी दूसौ दी आमुआरी आपणै बैटै यीशु मसीह कै दवारा बातौ कौरी। पौरमेशवरे आपणै बैटै कै दवारा सारी दुनिया कै बाणै औरौ तैसीखै सौबी चीज़ौ का वारिस ठैहरोऊवा।

प्रकाशितवाक्य 10:6

औरौ जू हमैशा जियुंदी औसौ, औरौ जैणै स्वर्ग, धोरती औरौ समुन्द्र औरौ तिथमुंजी सौब ठुँ बाणै राए। तैसकै शौं खायौ बौल़ौ कै, “ऐबै कोसी बै बात कारिए हौजौ इंतजार ना कौरणा पौड़दा। ऐबै सैजी सौबै बातौ पूरी हौए जांदी।”

प्रकाशितवाक्य 14:7

तैणै जोर शै बौल़ौ, “पौरमेशवर शै डौरौ औरौ तैसका आदर कौरौ जिथुकै ऐबै सैजा सौमय आए गौआ जोबै सै लोगौ का न्याय कौरला। तैसकै आराधना कौरौ, जिथुकै सै सैजा औसौ जैणै स्वर्ग, धोरती, समुन्द्र औरौ पाणी कै झरणै बाणै राए।”

प्रकाशितवाक्य 19:1

जोबै बलवान स्‍वर्गदूतै बौल़ाणौ खत्म कौरौ, मोऐं जू शुणु सै ऐशैकै थियु जैशै स्वर्ग दै बौहितै सारै लोगै गाए लौ हौल़ौ, “हालेलुय्याह! मोक्ति, औरौ महिमा, औरौ अनौखी शौकतै अमारै पौरमेशवर का ही औसौ।

प्रकाशितवाक्य 5:12

सै जोर-जोर शै गांव थिए, “सैजा मेम्ना जैसी बलिदान कौरे राए थिया, सै महिमा कै लायक औसौ। तैसका औधिकार महान औसौ। तैसकै बुध्दि गैहरी औसौ। सै बैजाए शौकतीशाली औसौ औरौ सै बैजाए सैठ औसौ। आव आमै तैसका आदर कौरु। आव आमै तैसकै बौड़ाए कौरु।”

प्रकाशितवाक्य 5:2

तोबै मोऐं ऐक बलवान स्‍वर्गदूतौ खै दैखा जू जोराल़े शोब्दो शै ऐजा प्रचार कौरौ थिया, “इयौं किताबो खै तौड़णौ औरौ किताबो खै खौलणौ का औधिकार कोसीयागे औसौ?”

प्रकाशितवाक्य 5:9

तिनिए ऐजौ गीत मेम्ने यानी यीशु मसीह कै बारै मुंजी गाए लो थियु, “तू इयौं किताब कै मोहरो खै तौड़णौ औरौ इयौं खौलणौ का औधिकार राखै।” तिनुऐ ताखै बलिदान कौरे राए थिया औरौ तैरै लोऊए जू क्रूसो पांदी बौवाए राए, लोगौ खै छुड़ाए दियै ताकि सै पौरमेशवर शै सौमबंधित लोग बौणै जांव। ऐजै लोग सौब गोत्रो, सौब भाषाओं, सौब ठाँव औरौ सौब राज्यो शै औसौ।