प्रकाशितवाक्य 3:7 - सिरमौरी नौवाँ नियम

⁷ फिलदिलफिया शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जू पवित्र औरौ साचा औसौ, सैजौ जैसी कैई दाऊद कै राज्य पांदी औधिकार औसौ। जै सै दरवाज़ा खोलो, तौ कुणिए बै तैसी बंद ना कौरे सौकौ। औरौ जै सै तैसी बंद कौरे दैंव, तौ कुणिए बै तैसी खोले ना सौकौ, हांव जू बुलूए सैजौ शुण,

Sirmouri

⁷ “फिलदिलफ़िया नंगर की कलीसिया के दूत्त खे ऐजो लिख: “जू पबित्र अरह् साच्चा असो, अरह् जू दाऊद की ताल़ी-कुँन्जी थंह्, अरह् जेस्को खूलों अंदो कुँऐं डाकी ने सक्दा, अरह् तेसको डाको अंदो कुँऐं भे खुली ने सक्दा, से ऐजो बुलो

प्रकाशितवाक्य 3:7 Iomraidhean Croise

मत्ती 16:19

हांव ताखै स्वर्ग कै राज्य की कुंजीयां दैंदा: औरौ जू तू धोरती पांदी बान्ला, सै स्वर्गो दो बानै जांदो; औरौ जू किछै तू धोरती पांदी खोलला सै स्वर्गो दो खोले जांदो।”

मत्ती 24:35

गौयण औरौ धोरती टोल़े जालै, पौरौ मैरी बातौ हमैशा रोन्दी।”

मरकुस 1:24

तैणै जोर शै लैर मारैयौ बौल़ौ, “ओए रै नासरत गांव कै यीशु, अमारै तांवआरी किछै लैणा दैणा ना आथी? कै तू आमुखै नाश कौरदा आए रौआ? हांव ताखै जाणुए, तू कुण औसौ? तू ही सैजा पवित्र आदमी औसौ, जू पौरमेशवर कै ढौबौशा आए रौआ!”

लूका 1:32

सै महान हौंदा औरौ सौबीदा बौड़ा पौरमेशवर का बैटा बौला जांदा औरौ प्रभु पौरमेशवर तैसकै पुराणिया राजा दाऊद जैशणा राजा बाणदा।

लूका 4:34

सै जोर सै लैलयांदा लागा, “ओए रै नासरत गांव कै यीशु, अमारै तांव आरी किछै लैणा दैणा ना आथी? कै तू आमुखै नाश कौरदा आए रौआ? हांव ताखै जाणुए, तू कुण औसौ? तू ही सैजा पवित्र आदमी औसौ जू पौरमेशवर कै ढौबौशा आए रौआ!”

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

प्रेरितो कै काम 3:14

तुऐं यीशु कै ना अपनैई, जू पवित्र औरौ धरमी थिया। औरौ तुऐं चोऊ कै ऐकी हथयारै खै तुऔं कारिए छोड़े दिया जांव।

1 यूहन्ना 5:20

आमै ऐजौ बै जाणुए कै यीशु मसीह पौरमेशवर का बैटा इयौं दुनिया पांदी आए रौआ औरौ तैणै आमुखै सौमझ दैय राए कै आमै तैसी साची पौरमेशवर कै पौछेयाणु। जिथुकै आमै साची पौरमेशवर कै साथै औरौ तैसकै बैटै यीशु मसीह कै साथै बौणैयौंदे रौंव। यीशु मसीह ही साचा पौरमेशवर औरौ सौदा कै जिन्दगी औसौ।

प्रकाशितवाक्य 1:11

“आवाज़ै बौल़ौ, जू किछै तू दैखै, तिथु किताब दो लिखयो तिनु सात कलीसियाओं खै भैज जू इनु शहरो दै औसौ: यानी कै इफिसुस, स्मुरना, पिरगमुन, थुआतीरा, सरदीस, फिलदिलफिया, औरौ लौदीकिया खै।”

प्रकाशितवाक्य 1:18

हांव एकबेई मौरे गौआ थिया पौरौ ऐबै हांव जियुंदी औसौ औरौ हांव हमैशा जियुंदी रौंदा। दैख हांव युग-युग जियुंदी औसौ; मुंकैई मौत औरौ पताल़ की चाबी औसौ।”

प्रकाशितवाक्य 1:5

औरौ यीशु मसीह कै ढौबौशै तुऔं खै अनुग्रह औरौ शान्तै भैटौ, जैसकै वचन पांदी बिशवाश कौरे सौकौ, सैजाई औसौ जू मौरेयो हौजौ जियुंदी हौए गौआ औरौ सै इयौं दुनिया कै सौबी राज्यो दा शासक औसौ। औरौ यीशु मसीह आमुआरी प्यार कौरौ। सै आमु कारिए मौरे गौआ औरौ तैणै अमारै पापौ कै सौजा खै खत्म कौरे दी। इथ बौजैह शै आमु पुरोहितो का ऐक परिवार बौणै गौवै, जू तैसकै पिता पौरमेशवर कै सेवा कौरौ। इथकारिए यीशु मसीह खै महिमा औरौ औधिकार हमैशा भैटदी रौंव। आमीन।

प्रकाशितवाक्य 15:3

सैजै ऐक ऐशणौ गीत गांव थिए जैशैकै पौरमेशवर कै सेवक मूसाए बैजाए औगौड़ियौ गाए राए थियु। तिनुऐ यीशु कै महिमा कौरणौ कारिए, जू कै ऐक मेम्ने साए औसौ, ऐशैकै खै गौऊं: “ओए रै सौबिदा बौड़ा शौकतीशाली प्रभु पौरमेशवर, जू किछै तुऐं कौरे राए सै महान औरौ अनौखा औसौ। तू सौबी देशो का राजा औसौ, तू जू बै कौरे सोही औरौ धरमी औसौ।”

प्रकाशितवाक्य 16:7

मोऐं औटेयौ कोसी खै बैदी पौरैशा बौलदै बैई शुणा, “ओए रै सौबिदा बौड़ा शौकतीशाली प्रभु पौरमेशवर, हौर ऐजौ साचौ औसौ जैशैखै तू लोगौ खै सौजा दैय सैजौ ठीक औरौ साचौ औसौ।”

प्रकाशितवाक्य 19:11

तोबै मोऐं स्वर्ग खै खोलेयौंदा दैखा, तिथै मैरै सामणै ऐक चिटा घोड़ा थिया, औरौ तैसी पांदी ऐक शवार थिया, जू पौरमेशवर का बिशवाश लायक औरौ साचा सेवक थिया। सै जू बातौ पौरमेशवर कै नज़र दी सोही औसौ तिथकै हिसाब शै पौरमेशवर कै दुशमन कै खिलाफ न्याय कौरदा औरौ लौड़ाए कौरदा।

प्रकाशितवाक्य 19:2

तैसकै स्तुति कौरौ जिथुकै तैसकै सौबै फोयसलै सोही औरौ साची औसौ। तैणै मशहूर वेश्या का न्याय कौरा जिथुकै तियैं दुनिया कै लोगौ कै पाप कौरणौ कारिए ऊकसाए। पौरमेशवरे वेश्या का न्याय कौरा जिथुकै पौरमेशवर कै सेवक वेश्या कै दवारा मारै गौवै थिए।”

प्रकाशितवाक्य 2:1

तैणै मुखै ऐजौ बै बौल़ौ, इफिसुस शहर कै कलीसिया कै स्‍वर्गदूत खै ऐजा सौंदेश लिख: हांव सैजाई औसौ जू आपणै सोऐं हाथौ दै सात तारै नियौ राखु औरौ जू सूनै की सात दियोटो कै बीचो दा हांडु, हांव जू बुलूए सैजौ शुण:

प्रकाशितवाक्य 21:5

औरौ जू सिंहासन पांदी बौठै रौआ थिया, तैणै बौल़ौ, “मोऐं सौबै ठुँ नौवाँ कौरे दियु।” तोबै तैणै बौल़ौ, “लैख पा, जू हांव बुलूए तू तिथपांदी बिशवाश कौरे सौकै। ऐजी बातौ निशोंक हौयौ हौंदी।”

प्रकाशितवाक्य 3:14

लौदीकिया शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जैसी आमीन बौला जांव। सै बिशवाश योग्यता कै साथै पौरमेशवर कै बारै मुंजी सौचाई कै प्रकट कौरौ, औरौ हांव सैजा औसौ जैसकै दवारा पौरमेशवरे सौब चीज़ौ कै रचना कौरे राए, हांव जू बुलूए सैजौ शुण:

प्रकाशितवाक्य 4:8

औरौ चारै प्राणीयों कै छौ-छौ पाखौ औसौ, तिनु पांदी सौब जौगैह आखी थी, इथै तौड़ी कै तिनकै पाखौ कै धैनै बै; औरौ सै रातै-दूसौ बिना बिशांव कौरे ऐजौ बौलेया कौरौ, “पवित्र, पवित्र, पवित्र प्रभु पौरमेशवर, सौबिदा शौकतीशाली, जू थिया, औरौ जू औसौए औरौ जू आणौवाल़ा औसौ।”

प्रकाशितवाक्य 5:9

तिनिए ऐजौ गीत मेम्ने यानी यीशु मसीह कै बारै मुंजी गाए लो थियु, “तू इयौं किताब कै मोहरो खै तौड़णौ औरौ इयौं खौलणौ का औधिकार राखै।” तिनुऐ ताखै बलिदान कौरे राए थिया औरौ तैरै लोऊए जू क्रूसो पांदी बौवाए राए, लोगौ खै छुड़ाए दियै ताकि सै पौरमेशवर शै सौमबंधित लोग बौणै जांव। ऐजै लोग सौब गोत्रो, सौब भाषाओं, सौब ठाँव औरौ सौब राज्यो शै औसौ।

प्रकाशितवाक्य 6:10

औरौ तिनुऐ बौड़ै शब्द लैई पुकारेयौ पौरमेशवर शै बौल़ौ, “ओए रै पवित्र, औरौ साची प्रभु; तू धोरती पांदी रौणौवाल़ै तिनु बुरै लोगौ खै तावल़ै सौजा किथु ना दैय? आमै बिन्ती कौरु कै तू तिनु लोगौ कै बर्ताव का बौदला लौ जिनुवै आमु मारै दियै।”