प्रकाशितवाक्य 3:11 - सिरमौरी नौवाँ नियम

¹¹ हांव तावल़ा ही आणौवाल़ा औसौ; इथकारिए आपणै बिशवाश दा मोजबूत बौणेयौंदा रौ ताकि कुणिए बै तैरा इनाम छीणै ना सौकौ।

Sirmouri

¹¹ हाँव शीघा ही आँणों वाल़ा असो; जू किऐ ताँव कैई असो, तैथू थाँम्बड़ों अंदो थुऐं, जू कुँऐं तेरो मुँकुट-ताज ताँव कैई शो आगू ने द्ढ़ो।

प्रकाशितवाक्य 3:11 Iomraidhean Croise

1 कुरिन्थियों 9:25

जू लोग दौड़ दा हिस्सा लोणा चांव, सै आगै भ्यास कौरौ औरौ आपणी अभिलाषाओं दै ना डुबौ, पौरौ धीरज राखौ सै जीतणौ औरौ आदर पाणौ कारिए ऐशै कौरौ तिनका आदर फूलो लैई बौणैयौंदे माल़ा शै हौंव जू जादा सौमय तौड़ी ना रौंव पौरौ आमै जू मसीह यीशु दा भोरोशा कौरु, आदर औरौ आशीष पांदै जू सौदा तौड़ी बौणैयौंदे रौंदी।

फिलिप्पियों 4:5

सौबै लोग तोंवारै कोमल स्‍वभाव कै जाणै पांव। प्रभु झट ही आणौवाल़ा औसौ।

2 तीमुथियुस 2:5

ऐशैखैई जोबै कुणिए ओकी कै खिलाफ दौड़ दा दोऊड़ो, जै सै खेल कै नियमौ का पालन ना कौरौ, तौ कुणिए बै तैसी इनाम ना दैंदा।

2 तीमुथियुस 4:8

ऐबै जय का मुकुट स्वर्ग दा मुखै ठौल़ौए, जिथुकै मोऐं आपणै जीवन शै पौरमेशवर कै खुश कौरे राए। प्रभु जू धार्मिकता कै साथै सौबी लोगौ का न्याय कौरौ, सै तैसी दूसै मुखै सैजा इनाम तौलौ दैंदा जोबै न्याय कौरणौ कारिए सै औटेयौ आन्दा। पौरौ सै मुखै ही नी पौरौ तिनु सौबी लोगौ कै बै इनाम दैंदा जिनुवै तैसकै औटेयौ आणौ का बैसब्री शै इंतजार कौरे लौआ।

याकूब 1:12

धन्‍य औसौ सैजा आदमै, जू परीक्षा दा टिकैयौंदा रौंव, जोबै सै खरा साबित हौंव तौ तैसी सौदा कै जिन्दगी का मुकुट भैटदा, जिथका वादा पौरमेशवरे आपणै प्यार कौरणौवाल़ै आरी कौरे राए।

याकूब 5:9

ओए रै भाईटु, ऐकी दूजै पांदी आपणै पौरैशानी कै बौजैह शै दोष ना लाव, ताकि तुऐं दोषी ना ठौहरौ, दैखौ, न्याय कौरणौवाल़ा आणौ कारिए तैयार औसौ।

प्रकाशितवाक्य 1:3

पौरमेशवर हर तैसी आदमी खै आशीष दैंदा जू इनु हौणौवाल़ी बातौ खै ओकी खै पौढ़ेयौ शुणांव, औरौ सै हरेक तैसी आदमी खै आशीष दैंदा जू इनुखै शुणौए औरौ इनु मानौए। जिथुकै ऐजी बातौ तावल़ी ही हौंदी।

प्रकाशितवाक्य 16:15

दुष्टआत्माएं शासको खै औरौ तिनकै सैनाओं खै तैसी ठाँव पांदी कौठै कौरे जिथु इब्रानी भाषा दौ हर-मगिदोन बौल़ै जांव। इथकारिए प्रभु यीशुए बौल़ौ, “ऐजी बात शुणौ। मैरौ आणौ चोर कै आणौ कै जैशणौ एकदम हौंदौ। धन्‍य औसौ सैजा आदमी जू मैरै आणौ पांदी बिजैयोंदा रौंव, औरौ आपणै लुस्कै तैयार राखौ। तोबै सै नांगै ना हौंदै औरौ किछै बै तिनु शर्मिंदा ना कौरदै चाहै सै बायरै बैजाए लोगौ कै बीच बै जालै।”

प्रकाशितवाक्य 2:10

तिनु दुखो शै डौरेया नी जू ताखै भैटौ। शैतान तुऔं मुंजीदै किछै लोगौ कै थोम्बाला औरौ तुऔं कोयदी दा पाए दैंदा ताकि सै तुंआरी परीक्षा कौरे सौकौ। तुऐं दस दूसौ तौड़ी बौड़ी मुसीबतौ कै महसूस कौरदै। पौरौ मुं पांदी बिशवाश कौरणा कौलोंई नी छोड़ेया, चाहै तुऔं जान शै बै मारै दैंव, जिथुकै हांव तुऔं खै तुंआरी जीत का इनाम कै रुप दा सौदा कि जिन्दगी दैंदा।

प्रकाशितवाक्य 2:13

हांव जाणुए कै तू तैसी ठाँव दा रौए जिथै शैतान राज्य कौरौ। तू मुं कारिए बिशवाश लायक बौणेयौंदा रौआ, औरौ मुं पांदी बिशवाश कौरणा कौलोंई बंद ना कौरी। तुऐं तैसी सौमय बै बिशवाश कौरा जोबै तिनुऐ अन्तिपास खै तिथै मारै दिया जिथै शैतान राज्य कौरौ।

प्रकाशितवाक्य 22:12

तोबै प्रभु यीशुए बौल़ौ: “हांव तावल़ाई आन्‍दा, औरौ जू-जू बै आदमीए कौरे राए, हांव तिनु तिनकै कामौ कै दैखैयो इनाम औरौ सौजा दैन्दा।”

प्रकाशितवाक्य 22:20

यीशु इनु सौबी वचनो कै गवाही दैंव, औरौ सै बौल़ौ, “हां, हांव तावल़ा आणौवाल़ा औसौ।” मोऐं यूहन्नाए जोवाब दिया, आमीन। ओए रै प्रभु यीशु आ।

प्रकाशितवाक्य 22:7

“औरौ दैख, हांव तावल़ा ही आणौवाल़ा औसौ; धन्‍य औसौ सैजै, जू इयौं किताबो दी लिखैयौंदी हौणौवाल़ी बातौ का पालन कौरौ।”

प्रकाशितवाक्य 3:3

तियौं शिक्षा कै याद कौर जू तुऐं बैजाए औगौड़ियौ शौणै राए थै औरौ बिशवाश कौरे राए थिया। जू ताखै शिखाए राए थियु तिथकै पौछौड़ियौ चाल, आपणै गौलत कामौ शै पाप कौरणै छोड़े दै। जै तू गौलत काम कौरेया कौरे तौ हांव एकदम आन्दा, जैशै ऐक चोर आंव, औरौ तू तैसी सौमय खै बै ना जाणै सौकदा जौल़ौ हांव ताखै सौजा दैणौ कारिए आए जांदा।

प्रकाशितवाक्य 4:4

तैसी सिंहासन कै चोऊ ढौबौ चौबीश औकै सिंहासन थिए, औरौ इनु सिंहासनों पांदी चौबीश पुराणिया चिटै लुस्कै बाम्बैयौंदे बौठै रौवै थिए, औरौ तिनकै मुंडो पांदी सूनै कै मुकुट थिए।