प्रकाशितवाक्य 22:7 - सिरमौरी नौवाँ नियम

⁷ “औरौ दैख, हांव तावल़ा ही आणौवाल़ा औसौ; धन्‍य औसौ सैजै, जू इयौं किताबो दी लिखैयौंदी हौणौवाल़ी बातौ का पालन कौरौ।”

Sirmouri

⁷ “देख, हाँव शीघा आँणों वाल़ा असो! भागोईंत्त असो! सेजे जुण्जे ईयों कताबे की बरंम्बाँणीं की बातो दे चालो।”

प्रकाशितवाक्य 22:7 Iomraidhean Croise

प्रकाशितवाक्य 1:11

“आवाज़ै बौल़ौ, जू किछै तू दैखै, तिथु किताब दो लिखयो तिनु सात कलीसियाओं खै भैज जू इनु शहरो दै औसौ: यानी कै इफिसुस, स्मुरना, पिरगमुन, थुआतीरा, सरदीस, फिलदिलफिया, औरौ लौदीकिया खै।”

प्रकाशितवाक्य 1:3

पौरमेशवर हर तैसी आदमी खै आशीष दैंदा जू इनु हौणौवाल़ी बातौ खै ओकी खै पौढ़ेयौ शुणांव, औरौ सै हरेक तैसी आदमी खै आशीष दैंदा जू इनुखै शुणौए औरौ इनु मानौए। जिथुकै ऐजी बातौ तावल़ी ही हौंदी।

प्रकाशितवाक्य 16:15

दुष्टआत्माएं शासको खै औरौ तिनकै सैनाओं खै तैसी ठाँव पांदी कौठै कौरे जिथु इब्रानी भाषा दौ हर-मगिदोन बौल़ै जांव। इथकारिए प्रभु यीशुए बौल़ौ, “ऐजी बात शुणौ। मैरौ आणौ चोर कै आणौ कै जैशणौ एकदम हौंदौ। धन्‍य औसौ सैजा आदमी जू मैरै आणौ पांदी बिजैयोंदा रौंव, औरौ आपणै लुस्कै तैयार राखौ। तोबै सै नांगै ना हौंदै औरौ किछै बै तिनु शर्मिंदा ना कौरदै चाहै सै बायरै बैजाए लोगौ कै बीच बै जालै।”

प्रकाशितवाक्य 2:16

इथकारिए पाप कौरणा छोड़ी दैव, जै तू बुरै काम कौरणै बंद नी कौरला तौ हांव तावल़ा आन्दा औरौ तिनु लोगौ खै खिलाफ तियौं तलवारै लैई लौड़दा, जू मैरै मुँह शै निकल़ौ, जू मैरा वचन औसौ।

प्रकाशितवाक्य 22:12

तोबै प्रभु यीशुए बौल़ौ: “हांव तावल़ाई आन्‍दा, औरौ जू-जू बै आदमीए कौरे राए, हांव तिनु तिनकै कामौ कै दैखैयो इनाम औरौ सौजा दैन्दा।”

प्रकाशितवाक्य 22:18

हांव यूहन्ना सौबी आदमी कै चैतावणी दियु जू इनु बातौ कै बारै मुंजी सौंदेश कै शुणुए जू इबी हौन्दी लाग रौई औरौ आणौवाल़ै सौमय दी हौन्दी, जू मोऐं इयौं किताबो दी लिख रैई: जै कुणिए बै इनु सौंदेश मुंजीदौ किछै बै बौढ़ाव, तौ पौरमेशवर तोंवारै सौजा कै बौढ़ाए दैंदा। सै तुऔं तिनु पौरैशानी शै मारदा जिथकै बारै मुंजी मोऐं इयौं किताबो दौ बौताए राए।

प्रकाशितवाक्य 22:19

औरौ जै कुणिए ऐशणा आदमी हौला जू इयौं किताबो दी भविष्यवाणी कौरेयौंदी बातौ मुंजी दी किछै बै हौटाला, तौ पौरमेशवर तैसीयादी सैजी आशीषौ उंढी कौरदा जिथकै बारै मुंजी इयौं किताबो दौ बौताए राए। पौरमेशवर जीवन कै डाल़ो कै फल़ खाणौ औरौ पवित्र शहर दै हौणौ का तैरा औधिकार बै उंढा कौरदा।

प्रकाशितवाक्य 22:20

यीशु इनु सौबी वचनो कै गवाही दैंव, औरौ सै बौल़ौ, “हां, हांव तावल़ा आणौवाल़ा औसौ।” मोऐं यूहन्नाए जोवाब दिया, आमीन। ओए रै प्रभु यीशु आ।

प्रकाशितवाक्य 22:21

हांव प्रार्थना कौरु कै प्रभु यीशु का अनुग्रह पवित्र लोगौ कै साथै रौंव। आमीन!

प्रकाशितवाक्य 3:11

हांव तावल़ा ही आणौवाल़ा औसौ; इथकारिए आपणै बिशवाश दा मोजबूत बौणेयौंदा रौ ताकि कुणिए बै तैरा इनाम छीणै ना सौकौ।

प्रकाशितवाक्य 3:3

तियौं शिक्षा कै याद कौर जू तुऐं बैजाए औगौड़ियौ शौणै राए थै औरौ बिशवाश कौरे राए थिया। जू ताखै शिखाए राए थियु तिथकै पौछौड़ियौ चाल, आपणै गौलत कामौ शै पाप कौरणै छोड़े दै। जै तू गौलत काम कौरेया कौरे तौ हांव एकदम आन्दा, जैशै ऐक चोर आंव, औरौ तू तैसी सौमय खै बै ना जाणै सौकदा जौल़ौ हांव ताखै सौजा दैणौ कारिए आए जांदा।