प्रकाशितवाक्य 21:6 - सिरमौरी नौवाँ नियम

⁶ तोबै तैणै मुखै बौल़ौ, “ऐजी सौबै बातौ पूरी हौए गोई। हांव अल्फा औरौ ओमेगा औसौ, यानी आदि औरौ अंत औसौ। जू कुणिए बै तीशै औसौ, हांव तैसी तिथ पाणी कै फटवाणी पौरैशौ ऐई मुंजी पिणौ कारिए दैंदा जू बिना अंत का जीवन दैंव।

Sirmouri

⁶ तबे तिन्ऐ मुँखे हजो बुलो, “सब काँम-काज़ खत्त्म हऐ गुवा; हाँव, अल्फ़ा अरह् ओमेगा असो, मतल्व शुरू अरह् अंन्त्त असो। हाँव च़ीषै खे जीवन-जल के फ़ट्वाँणीं शो, ऐई मुँझ़ी पाँणीं पीयाँऊबा।

प्रकाशितवाक्य 21:6 Iomraidhean Croise

यूहन्ना 4:10

यीशुए जोवाब दिया, “तू ना जाणै कै पौरमेशवर ताखै का दैणौ चांव, औरौ तू ऐजौ बै ना जाणै कै कुणै तांव कैईंदु पाणी मांगै लो। जै तू जाणदी तौ तू मुं कैईंदु मांगदै औरौ हांव ताखै पाणी दैंदा जू पाणी जीवन दैंव।”

यूहन्ना 4:11

बैटमाणिशै यीशु खै बौल़ौ, “ओए रै गुरु, तांव कैंई तौ पाणी भोरणो कारिए किछै बै ना आथी, औरौ कुआँ बैजाए डुंगा औसौ? तोबै सैजौ जीवन कौ पाणी तांव कैंईदौ कुकै दौ भैटदौ?

यूहन्ना 4:14

पौरौ जू कुणिए तिथु पाणी मुंजी दो पिला जू हांव तैसीखै दियुंबा, सै सौदा तौड़ी तीशी ना रौंदा, औरौ जू पाणी हांव तैसीखै दियुंबा, सै तिथु मुंजी ऐक फटवाणी बौणै जांदो, जू तैसी पाणी कै दैंदा रौंव जू तैसी सौदा कै जिन्दगी तौड़ी दैला।”

रोमियों 3:24

पौरौ पौरमेशवर कै अनुग्रह शै तैणै आमु यीशु मसीह कै दवारा पाप कै सौजा शै छुटकारा दिया जू कै यीशु मसीह दा औसौ, पौरमेशवरे आमु बिना किछै कौरे ही धरमी साबित कौरे राए।

रोमियों 8:32

पौरमेशवरे आपणै बैटै कै आपी कारिए ना राखी, पौरौ तैसीकै अमारै खातिर आपणै दुशमन कै सौंपै दिया, सै आमु सैजौ सौबै ठुँ बै दैंदा जू वादा तैणै आमुआरी कौरे राए।

1 कुरिन्थियों 2:12

आमु दुनिया कै आत्मा नी पौरौ सैजी आत्मा भैटी रौए, जू पौरमेशवर कै ढौबौशी औसौ कै आमै सैजौ सौबै जाणै सौकु, जू पौरमेशवरे आमु दया शै दैय राए।

1 कुरिन्थियों 3:12

जै मसीह सेवक सोही शिक्षा शिखांव जू पौरमेशवरे तिनु दैय रैई, तौ सै तैसी घोर बाणणौवाल़ै कै जैशणै औसौ जू सूनु, चांदी या कीमती पाथरो जैशणै आछै गुणो वाल़ै सामान का इस्तैमाल कौरेयौ नीयुं कै बाणौ। पौरौ जै सै झूठै शिक्षा शिखांव, तौ सै तैसी घोर बाणणौवाल़ै कै जैशणै हौंव, जू लाकड़ी, घास औरौ पराल जैशणी खराब गुणो वाल़ै सामान का इस्तैमाल कौरौ।

1 कुरिन्थियों 3:21

इथकारिए ऐक कोसी बै अगुवे का पालन कौरणौ कै बारै मुंजी घमण्‍ड कौरणा बंद कौरौ, जिथुकै पौरमेशवरे सौबै ठुँ तोंवारै भोलाए कारिए दैय राए।

1 कुरिन्थियों 3:5

तौ तोबै अपुल्लोस कुण औसौ? औरौ पौलुस कुण औसौ? सिरफ सेवक औसौ, जिथकी बौजैह शै तुऐं लोगै मसीह पांदी बिशवाश कौरे राए, आमु मुंजीदै सौबीए सैजाई काम कौरा जू पौरमेशवरे आमु कौरणौ कारिए दैय राए।

प्रकाशितवाक्य 1:11

“आवाज़ै बौल़ौ, जू किछै तू दैखै, तिथु किताब दो लिखयो तिनु सात कलीसियाओं खै भैज जू इनु शहरो दै औसौ: यानी कै इफिसुस, स्मुरना, पिरगमुन, थुआतीरा, सरदीस, फिलदिलफिया, औरौ लौदीकिया खै।”

प्रकाशितवाक्य 1:17

जोबै मोऐं तैसी दैखा, तौ हांव तौलोंई तैसकै लातो पांदी रिड़ै गौआ। हांव ऐक मौरेयौंदे आदमी कै जैशणा हौए गौआ। पौरौ तैणै मुं पांदी आपणा सोंवा हाथ राखैयौ ऐजौ बौल़ौ, “डौरेया नी; हांव आगला औरौ आखरी औसौ, हांव सैजा औसौ जू हमैशा जियुंदी औसौ,

प्रकाशितवाक्य 1:8

पिता पौरमेशवर बौल़ौ, “हांव अल्फा औरौ ओमेगा औसौ, यानी कै, शुरुआत औरौ अंत औसौ। हांव ही औसौ जू औसौए, जू थिया, औरौ जू आणौवाल़ा औसौ, हांव सौबिदा बौड़ा शौकतीशाली औसौ।”

प्रकाशितवाक्य 10:6

औरौ जू हमैशा जियुंदी औसौ, औरौ जैणै स्वर्ग, धोरती औरौ समुन्द्र औरौ तिथमुंजी सौब ठुँ बाणै राए। तैसकै शौं खायौ बौल़ौ कै, “ऐबै कोसी बै बात कारिए हौजौ इंतजार ना कौरणा पौड़दा। ऐबै सैजी सौबै बातौ पूरी हौए जांदी।”

प्रकाशितवाक्य 16:17

सातवें स्‍वर्गदूतै जू तैसकै डौंगै दो थियु सैजौ हावा दो रिताए दियु, औरौ मोऐं शुणु, तिथै सैजा थिया जू स्वर्ग कै मन्दिर कै भीतरै पौरैशा पौरमेशवर कै सिंहासन शै बौलाए रौआ थिया, “सौब ठुँ हौए गौ।”

प्रकाशितवाक्य 22:13

“हांव अल्फा औरौ ओमेगा औसौ, यानी आदि औरौ अंत औसौ।”

प्रकाशितवाक्य 22:17

पौरमेशवर का आत्मा औरौ मेम्ने कै दुल्हन यीशु कैई बौल़ौ, “ताखै पाकौ आणौ चैंई।” सौबै जू ऐजौ शुणु, तैसी बै ऐजौ बौलणौ चैंई, “आ!” जू कुणिए बै तिशा औसौ, सै इथै आव। सैजौ पाणी पियौ जू जीवन दैंव, जू कै तिनु सौबी कै मुफ्त दौ भैटौ जू इथुकै पिणु चांव।

प्रकाशितवाक्य 3:14

लौदीकिया शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जैसी आमीन बौला जांव। सै बिशवाश योग्यता कै साथै पौरमेशवर कै बारै मुंजी सौचाई कै प्रकट कौरौ, औरौ हांव सैजा औसौ जैसकै दवारा पौरमेशवरे सौब चीज़ौ कै रचना कौरे राए, हांव जू बुलूए सैजौ शुण:

प्रकाशितवाक्य 7:17

जिथुकै मेम्ना जू सिंहासन कै बीचौ दा औसौ, तिनकै दैखभाल कौरदा; तैशैखैई जैशै ऐक चौराणौवाल़ा आपणी भेड़ो कै दैखभाल कौरौ; औरौ सै तिनु ताजै पाणी पिणौ कारिए निया कौरदा जू लोगौ खै जीवन दैंव, औरौ पौरमेशवर तिनकै आखी पौरैशै सौब आशु घोशै दैंदा।”