प्रकाशितवाक्य 21:4 - सिरमौरी नौवाँ नियम

⁴ औरौ पौरमेशवर तिनकै आखी पौरैशै सौब आशु घोशै दैंदा; औरौ कुणिए बै आदमी कौलोंई बै दुख महसूस ना कौरदा या रुंदा या दर्द कै महसूस ना कौरदा औरौ ना ही मौत रौंदै, जिथुकै पुराणै दुनिया कै सौबै चीज़ौ गायब हौए गोई।”

Sirmouri

⁴ से तिनकी आँखी शे बादे आशुओं आगू घुष्दा; तिन्दे पाछी ना तअ मंऊँत्त रह्दीं, अरह् ना शोग, बिलाप, ना दु:ख, किन्देंखे के पुराँणीं बातो बीती गंई।”

प्रकाशितवाक्य 21:4 Iomraidhean Croise

मत्ती 24:35

गौयण औरौ धोरती टोल़े जालै, पौरौ मैरी बातौ हमैशा रोन्दी।”

1 कुरिन्थियों 15:26

सौबी कै अंत दा मौत का नाश हौला, जिथु मौत सौबी कि दुशमन औसौ।

1 कुरिन्थियों 7:31

औरौ इयौं दुनिया मुंजी जू किछै बै आमुकैंई औसौ, आमु तिथु जादा जौरुरी नी सौमझणौ चैंई जिथुकै इयौं दुनिया दु सौबै ठुँ खत्म हौए जांदो।

2 कुरिन्थियों 5:17

इथकारिए जै कुणिए मसीह दा बिशवाश कौरौ तौ तैणै मसीह दा नौवाँ स्‍वभाव पाए राए: पुराणा स्‍वभाव बीती गौआ; औरौ दैखौ, सैजौ सौबै नौंओ हौए गौ।

2 कुरिन्थियों 6:17

इथकारिए प्रभु आमुआरी पवित्र शास्त्र कै दवारा बौल़ौ, “तिनु लोगौ मुंजीदै बायरै आए जाव जू पौरमेशवर कै पौछौड़ियौ ना चालौ; औरौ सैजी अशुध्द चीज़ौ जू मोऐं मौना कौरे रैई औरौ तिनु अपवित्र चीज़ौ शै दूर रौव, तोबैई हांव तुऔं अपनांदा;

इब्रानियों 12:27

औरौ ऐजै आवाज़ एकबेई औटेयौ इयौं बातौ खै दिखांव, कै सौबै बाणैयौंदी चीज़ौ हिंजाल़ी जांदी, औरौ हौटाए जांदी; ताकि जू चीज़ौ हिलाए ना जांव, सैजी हमैशा बौणेयौंदी रौंदी।

2 पतरस 3:10

पौरौ मसीह पाका पाछु आन्‍दा। सै एकदम ही पाछु आए जांदा, जैशैकै कुणिए चोर एकदम ही आए जांव। तैसी सौमय गौयणै दा गुड़कौ का शाद हौंदा, औरौ गौयण छिपै जांदै। गौयणै दौ सौबै ठुँ, यानी सुरज, चांद औरौ तारै पूरी तरह शै जौल़ै जांदै। तैसी दूसै पौरमेशवर तिनु सौबी कामौ खै प्रगट कौरे दैन्दा जू लोगै कौरे राए ताकि तिनका न्याय कौरे सौकौ।

1 यूहन्ना 2:17

दुनिया औरौ तिथकी इछाएं दुईनै नाश हौंदी लागै रोई, पौरौ जू पौरमेशवर कै इछा कै हिसाब शै जियौंए सै सौदा बौणेयौंदा रौंदा।

प्रकाशितवाक्य 20:14

सैजै सौब लोग जिनकै नांव जीवन कै किताब दो ना लैख राए थै, तिनु आग कै झील दै बैगाए दियै। इथकै बाद, ऐबै मौत ना आथी, ऐबै मौरेयौंदे का कुणजाई ठाँव ना आथी, जिथुकै सैजै सौब लोग जिनकै नांव जीवन कै किताब दै ना लैखै रैई थिए तिनु आग कै झील दै बैगाए दियै। इथुकै ही औकै मौत बौल़ै जांव, औरौ आग कै झील कै सौजा कै मौत बौल़ै जांव।

प्रकाशितवाक्य 21:1

तोबै मोऐं नौवाँ स्वर्ग औरौ नोऐं धोरती खै दैखी, जिथुकै पुराणा स्वर्ग औरौ दुनिया ऐबै ना थी। औरौ ऐबै समुन्द्र बै ना थी।

प्रकाशितवाक्य 22:3

जैसी कोसी आदमी या चीज़ौ पांदी पौरमेशवर का शराप औसौ सैजै शहर दै ना हौन्दै। पौरमेशवर औरौ मेम्ने का सिंहासन शहर दा हौंदा, औरौ तैसकै सेवक तैसकै सेवा कौरदै।

प्रकाशितवाक्य 7:17

जिथुकै मेम्ना जू सिंहासन कै बीचौ दा औसौ, तिनकै दैखभाल कौरदा; तैशैखैई जैशै ऐक चौराणौवाल़ा आपणी भेड़ो कै दैखभाल कौरौ; औरौ सै तिनु ताजै पाणी पिणौ कारिए निया कौरदा जू लोगौ खै जीवन दैंव, औरौ पौरमेशवर तिनकै आखी पौरैशै सौब आशु घोशै दैंदा।”