प्रकाशितवाक्य 2:5 - सिरमौरी नौवाँ नियम

⁵ इथकारिए याद कौर कै तू शुरुआत शै मुंआरी कैशणा प्यार कौरे थिया औरौ ऐबै तू मुखै तैशैखैई प्यार ना कौरे। इयौं बात शै पाप कौरणै छोड़े दै औरौ मुंआरी तैशैखैई प्यार कौरणा शुरु कौर जैशै तू शुरुआत शै कौरे थिया। जै तू ना बौदला तौ हांव तैरै धोरे आन्दा औरौ जिथै तैरै दिवट राखै राए तिनु तिथैदै हटाए दैंदा।

Sirmouri

⁵ ईन्देंखे चींत्ते करह् के तू केथै शा रिड़ी रूआ, अरह् आप्णा मंन बदल़, अरह् आगले जिऐ काँम-काज़ करह्। जे तू आप्णाँ मंन ने बद्ल़े, तअ हाँव ताँव कैई आऐयों तेरा दिय्ट तेसी जागे शा आगु गाड़ी देऊँबा।

प्रकाशितवाक्य 2:5 Iomraidhean Croise

मत्ती 5:14

तुऐं पूरी दुनिया कारिए पेयाशै कै जैशणै औसौ जू शहर धारो पांदी बौसै रौआ। सैजा शहर छिपै ना सौकदा।

मत्ती 5:15

औरौ लोग दिवा बाल़ेयो शैकड़ै तौड़ी ना राखौ, पौरौ तिथुकै दियोट पांदी राखौ, तोबै तिथकु पेयाशो घोरो कै सौबी लोगौ खै भैटौ।

मरकुस 12:9

इथकारिए ऐबै अंगूरो कै बागो का मालिक का कौरला? सै आयौ तिनु किसानो खै मारै दैंदा, औरौ अंगूरो का बागो ओकी खै दैला।

लूका 1:17

यूहन्ना ऐक ऐशणा आदमी हौंदा जू आत्मा दा शौकतीशाली औरौ एलिय्याह पौरमेशवर कै बातौ बौताणौवाल़ै कै जैशणा औसौ। औरौ सै प्रभु कै बाट तैयार कौरदा औरौ पितरो का मन नानड़िया की ढौबौ फैरै दैंदा; औरौ आज्ञा ना मानणोवाल़ै लोगौ कै पौरमेशवर कै ज्ञान कै मानणौ कारिए बौलदा औरौ प्रभु कारिए लोगौ खै सुधारीयों तैयार कौरदा।”

लूका 20:16

सै आयौ तिनु किसानो कै मारै दैंदा, औरौ अंगूरो कै बागड़ी ओकी कै दैय दैंदा।” ऐजौ शोणेयो तिनुऐ बौल़ौ, “पौरमेशवर ऐशै ना कौरौ।”

गलातियौं 5:4

तुऐं जू मूसा कै कानून का पालन कौरणौ कै दवारा धरमी बौणणा चांव, तुऐं मसीह शै आपणा सौमबंध तौड़ै पाए औरौ पौरमेशवर कै अनुग्रह खै गवांए दिया।

फिलिप्पियों 2:15

ताकि तुऐं ढीठ औरौ भ्रष्ट लोगौ शै भोरेयौंदे दुनिया दै पौरमेशवर कै सिध्द संतानो कै जैशणै निर्दोष औरौ बिना कपट का जीवन जियौं। तुऔं इयौं दुनिया कै लोगौ कै बीच गौयण कै तारै कै जैशणै चौमकौणौ चैंई जोबै तुऐं तिनु सैजा वचन बौतांव जू सौदा कै जिन्दगी दैंव।

इब्रानियों 10:32

तिनु पाछलै दूसौ कै बारै मुंजी सुंचौ जोबै तुऐं आगलै बैई मसीह कै बारै मुंजी जाणै राए थियु। याद कौरौ कै तुऐं कैशै बिशवाश लायक बौणैयौंदे रौवै चाए इथकारिए तुऔं बैजाए दुख सैहणा पौड़ौ।

2 पतरस 3:17

इथकारिए ओए रै प्यारो तुऐं आगैई जाणौए कै ऐजी बातौ हौन्दीए। इथकारिए, चौकश रौव ताकि जू लोग नियमौ कै ना मानौ सै तुऔं कैई झूठु बौलेयौ तुऔं भौटकाए नी दैंव। तौ तुऐं साची बातौ पांदी बिशवाश कौरणा बंद कौरे दैंदै, जिथपांदी तुऐं ऐक सौमय मोजबूती शै बिशवाशी कौरे राए थिया।

यहूदा 1:24

पौरमेशवर तोंवारै रक्षा कौरणौ कै लायक औसौ, ताकि तुऐं सौबै पाप वाल़ै जीवन की बौजैह शै धौखा नै खांव। सै तुऔं महिमा वाल़ै पौरमेशवर यानी आपणै धोरे लाणौ दै औरौ तुऔं निर्दोष औरौ आनन्द शै भरपूर बाणणौ कै लायक औसौ।

प्रकाशितवाक्य 1:20

ऐबै हांव बौतांदा कै मैरै सोऐं हाथ कै सात तारै का, का मतलब औसौ जू कै आगै पौता ना थी। इथका मतलब ऐजा औसौ: सात तारै तिनु स्‍वर्गदूतौ खै दिखांव जू सात कलीसियाओं कै रोखवाल़ी कौरौ औरौ सात दियोट सात कलीसियाओं खै दिखांव।

प्रकाशितवाक्य 16:9

लोग इयौं तैज गर्मी शै जौल़ै गौवै, औरौ तिनुऐ पौरमेशवर खै नेंदैया कौरे, जिथुकै सैजाई थिया जैसकैंई तिनु समस्या पांदी औधिकार थिया। तिनुऐ ऐबै बै आपणै पापौ शै पश्‍चाताप ना कौरी, तिनुऐ ऐबै बै पौरमेशवर कै महानता खै ना मानी।

प्रकाशितवाक्य 2:16

इथकारिए पाप कौरणा छोड़ी दैव, जै तू बुरै काम कौरणै बंद नी कौरला तौ हांव तावल़ा आन्दा औरौ तिनु लोगौ खै खिलाफ तियौं तलवारै लैई लौड़दा, जू मैरै मुँह शै निकल़ौ, जू मैरा वचन औसौ।

प्रकाशितवाक्य 2:19

हांव जाणुए कै तू का कौरे, औरौ हांव जाणुए कै तुऐं ऐकी दुजैआरी प्यार कौरौ औरौ तुऐं मुं पांदी मोजबूती शै भोरोशा कौरौ। हांव जाणुए कै तुऐं कैशै ऐकी दूजै कै मौदद कौरे, औरौ तुंआरी सैहणौ कै योग्यता बै जाणुए। हांव जाणुए कै तुऐं ऐबै इनु भले कामौ कै तैसी सौमय शै जादा कौरे लौवै जोबै तुऐं मुं पांदी आगलै बैई बिशवाश कौरा थिया।

प्रकाशितवाक्य 2:2

हांव जाणुए कै तू का कौरे, तू कैशै मैहनत कौरे औरौ कौलोंई हार ना मानै; हांव जाणुए कै तू बुरै लोगौ कै झूठी शिक्षाओं कै सैहन ना कौरे। तुऐं तिनु लोगौ कै जांचै राए जू बौल़ौए कै सै चोणेयौंदे चैलै औसौ पौरौ सौथीखै आथी ना, औरौ तुऐं तिनु झूठै पाए राए।

प्रकाशितवाक्य 3:19

हांव जैसीआरी प्यार कौरु, तैसी हांव शिखोऊं औरौ सौजा दियु ताकि सै आछै बौणै जांव। इथकारिए भोलाए कौरणौ दै लागै रौ, पाप वाल़ै काम कौरणै बंद कौरे दैव।