प्रकाशितवाक्य 2:19 - सिरमौरी नौवाँ नियम

¹⁹ हांव जाणुए कै तू का कौरे, औरौ हांव जाणुए कै तुऐं ऐकी दुजैआरी प्यार कौरौ औरौ तुऐं मुं पांदी मोजबूती शै भोरोशा कौरौ। हांव जाणुए कै तुऐं कैशै ऐकी दूजै कै मौदद कौरे, औरौ तुंआरी सैहणौ कै योग्यता बै जाणुए। हांव जाणुए कै तुऐं ऐबै इनु भले कामौ कै तैसी सौमय शै जादा कौरे लौवै जोबै तुऐं मुं पांदी आगलै बैई बिशवाश कौरा थिया।

Sirmouri

¹⁹ हाँव तेरे काँम-काज़, तेरो प्यार अरह् बिश्वाष अरह् सेंवा अरह् धीरज, जाँणू ऐ, अरह् ऐजो भे के तेरी पाछले काँम-काज़ आगले शे बड़ियों असो।

प्रकाशितवाक्य 2:19 Iomraidhean Croise

लूका 1:23

जोबै मंदिर दै ऐक पुरोहित कै भैषो दै तैसकै सेवा कै हफते पूरै हौए गौवै, तौ सै यरूशलेम शै आपणै घोरो कै हौटै गौआ।

यूहन्ना 15:2

सौबै शाई जू मुंदी जूड़ेयोंदी औसौ, औरौ ना फोल़ो, तौ तिनु सै काटै दैंव, औरौ जू शाई फोल़ोए, तिनु सै हौजौ छांटौ ताकि सै हौजौ बै जादा फोल़ो।

कुलुस्सियों 3:14

औरौ सौबीदै बौड़ै बात ऐजै औसौ कै तुऔं ऐकी दुजैआरी प्यार कौरणा चैंई ऐशै कौरेयौ तुऐं पूरी तरह शै एकजुट हौए जांदै।

1 थिस्सलुनीकियों 3:6

पौरौ इबी तीमुथियुसे जू तोंवारै धोरे पौरैशा अमारै इथै आयौ, तोंवारै बिशवाश औरौ प्यार का सुसमाचार शुणौऊवा। इयौं बातौ खै बै शुणाए, कै तुऐं सौदा प्यार कै साथै आमुखै याद कौरौ, औरौ आमुखै दैखणौ कै लालसा बै राखौए, जैशैखै आमै बै तुऔं दैखणौ कै राखुए।

2 थिस्सलुनीकियों 1:3

ओए रै बिशवाशी भाईयों, तोंवारै बारै मुंजी आमु कै लगातार पौरमेशवर का धन्यवाद कौरणा चैंई, ऐशै कौरणौ ठीक बै औसौ इथकारिए प्रभु यीशु मसीह पांदी तोंवारा बिशवाश बैजाए बौढ़दा जांव, औरौ तुऐं सौबै लगातार ऐकी दुजैआरी जादा शै जादा प्यार कौरौ।

1 तीमुथियुस 1:5

तुऔं आज्ञा दैणौ का मैरा मकसद ऐजा औसौ कै तुऐं ऐकी दुजैआरी साची मन शै औरौ आछै विवेक औरौ निष्कपट बिशवाश कै साथै प्यार कौरौ।

1 पतरस 4:8

सौबदै खास बात ऐजै औसौ, कै ऐकी दुजैआरी जादा शै जादा प्यार कौरौ जिथुकै जै तुऐं लोगौआरी प्यार कौरलै तौ तुऐं हमैशा कोसी बै गौलत काम खै माफ कौरणौ कारिए तैयार रौंदै जू तिनुऐ कौरे राए।

2 पतरस 1:7

औरौ तुऔं ना सिरफ ऐशणै तरीकै शै जीणु चैंई जू पौरमेशवर खै खुश कौरौ पौरौ तुऔं ऐकी-दुजैआरी आपणै खुद कै परिवार कै जैशणा प्यार शै बर्ताव कौरणा चैंई। औरौ तुऔं ना सिरफ ऐकी-दूजै कै साथै आपणै खुद कै परिवार कै जैशणा प्यार कौरणा चैंई, पौरौ तुऔं सौबी लोगौआरी प्यार कौरणा चैंई।

2 पतरस 3:18

पौरौ तुऔं अमारै प्रभु औरौ मोक्तिदाता यीशु मसीह कै अनुग्रह खै औरौ जादा सै जादा महसूस कौरणा चैंई, औरौ तैसकै प्रति आपणै सौमझ दौ बौढ़णौ चैंई। तैसकै महिमा ऐबै औरौ हमैशा कारिए हौन्दै रौंव। आमीन।

प्रकाशितवाक्य 2:13

हांव जाणुए कै तू तैसी ठाँव दा रौए जिथै शैतान राज्य कौरौ। तू मुं कारिए बिशवाश लायक बौणेयौंदा रौआ, औरौ मुं पांदी बिशवाश कौरणा कौलोंई बंद ना कौरी। तुऐं तैसी सौमय बै बिशवाश कौरा जोबै तिनुऐ अन्तिपास खै तिथै मारै दिया जिथै शैतान राज्य कौरौ।

प्रकाशितवाक्य 2:9

हांव जाणुए कै ताखै सोताए गौआ औरौ तू गरीब औसौ। पौरौ आत्मिक मामलै दा तू बैजाए सैठ औसौ। हांव तिनु लोगौ कै बारै मुंजी जाणुए जू दावा कौरौ कै सैजै पौरमेशवर कै चोणेयौंदे लोग औसौ, पौरौ आथी ना। सै तैरै बारै मुंजी बुरी बातौ बौल़ौ, पौरौ सौथीखै सै तैसी गुट कै लोग औसौ जू शैतान का औसौ।