प्रकाशितवाक्य 2:16 - सिरमौरी नौवाँ नियम

¹⁶ इथकारिए पाप कौरणा छोड़ी दैव, जै तू बुरै काम कौरणै बंद नी कौरला तौ हांव तावल़ा आन्दा औरौ तिनु लोगौ खै खिलाफ तियौं तलवारै लैई लौड़दा, जू मैरै मुँह शै निकल़ौ, जू मैरा वचन औसौ।

Sirmouri

¹⁶ तअ: आप्णाँ मंन बद्ल़ो, ना तअ हाँव ताँव कैई शीघा आऐयों आप्णे मुँख ज़ात्ती की तरवारी लई तिनू आरी लड़ूबा।

प्रकाशितवाक्य 2:16 Iomraidhean Croise

इफिसियों 6:17

उध्दार यानी पौरमेशवर कै बौचाणौ वाल़ै शौकतै कै टोप साए बाम्बै पांव। पवित्र आत्मा कै तलवार जू पौरमेशवर का वचन औसौ तैसी उंढा कौरौ।

2 थिस्सलुनीकियों 2:8

तोबै सैजा दुष्ट प्रगट हौंदा, पौरौ बाद मै जोबै प्रभु यीशु आला, तौ सै ऐक आदैश कै दवारा औरौ आपणै हौणौवाल़ी महिमा शै तैसी दुष्ट कै मारै दैंदा।

प्रकाशितवाक्य 1:16

सै आपणै सोऐं हाथौ दै सात तारै लौएयौंदे थिया, औरौ तैसकै मुं पौरैशै पोईनी दौ धार वाल़ी तलवार निकल़ौ थी, तैसका चैहरा तैशणा ही चौमकिला चौमकै रौआ थिया, जैशै सुरज दूसौ दुफारियौ कै चौमकौ।

प्रकाशितवाक्य 16:9

लोग इयौं तैज गर्मी शै जौल़ै गौवै, औरौ तिनुऐ पौरमेशवर खै नेंदैया कौरे, जिथुकै सैजाई थिया जैसकैंई तिनु समस्या पांदी औधिकार थिया। तिनुऐ ऐबै बै आपणै पापौ शै पश्‍चाताप ना कौरी, तिनुऐ ऐबै बै पौरमेशवर कै महानता खै ना मानी।

प्रकाशितवाक्य 19:15

तैसकै मुँह पौरैशै ऐक तैज तलवार निकल़ै जिथलैई सै देशो कै हराए दैन्दा। जू कुणिए बै तैसकै औधिकार कै अपनांव ना सै तिनु पूरी तरह शै सौजा दैन्दा। सै सौबिदा बौड़ा शौकतीशाली पौरमेशवर कै खतरनाक प्रकोप कै तैशैखैई छोड़ दैन्दा, जैशैकै ऐक रसकुण्ड शै अंगूरो का रस बौंए।

प्रकाशितवाक्य 19:21

तोबै चिटै घोड़े कै घुड़शवारै तैसी राकस कै सौबी सैनिकौ कै मारै दियै, तैणै तिनु तियौं तलवार लैई काटै दियै जू तैसकै मुँह पौरैशै निकल़ौ थै। तोबै गौयणै कै पक्षी तांव तौड़ी लाशो कौ मांस खांदै रौवै जांव तौड़ी कै तिनकै छौकै नी गौ।

प्रकाशितवाक्य 2:12

पिरगमुन शहर कै कलीसिया कै स्‍वर्गदूत कै ऐजौ लिख: हांव ही औसौ जैसी कैई तैज दो धार वाल़ी तलवार औसौ। हांव ताखै ऐजौ बुलू:

प्रकाशितवाक्य 2:5

इथकारिए याद कौर कै तू शुरुआत शै मुंआरी कैशणा प्यार कौरे थिया औरौ ऐबै तू मुखै तैशैखैई प्यार ना कौरे। इयौं बात शै पाप कौरणै छोड़े दै औरौ मुंआरी तैशैखैई प्यार कौरणा शुरु कौर जैशै तू शुरुआत शै कौरे थिया। जै तू ना बौदला तौ हांव तैरै धोरे आन्दा औरौ जिथै तैरै दिवट राखै राए तिनु तिथैदै हटाए दैंदा।

प्रकाशितवाक्य 22:20

यीशु इनु सौबी वचनो कै गवाही दैंव, औरौ सै बौल़ौ, “हां, हांव तावल़ा आणौवाल़ा औसौ।” मोऐं यूहन्नाए जोवाब दिया, आमीन। ओए रै प्रभु यीशु आ।

प्रकाशितवाक्य 22:7

“औरौ दैख, हांव तावल़ा ही आणौवाल़ा औसौ; धन्‍य औसौ सैजै, जू इयौं किताबो दी लिखैयौंदी हौणौवाल़ी बातौ का पालन कौरौ।”

प्रकाशितवाक्य 3:19

हांव जैसीआरी प्यार कौरु, तैसी हांव शिखोऊं औरौ सौजा दियु ताकि सै आछै बौणै जांव। इथकारिए भोलाए कौरणौ दै लागै रौ, पाप वाल़ै काम कौरणै बंद कौरे दैव।