प्रकाशितवाक्य 2:1 - सिरमौरी नौवाँ नियम

¹ तैणै मुखै ऐजौ बै बौल़ौ, इफिसुस शहर कै कलीसिया कै स्‍वर्गदूत खै ऐजा सौंदेश लिख: हांव सैजाई औसौ जू आपणै सोऐं हाथौ दै सात तारै नियौ राखु औरौ जू सूनै की सात दियोटो कै बीचो दा हांडु, हांव जू बुलूए सैजौ शुण:

Sirmouri

¹ “इफिसुस नंगर की कलीसिया के दूत्त खे ऐजो लिख: “जुण्जा आप्णें सुऐ हाथों दे सात तारे लऐ अंदा असो; अरह् जुण्जा सात सुनें के दिय्ट के बीच दा चाली रूवा, ऐस्का बुल्णाँ ऐजा असो।

प्रकाशितवाक्य 2:1 Iomraidhean Croise

मत्ती 18:20

जिथुकै जिथै दो या तीन मैरै चैलै हौणौ कै बौजैह शै कौठै हौंव, तिथै हांव तिनकै बीच मुंजी होऊं।”

मत्ती 28:20

औरौ तिनु सौबै आज्ञाए जू मोऐं तुऔं खै दैय रैई, मानणी शिखाव औरौ शुणौ, हांव जगत खै अन्त तौड़ी हमैशा तोंवारै साथै औसौ।”

यूहन्ना 5:35

यूहन्ना तौ जोल़दै औरौ चोमकैयौंदे दिवे कै साए थिया, औरौ तुऔं कै किछै सौमय तौड़ी तैसकै पेयाशै दो मगन हौणौ आछौ लागौ।

प्रेरितो कै काम 18:19

तैणै इफिसुस शहर दै पौंचेयौ प्रिस्किल्ला औरौ अक्विला खै तिथै छोड़े औरौ आपी यहूदी सभा-घोरो दा जायौ यहूदी लोगौआरी बैहस कौरदा लागा।

प्रेरितो कै काम 18:21

पौरौ ऐजौ बौलेयौ तिनु कैईंदा आगु हौटा, “जै पौरमेशवरे चोऊ तौ हांव तोंवारै धोरे हौजौ आन्दा।” तोबै सै इफिसुस शहर शै जहाज खोल़ेयो चाल पौड़ा;

प्रेरितो कै काम 19:1

जोबै अपुल्लोस कुरिन्‍थुस शहर दा थिया, तोबै पौलुस दूरदराज प्रदेशो शा हौयौ कै इफिसुस शहर दा ओऊवा, औरौ तिथै किछै चैलै आरी भैटिया।

2 कुरिन्थियों 6:16

औरौ मूर्तो का पौरमेशवर कै मन्दिरो दा कुणजाई ठाँव ना आथी। जिथुकै आमु तौ जियुंदै पौरमेशवर कै मन्दिर औसौ; जैशैखै पौरमेशवरे पवित्र शास्त्र दो बौल़ै राए, “हांव इनु लोगौ कै साथै रौंदा औरौ तिनुमुंजी हांडेया कौरदा; औरौ हांव तिनका पौरमेशवर हौंदा, औरौ ऐजै मैरै लोग हौंदै।”

प्रकाशितवाक्य 1:16

सै आपणै सोऐं हाथौ दै सात तारै लौएयौंदे थिया, औरौ तैसकै मुं पौरैशै पोईनी दौ धार वाल़ी तलवार निकल़ौ थी, तैसका चैहरा तैशणा ही चौमकिला चौमकै रौआ थिया, जैशै सुरज दूसौ दुफारियौ कै चौमकौ।

प्रकाशितवाक्य 1:20

ऐबै हांव बौतांदा कै मैरै सोऐं हाथ कै सात तारै का, का मतलब औसौ जू कै आगै पौता ना थी। इथका मतलब ऐजा औसौ: सात तारै तिनु स्‍वर्गदूतौ खै दिखांव जू सात कलीसियाओं कै रोखवाल़ी कौरौ औरौ सात दियोट सात कलीसियाओं खै दिखांव।

प्रकाशितवाक्य 12:1

जोबै सैजौ खत्म हौए गौ, तौ तिथै ऐक अनौखा निशान थिया जू गौयण दा दैखा जाए सौकौ थिया। जिथुकै चांद पांदी खौड़ै हौएयौंदी ऐक बैटमाणिश प्रकट हौए जियैं ऐशणै लुस्कै बाम्बै राए थिए जू सुरज कै जैशणै चौमकौ थिए। तियैं आपणै मुंडौ पांदी ऐक मुकुट लाए राए थियु जिंदै बारौ तारै थिए।

प्रकाशितवाक्य 2:12

पिरगमुन शहर कै कलीसिया कै स्‍वर्गदूत कै ऐजौ लिख: हांव ही औसौ जैसी कैई तैज दो धार वाल़ी तलवार औसौ। हांव ताखै ऐजौ बुलू:

प्रकाशितवाक्य 2:18

थुआतीरा शहर कै कलीसिया कै स्‍वर्गदूत कै ऐजौ लिख: “पौरमेशवर कै बैटै कै ढौबौशा ऐजा सौंदेश औसौ जैसकी आखी आगी कै लोपटो कै जैशणी चौमकै रोए थी औरौ जैसकै लात पीतलो कै जैशणै चौमकै रौए, जू तैज गरम आगी दै चौमकौ; हांव ताखै ऐजौ बुलू:

प्रकाशितवाक्य 2:8

स्मुरना शहर कै बिशवाशी लोगौ कै मंडली कै स्‍वर्गदूत खै ऐजौ लिख: हांव आगला औरौ आखरी औसौ, हांव एकबेई मौरे गौआ थिया। पौरौ ऐबै हांव जियुंदी औसौ, औरौ हमैशा जियुंदी रौन्दा, जू हांव ऐजौ बुलू तिथु शुणौ:

प्रकाशितवाक्य 3:1

सरदीस शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जू सात तारै खै आपणै हाथौ दै लैयौ राखौ औरौ जू पौरमेशवर कै सात आत्माओं खै भैजौ, ऐजौ बौल़ौ कै, हांव तैरै कामौ खै जाणुए, कै तू मुं दा बिशवाश लायक बिशवाशी लागै तौ औसौ, पौरौ सौथीखै तू ऐबै मैरै पौछौड़ियौ ना चालै।

प्रकाशितवाक्य 3:14

लौदीकिया शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जैसी आमीन बौला जांव। सै बिशवाश योग्यता कै साथै पौरमेशवर कै बारै मुंजी सौचाई कै प्रकट कौरौ, औरौ हांव सैजा औसौ जैसकै दवारा पौरमेशवरे सौब चीज़ौ कै रचना कौरे राए, हांव जू बुलूए सैजौ शुण:

प्रकाशितवाक्य 3:7

फिलदिलफिया शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जू पवित्र औरौ साचा औसौ, सैजौ जैसी कैई दाऊद कै राज्य पांदी औधिकार औसौ। जै सै दरवाज़ा खोलो, तौ कुणिए बै तैसी बंद ना कौरे सौकौ। औरौ जै सै तैसी बंद कौरे दैंव, तौ कुणिए बै तैसी खोले ना सौकौ, हांव जू बुलूए सैजौ शुण,