प्रकाशितवाक्य 19:7 - सिरमौरी नौवाँ नियम

⁷ आओ, आमै खुशी औरौ मगन हौं, औरौ तैसकै स्तुति कौरौ, जिथुकै ऐजा ऐबै यीशु का सौमय औसौ, जू मेम्ने साए औसौ, कै आपणै लोगौ कै साथै हमैशा शै एकजुट हौए जांव, ऐजौ ऐशैकै हौंदौ जैशै ऐक मर्द आपणै दुल्हन शै शादी कौरौ, जिथुकै जू लोग तैसकै औसौ तिनुऐ आपी कै तैसकै साथै एकजुट हौणौ कारिए तैयार कौरे पाए।

Sirmouri

⁷ आओ; आँमें आँनन्द-खुशी मनाँव, अरह् मंगन हऐ ज़ाँव, अरह् तिनकी बड़ियाऐं करह्, किन्देंखे के छ़ैल़्टे के जाज्ड़े-बियाव को तैयारह् का बख्त आऐ गुवा; अरह् तिनकी दुलिह्न आपु खे सजी-धजी रंऐ।

प्रकाशितवाक्य 19:7 Iomraidhean Croise

मत्ती 1:20

जोबै तैणै इनु बातौ खै सोंचै लोई थी तोबै स्‍वर्गदूत तैसकै सुईणै दा दैखिया औरौ बौलदा लागा, “ओए रै यूसुफ! दाऊद राजा कै वंश, तू आपणी हौणौवाल़ी घोरवाल़ी मरियम खै आपणै घोरे लाणौ खै डौरेया नै, जिथु जू तियांरै कोख दा औसौ, सै पवित्र आत्मा कै शौकतै शै औसौ।

मत्ती 22:2

“स्वर्ग का राज्य ऐसी ऐकी उदारण साए औसौ, ऐक राजा जैणै आपणै बैटै का बैयाव बाणा।

लूका 12:36

औरौ तुऐं तिनु आदमी कै जैशणै बौणौ जू आपणै मालिक का इंतजार कौरौ, कै जौल़ौ सै बैयाव भोज दा पाछु आयौ दवार खटखटांव तौ तुऐं तौलोंई तैसी कारिए दवार खोले दैंव।

यूहन्ना 3:29

दूल्हा दु‌‌ल्हन शै बैयाव कौरे पांव, पौरौ दुल्है का दोस्त खौड़ा हौंव, औरौ तैसकी शुणौ, औरौ दुल्है कै शब्द लैई बैजाए खुश हौंव, इथकारिए मैरा दिल बै खुशी शै भोरै गौआ।

2 कुरिन्थियों 11:2

जिथुकै हांव तुऔंआरी तैशैखैई प्यार कौरु औरौ तोंवारै परवाह कौरु जैशै पौरमेशवर कौरौ, इथकारिए मोऐं तुऔं पवित्र कुंवारी कै जैशणा मसीह खै दैणौ औरौ सिरफ तैसीखै ही सौंपै दैणौ का वादा कौरे राए। जैशै ऐक बापू आपणै बैटी खै बैयाव कै सौमय आपणै घोरवाल़ै खै ऐक पवित्र कुंवारी कै रुप दा सौंपौ।

इफिसियों 5:23

जिथुकै घोरवाल़ा तौ घोरवाल़ी को मुंड औसौ; औरौ मसीह कलीसिया का उध्दार कौरणौवाल़ा औरौ मुंड औसौ, औरौ कलीसिया तैसका आपणा शोरीर औसौ।

इफिसियों 5:32

ऐजा भैद तौ बौड़ा औसौ; ऐजी ऐक कीमती औरौ गंभीर शिक्षा औसौ पौरौ मोऐं सौथीखै मसीह औरौ कलीसिया कै बीच कै सौमबंध कै बारै मुंजी बात कौरे लौए।

फिलिप्पियों 3:3

जिथुकै पौरमेशवर कै साची लोग आमु औसौ, जू पौरमेशवर कै आराधना तैसकै आत्मा कै दवारा कौरु, औरौ आपणै जिन्दगी दै मसीह यीशु कै साथै एकता दै खुश हौंव; औरौ तिनु चीज़ौ पांदी भोरोशा ना कौरौ जू आमुए कौरे राए।

प्रकाशितवाक्य 11:13

तैसी सौमय यरूशलेम शहर दौ ऐक बौहितु बौड़ौ भुईचोल़ ओऊ, औरौ शहर कै इमारतौ का देशवाँ हिस्सा ढौल़ै गौआ, औरौ तैसी भुईचौलौ लैई सात हजार आदमी मौरे गौवै, औरौ जू लोग बौचै गौवै थिए, सै डौर कै मारै रुंदै लागै औरौ तैसी पौरमेशवर की महानता कै महिमा कौरदै लागै जू स्वर्ग दा थिया।

प्रकाशितवाक्य 19:9

स्‍वर्गदूतै मुखै बौल़ौ, “ऐजौ लिख, कै धन्‍य सैजै औसौ, जू मेम्ने कै बैयाव कै जशन मौनाणौ कारिए बौइदूत मुंजी बौएदै राए।” तोबै तैणै मुखै बौल़ौ, “ऐजै साची वचन औसौ जू पौरमेशवर कै ढौबौशै आंव।”

प्रकाशितवाक्य 21:2

मोऐं पवित्र शहर खै बै दैखा, जू कै नौवाँ यरूशलेम शहर औसौ, जू स्वर्ग शै पौरमेशवर कै ढौबौशा धैनै आन्दा लागै रौआ। तैसी शहर खै ऐक दुल्हन कै जैशणै तैयार कौरे लौए थै जियौं खै लुस्कै बोम्बाए राए औरौ सजाए राए औरौ जू दुल्है शै बैयाव कौरणौ कारिए तैयार औसौ।

प्रकाशितवाक्य 21:9

औरौ तोबै तिनु सात स्‍वर्गदूत, जिनुवै आदमी जाति पांदी सात आखरी पीड़ाव शै भौरेयौंदे सात छानै पैरै राए थिए, तिनुमुंजी दै ऐकीए मैरै धोरे आयौ, मुंआरी बातौ कौरी, तैणै बौल़ौ, “इथै आ, हांव ताखै दुल्हन दिखांदा जियौंका तावल़ा ही मेम्ने कै साथै बैयाव हौए जांदा।”