प्रकाशितवाक्य 18:8 - सिरमौरी नौवाँ नियम

⁸ तियौंकै जोशीणौ कै बौजैह शै तियौं पांदी समस्याए आए जांदी, सिरफ ऐकी दूसौ दो बीमारी, दुख, औरौ काल़ तियौं पांदी ऐकी साथै आए जांदै। औरौ तियौं आगी मुंजी जोल़ाए दैंदै जिथुकै प्रभु पौरमेशवर शौकतीशाली औसौ, औरौ तियौं सौजा दैंदा।

Sirmouri

⁸ ऐजा ही कारण असो: के ऐकी ही देसे तिनू गाशी बादी बिब्त्ती-ओब्ल़ी आऐयों पड़दी; मुँरी, बीलाप, अरह् काल़, तिनू आगी दे जल़ाऐयों, भसंम करी देंदे, किन्देंखे के प्रभू पंण्मिश्वर, ही तिनका नियाव कर्ले।

प्रकाशितवाक्य 18:8 Iomraidhean Croise

1 कुरिन्थियों 10:22

जै तुऐं ऐशै कौरौ, तौ तुऐं पाकाई प्रभु खै गुस्सा दियांव। याद राखौ कै तुऐं तैसदै जादा शौकतीशाली ना आथी।

प्रकाशितवाक्य 11:17

ऐजौ बौलदै लागै, “ओए रै सौबिदा बौड़ा शौकतीशाली प्रभु पौरमेशवर जू औसौए औरौ जू थिया, आमु सौथीखै तैरा धन्यवाद कौरु, जिथुकै तुऐं ऐबै आपणै अनौखी शौकतै दिखाए राए औरौ तुऐं ऐबै धोरती पांदी आपणा राज शुरु कौरे दिया।

प्रकाशितवाक्य 17:16

सैजा सौमय आन्दा जौल़ौ राकस तिनु दस राजाओं कै साथै जू तैसकै साथै औसौ, तियौं वेश्या आरी नफरत कौरदै जू तिथपांदी बौठै रौए। सै तियौं पांदी हमला कौरदै, तियौं नांगै कौरदै, सै तियौंकै मांस कौ हिस्सा खांदै, औरौ बाकी कै फोकै दैंदै।”

प्रकाशितवाक्य 18:17

बाबेल शहरै आपणै सारै जायदात एकदम खोए दी। औरौ जहाज कै सारै कप्तान, सैजै सौब लोग जू जहाज शै यात्रा कौरौ, औरौ सैजै सौब जू समुन्द्र शै आपणै रोजी कमांव, बाबेल शै बैजाए दूर खौड़ै हौयौ दैखदै रौवै।

प्रकाशितवाक्य 18:19

औरौ सै आपणा दुख दिखाणौ कारिए आपणै मुंडो पांदी धूल पुणदै, औरौ रुंदै औरौ छाती पीटदै बैई चिलाए चिलायौ बौलदै, हाय! हाय! ऐजा बौड़ा शहर जहाजो कै सौबै मालिक तैसी शहर कै जायदात कै बौजैह शै सैठ हौए गौवै। औरौ ऐबै सिरफ ऐक घांटे दो ही इथमुंजी सौबै ठुँ गायब हौए गौ।

प्रकाशितवाक्य 19:3

तोबै दुजाल़ियो तिनुऐ बौल़ौ, “हालेलुय्याह! बाबेल शहर कै नष्ट कौरणौवाल़ै आगी पौरैशा निकौलणौ वाल़ा धुआँ कौलोंई बै भौफकणा बंद ना हौंदा।”