प्रकाशितवाक्य 18:3 - सिरमौरी नौवाँ नियम

³ ऐजौ इथ बौजैह शै हौंदौ जिथुकै तियैं बैटमाणिशै जू कै बाबेल शहर औसौ, हरेक राज्य कै सौबै लोगौ खै सैजै सूर पिलाए जू कै तैसकै मूर्ति कै पूजा औसौ। सारै धोरती कै राजा तैसकै गौंदै कामौ दै शामिल हुवे। धोरती कै व्यापारी तियौं बैटमाणिशौ कै मौंगै-मौंगै चीज़ौ कै इछा कै बौजैह शै सैठ बौणै गौवै।

Sirmouri

³ किन्देंखे के सोभी जात्ती-जात्ती के लोगे ऐ तियाँरे कू-कर्णी बिच्के-काम के डराव्णी सूर पी थंऐ, धर्ती के राजाओं ऐ तियाँरी गईलो कू-कर्म बिच़्के-काम करी थुऐ, अरह् बादी संईसारी धर्ती के बईपारी लोग तियाँरे भोग-बिलास के धंन शे धंनवाँन-सैठ बंणी गुवे।”

प्रकाशितवाक्य 18:3 Iomraidhean Croise

लूका 7:25

तौ तुऐं का दैखदै हौटै रौवै थिए? का मौंगै खोटणो बाम्बेयोंदे आदमी कै? दैखौ, जू भड़कीले खोटणो बांबो, औरौ सुखी रौंव, सै राजमहलो दै रौंव।

1 तीमुथियुस 5:11

पौरौ जोवान विधवाओं खै नांव इयौं सूची दै ना लैखैया, जिथुकै जोबै तिनकै शोरीर कै इछाएं मसीह कि सेवा का वायदा कौरणौ शै ज्यादा मजबूत हौए जांव तौ सै औटेयौ बैयाव कौरणा चांव।

प्रकाशितवाक्य 14:8

तिथै ऐक ओका स्‍वर्गदूत थिया जू आगलै स्‍वर्गदूत कै पाछै ओऊवा औरौ बौल़ौ, “ऐबै ऐजौ शहर नाश हौए गौ। बाबेल शहर बुरी तरह शै नाश हौए गौ। ऐसी शहरै सौबी आदमी की बिरादारी कै आपणै सुरो कै नोशे दै टुन कौरे दियै, बाबेल शहर कै लोगै शोरीरो कै कुर्कमौ कै बौजैह शै धोरती कै सौब देशो कै लोगौ कै तैशणैई पाप कौरणौ कारिए उकसोऊवे थिए। जैशै मानौ बाबेल शहर कै लोगै दुनिया कै लोगौ कै सूर पिणौ कारिए दै, औरौ ऐजी बात लोगौ कै पौरमेशवर शै सौजा भैटणौ कै बौजैह बौणल़ै।”

प्रकाशितवाक्य 17:2

जियौं आरी धोरती कै राजाए गौलत काम कौरे राए, औरौ धोरती कै रौणौवाल़ै तिथकै गौलत काम कै सूर शै मतवाल़ै हौए गौवै थिए।

प्रकाशितवाक्य 18:19

औरौ सै आपणा दुख दिखाणौ कारिए आपणै मुंडो पांदी धूल पुणदै, औरौ रुंदै औरौ छाती पीटदै बैई चिलाए चिलायौ बौलदै, हाय! हाय! ऐजा बौड़ा शहर जहाजो कै सौबै मालिक तैसी शहर कै जायदात कै बौजैह शै सैठ हौए गौवै। औरौ ऐबै सिरफ ऐक घांटे दो ही इथमुंजी सौबै ठुँ गायब हौए गौ।

प्रकाशितवाक्य 18:23

हौजौ कौलोंई बै लोग तांवदौ ऐक दिवे को पेयाशो चोमकौंदे बैई ना दैखदै; हौजौ कौलोंई बै सै शादी हौणौवाल़ै ऐक मौरदो औरौ बैटमाणिशौ कै आवाज़ ना शुणदै। तिथै कै व्यापारी पूरी दुनिया दै सौबदै जादा शौकतीशाली थिए। औरौ दुनिया कै सौबी लोगौ कै तिथै कै जादूगरे धौखा दिया।

प्रकाशितवाक्य 18:7

तू तिथकै निशोंक हौयौ बैजाए पीड़ो औरौ दुख दियांदा जू तिथकै ऐशौ आराम कै जीवन कै तरीकै औरौ तिथकै आपणै प्रति घमण्‍ड कै बराबर औसौ। तिथ शहरै आपी खै बौल़ौ, “हांव ऐक राणी कै जैशणै लोगौ पांदी राज्य कौरदी। हांव ऐक विधवा ना आथी औरौ हांव दुख कै महसूस ना कौरदी।”

प्रकाशितवाक्य 18:9

औरौ सारै धोरती कै राजा जिनुवै तिथ शहर कै साथै ऐशौ आराम कौरा, जोबै सै शहर कै जोल़दै बैई उठणौ वाल़ै धुऐं खै दैखलै, तौ सै तिथ कारिए रुंदै औरौ शोग मौनांदै।