प्रकाशितवाक्य 14:1 - सिरमौरी नौवाँ नियम

¹ इथकै बाद, मोऐं किछै औकौ दैखौ, मोऐं सिय्योन धारो कै चुटी पांदी मेम्ने खै खौड़ा हौएयौंदा दैखा। तैसकै साथै ऐक लाख चौवालीस हजार लोग थिए, तिनकै माथै पांदी मेम्ने कौ नांव औरौ तैसकै पिता कौ नांव लैखैयौंदे थियु।

Sirmouri

¹ तबे मुँऐ झ़ेठ पाऐ, अरह् देखो, सेजा छ़ैल़्टा सिय्योन धारह् गाशी खड़ा असो, अरह् तिनकी गईलो ऐक लाख चौवाल़ीष हजार लोग असो, जिनके माँथें गाशी तिनका अरह् तिनके परमं-पिता को नाँव असो।

प्रकाशितवाक्य 14:1 Iomraidhean Croise

लूका 12:8

“हांव तुऔं बुलू: जू कुणिए आदमी कै सामणै बौल़ौ, कै सै मैरै चैलै औसौ, तौ तैसीकै हांव आदमी का बैटा बै पौरमेशवर कै स्‍वर्गदूतौ कै सामणै बुलूबा कै ऐजै मैरै चैलै औसौ।”

रोमियों 9:33

जैशैखै पवित्र शास्त्र दो लैखै राए, “दैखौ, मोऐं यरूशलेम शहर दा ठोकर लागणौ वाल़ा पाथर, औरौ लोगौ खै रिड़ाणौ वाल़ी चट्टान राखै लौए, औरौ जू तैसी पांदी बिशवाश कौरला, सै बैज्जत ना हौंदा।”

प्रकाशितवाक्य 14:14

तोबै मोऐं ऐक चिटा बादल़ दैखा, औरौ मोऐं कोसी कै दैखा जू ऐक आदमी कै जैशणा थिया, जू बादल़ो पांदी बौठै रौआ थिया। तैसकै मुंडो पांदी सूनै का मुकुट थिया औरौ हाथौ दै ऐक तैज धार वाल़ी दरांती थै।

प्रकाशितवाक्य 14:3

144,000 लोग सिंहासन, चार जियुंदी प्राणी औरौ पुराणियो कै सामणै खौड़ै थिए; तिनुऐ ऐक नौवाँ गीत गाए लौआ थिया, जिथुकै सिरफ सैजैई शिखै सौकौ थिए। सिरफ सैजैई जिनुकै पौरमेशवरे धोरती पांदी रौणौवाल़ै लोगौ कै बीच मुंजी शै छुड़ाए राए थिए।

प्रकाशितवाक्य 15:5

इथकै बाद मोऐं दैखौ, कै स्वर्गो दौ इनु लोगै गीत गाणौ बन्द कौरे दियु, तोबै मोऐं दैखौ कै मन्दिर खोलेयौंदो थियु। जू कै मिलापवाल़ै तोम्बू साए औसौ।

प्रकाशितवाक्य 22:4

सै पौरमेशवर कै आमणै-सामणै दैखदै, औरौ पौरमेशवर कौ नांव तिनकै माथै पांदी लैखयौंदो हौन्दौ।

प्रकाशितवाक्य 3:12

सैजै जू जीत पालै सै पौरमेशवर कै मन्दिर दै खोम्बे कै जैशणै हौंदै, जैसकै हांव सेवा कौरु औरौ तिनु तैसी कौलोंई छोड़णा ना पौड़दा। हांव तैसकै शोरीर पांदी मैरै पौरमेशवर कै शहर कौ नांव लिखदा, ऐजौ सैजौई औसौ जैसी नौवाँ यरूशलेम शहर बौला जांव। ऐजा सैजाई औसौ जू स्वर्ग शै, यानी मैरै पौरमेशवर कै ढौबौशा धैनै आन्दा। हांव तैसकै शोरीर पांदी मैरा नौवाँ नांव बै लिखदा।

प्रकाशितवाक्य 4:1

जोबै ऐजी सौबै बातौ हौए गोई, तौ मोऐं दैखौ कै स्वर्ग दा ऐक दरवाज़ा खोलेयौंदा थिया। तोबै मोऐं सैजी आवाज़ औटेयौ शौणै जू कै तुरही कै आवाज़ कै जैशणै थै। तैणै मुखै बौल़ौ, “मैरै धोरे इथै ऊबा आ, औरौ हांव सैजी बातौ ताखै दिखोऊ, जिथका इनु बातौ कै बाद पूरु हौणौ जौरुरी औसौ।”

प्रकाशितवाक्य 6:8

तोबै मोऐं ऐक पियौल़ा घोड़ा दैखा; घोड़े की शवारी कौरणौवाल़ै का नांव मौत औसौ। औरौ अधोलोक तैसकै पौछौड़ियौ-पौछौड़ियौ चालै रौआ थिया। औरौ तिनु धोरती पांदी रौणौवाल़ै हरेक चार लोगौ मुंजीदै ऐकी खै मारणौ का औधिकार भैटा। तिनुऐ तिनु तलवार शै मारै दियै, तिनुऐ तिनु भूख लैई मारै दियै, तिनुऐ तिनु बुरी-बुरी बीमारी शै मारै दियै, औरौ तिनुऐ तिनु जोंगली जानवरो शै बै मोरवाए दियै।