प्रकाशितवाक्य 13:12 - सिरमौरी नौवाँ नियम

¹² तैणै तियौं शौकतै का इस्तैमाल कौरा जू तैसीखै तैसी राकस कै दवारा भैटी रौए थै जैसका जान लोणो वाल़ा घाव ठीक हौए गौआ थिया। तैणै दुनिया कै सौब लोगौ शै जबरदस्ती तैसी आगलै राकस कै पूजा कौरणौ कारिए बौल़ौ।

Sirmouri

¹² से भे तेथू आगले बुँणेंर के हंक-अधिकार जेष्णाँ काँम-काज़ करो थियों; अरह् धर्ती अरह् ईन्दें रंहणों वाल़े लोगो कैई शी तेथू आगले बुणेंरो की जेऐ जेथ्का बड़ा घाव आछा हुवा थिया पूजा कराँव थियो।

प्रकाशितवाक्य 13:12 Iomraidhean Croise

2 थिस्सलुनीकियों 2:4

सै पौरमेशवर औरौ ओकी सौबै चीज़ौ कै जिनकै लोग पूजा कौरौ औरौ पौरमेशवर कै रुप दै सुंचौए, विरोध कौरदा औरौ सै दावा कौरदा कै सै तिनु सौबी शै जादा बौड़ा औसौ इथै तौड़ी कै सै पौरमेशवर कै मन्दिर दा बोठेयो आपी खै सौबिका पौरमेशवर बौतांदा।

प्रकाशितवाक्य 13:2

जू राकस मोऐं दैखा, सै चीते कै जैशणा थिया, औरौ तैसकै लात भालू कै जैशणै, औरौ मुँह शेरो कै जैशणौ थियु। अजगरे ऐसी राकस खै आपणै शौकतै दैय दै औरौ धोरती पांदी राज्य कौरणौ का औधिकार दैय दिया।

प्रकाशितवाक्य 13:8

धोरती पांदी रौणौवाल़ै सौबै लोग तैसकै पूजा कौरदै लागै। सिरफ तिनु लोगै तैसकै पूजा ना कौरी जिनकै नांव दुनिया कै बाणै जाणै शै आगै ही जीवन कै किताब दै लिखै राए थै। ऐजी जीवन कै किताब तैसी मेम्ने कै किताब औसौ जैसी बलिदान कै रुप दै मारै गौआ थिया।

प्रकाशितवाक्य 14:11

आग शै निकल़णौ वाल़ा धुआँ जू तिनु सताव सैजा हमैशा ऊबा जांव। रात-दूस तिनका सताए जाणा ना रुकदा, जिथुकै तिनुऐ राकस कै औरौ तैसकै मूर्ती की पूजा कौरे, औरौ तिनुऐ तैसी राकस कै नांव कै छाप लोए।”

प्रकाशितवाक्य 14:9

तोबै इनु दुईनै स्‍वर्गदूतौ कै बाद ऐक ओका तीजा स्‍वर्गदूत ओऊवा औरौ सै जोर शै बौल़ौऊवा, “जू कुणिए तैसी राकस औरौ तैसकै मूर्ति कै पूजा कौरौ, औरौ जू कुणिए आपणै माथै या आपणै हाथौ पांदी तैसकै छाप लांव, तैसी सख्ताई शै पौरमेशवर सौजा दैंदा। ऐजौ ऐशै हौंदौ जैशै तिनु लोगै बिना मिलावट कै सूर पी रालै, जिनु पौरमेशवरे आपी तिनकै कटौरै दै पाए राए जू पौरमेशवर कै गुस्से खै दिखांव। पौरमेशवर तिनु लोगौ खै पवित्र स्‍वर्गदूतौ औरौ मेम्ने कै सामणै आग औरौ गन्धक शै मानसिक औरौ शारीरिक पीड़ा दा सौतांदा।

प्रकाशितवाक्य 16:2

इथकारिए आगलै स्‍वर्गदूतै जू तैसकै डौंगै दो थियु सैजौ धोरती पांदी रिताए दियु। तोबै तिनु लोगौ खै जिनुपांदी राकस कै छाप थै या जिनुवै तैसकै मूर्ति कै पूजा कौरे राए थै, तिनु लोगौ पांदी दर्दनाक औरौ खतरनाक फोड़े निकल़ै।

प्रकाशितवाक्य 17:8

सैजा राकस जिथु तुऐं इबी दैख राए, ऐकी सौमय जियुंदी थिया, पौरौ ऐबै जियुंदी ना आथी; सै डुंगै गौढै पौरैशा बायरै आणौवाल़ा औसौ औरौ पौरमेशवर तैसी पूरी तरह शै नाश कौरे दैंदा। धोरती पांदी रौणौवाल़ै लोग जिनकै नांव पौरमेशवरे धोरती कै बाणणौ दै औगौड़ियौ जीवन कै किताबो दो ना लिखी, सै सौबै हैरान हौए जांदै जोबै सै ऐसी जानवर खै दैखदै। ऐकी सौमय सै जियुंदी थिया; ऐबै सै जियुंदी ना आथी; पौरौ सै औटेयौ पाछु आन्दा।

प्रकाशितवाक्य 19:20

सैजा राकस औरौ सैजा झूठा सौंदेश दैणौवाल़ा पाकड़ै गौआ। ऐजा झूठा सौंदेश दैणौवाल़ा सैजाई औसौ जैणै आगलै राकस कै ढौबौशै चौमत्कारी निशान दिखाए औरौ तिनु सौबी लोगौ कै भरमाए, जिनुवै आगलै राकस कै छाप आपणै माथै पांदी लाए राए थी, औरौ जू तैसकै मूर्ती कै पूजा कौरौ थिए। इनु दुईनै जीतै जी तियौं आग कै झीलो मुंजी पाए दियै, जू गन्धक लैई जौल़ौ।

प्रकाशितवाक्य 20:4

औरौ तोबै मोऐं किछै सिंहासन दैखै, जिनुपांदी बौठणौवाल़ै कै मुंडो खै काटै गौवै थिए जिथुकै तिनुऐ यीशु कै सौंदेश औरौ पौरमेशवर कै वचन कै घोषणा कौरे राए थै। इनु लोगै राकस या तैसकै मूर्ति कै पूजा ना कौरे रैई थी। औरौ इनुवे आपणै माथै या हाथौ पांदी राकस कै छाप ना लाए राए थी। सै औटेयौ जियुंदी हौए गौवै थिए औरौ सिंहासनों पांदी बौठै गौवै। पौरमेशवरे तिनु राज कौरणौ का औधिकार दिया, औरौ तिनुऐ मसीह कै साथै ऐक हजार साल तौड़ी राज्य कौरा।