प्रकाशितवाक्य 13:10 - सिरमौरी नौवाँ नियम

¹⁰ जिनु लोगौ खै कोयद कौरा जाणा तय औसौ, सैजै निशोंक हौयौ कोयद कौरे जांदै, औरौ जिनु कारिए तय औसौ कै सै औकै लोगौ कै दवारा तलवार शै मारै जांदै, तौ सैजै निशोंक हौयौ तलवार शै ही मारै जांदै। इथकारिए जौरुरी औसौ कै पौरमेशवर कै लोग तिनु मुशकिलो खै सैहन कौरौ जू सै महसूस कौरौ औरौ बिशवाश कौरणौ दै मोजबूत रौंव।

Sirmouri

¹⁰ जिनखे कय्दी दो ज़ाँणों लिखी थो, से कय्दी दा ही ज़ाँदा; अरह् जुण्जा तरवारी लई माँरों, से तरवारी ही लई माँरा ज़ाँदा, ईन्देंखे ऐजो जरूरी असो, के पबित्र लोगो का सबेर अरह् बिश्वाष का बख्त्त असो।

प्रकाशितवाक्य 13:10 Iomraidhean Croise

मत्ती 26:52

तोबै यीशुए तैसीखै बौल़ौ, “आपणी तलवार म्‍यान दै राखै दै जिथुकै जू तलवार चलांव, सैजै सौबै तलवार लैई नाश कौरे जांदै।

मत्ती 7:2

जिथु जैशैखै तुऐं दोष लांव, तैशैखैई पौरमेशवर तुऔं पांदी दोष लांदा, औरौ जैशैखै तुऐं ओकी का न्याय कौरौ, तोंवारा बै न्याय हौंदा।”

लूका 21:19

आपणै भोरोशे कौरणौ शै तुऐं आपणै जिन्दगी कै बौचायौ राखदै।”

कुलुस्सियों 1:11

आमै प्रार्थना कौरु कै पौरमेशवर आपणी अनौखी शौकतै कै हिसाब शै तुऔं जादा ताकतवर बौणादा रौंव ताकि तुऐं सब्र औरौ खुशी शै आपणै दुखो कै सैहन कौरे सौकौ।

प्रकाशितवाक्य 1:9

हांव यूहन्ना, मसीह भाई औसौ, औरौ यीशु कै साथै मैरी एकजुटता कै बौजैह शै हांव तोंवारै साथै पौरमेशवर कै राज्य दा, दुखो दा, औरौ तिनु सैहणौ कै शौकतै दा शामिल औसौ, मुखै पतमुस टापू पांदी कैदी बाणैयौ छाड़ा जिथुकै हांव पौरमेशवर कै सौंदेश का औरौ यीशु दवारा प्रकट कौरे गौवै सौचाई का प्रचार कौरु थिया।

प्रकाशितवाक्य 11:18

सैजै लोग जू तांव पांदी बिशवाश ना कौरौ सै तैरै खिलाफ औसौ, जिथुकै ऐबै सैजा सौमय आए गौआ कै तैरा गुस्सा तिनु पांदी आंव, औरौ सैजा सौमय कै तू मौरेयौंदे का न्याय कौर, ऐबै सैजा सौमय बै औसौ जौल़ौ तू तिनु पौरमेशवर कै बातौ बौताणौवाल़ै खै इनाम दैंदा जू तैरी सेवा कौरौ, औरौ तिनु सौबी लोगौ खै जू तैरा डौर मानौ, सैजै जू खास मानै जांव औरौ जू खास ना मानै जांदै, जोबै कै तैसी सौमय तू तिनुखै नाश कौरे दैंदा, जिनुवै धोरती पांदी विनाश कौरे राए।”

प्रकाशितवाक्य 14:12

जिथुकै ऐजी बातौ हौंदी लागै रोई, इथकारिए पौरमेशवर कै लोगौ खै सब्र राखणा चैंई। ऐजै सैजै लोग औसौ जू पौरमेशवर कै आज्ञाओं खै मानौ औरौ ईमानदारी शै यीशु कै पाछैदै चालौ।

प्रकाशितवाक्य 16:6

जिथुकै तिनुऐ तैरै लोगौ औरौ पौरमेशवर कै बातौ बौताणौवाल़ै खै मारै दियै औरौ तिनका लोऊ बौऊवा, इथकारिए ऐबै तू तिनु लोऊ पिणौ कारिए दैं। ऐजौ तिनु कारिए सोही भुगतान औसौ।”

प्रकाशितवाक्य 17:11

जू राकस आगै थिया, औरौ ऐबै ना आथी, सै आपी ही आठवाँ राजा औसौ; पौरौ सैजा आठवाँ राजा आगै सात राजाओं मुंजीदा ऐक औसौ। औरौ आखरी दै तैसी राजा खै निशोंक हौयौ हमैशा कारिए सौजा दैय जांदै।

प्रकाशितवाक्य 17:8

सैजा राकस जिथु तुऐं इबी दैख राए, ऐकी सौमय जियुंदी थिया, पौरौ ऐबै जियुंदी ना आथी; सै डुंगै गौढै पौरैशा बायरै आणौवाल़ा औसौ औरौ पौरमेशवर तैसी पूरी तरह शै नाश कौरे दैंदा। धोरती पांदी रौणौवाल़ै लोग जिनकै नांव पौरमेशवरे धोरती कै बाणणौ दै औगौड़ियौ जीवन कै किताबो दो ना लिखी, सै सौबै हैरान हौए जांदै जोबै सै ऐसी जानवर खै दैखदै। ऐकी सौमय सै जियुंदी थिया; ऐबै सै जियुंदी ना आथी; पौरौ सै औटेयौ पाछु आन्दा।

प्रकाशितवाक्य 2:19

हांव जाणुए कै तू का कौरे, औरौ हांव जाणुए कै तुऐं ऐकी दुजैआरी प्यार कौरौ औरौ तुऐं मुं पांदी मोजबूती शै भोरोशा कौरौ। हांव जाणुए कै तुऐं कैशै ऐकी दूजै कै मौदद कौरे, औरौ तुंआरी सैहणौ कै योग्यता बै जाणुए। हांव जाणुए कै तुऐं ऐबै इनु भले कामौ कै तैसी सौमय शै जादा कौरे लौवै जोबै तुऐं मुं पांदी आगलै बैई बिशवाश कौरा थिया।

प्रकाशितवाक्य 2:2

हांव जाणुए कै तू का कौरे, तू कैशै मैहनत कौरे औरौ कौलोंई हार ना मानै; हांव जाणुए कै तू बुरै लोगौ कै झूठी शिक्षाओं कै सैहन ना कौरे। तुऐं तिनु लोगौ कै जांचै राए जू बौल़ौए कै सै चोणेयौंदे चैलै औसौ पौरौ सौथीखै आथी ना, औरौ तुऐं तिनु झूठै पाए राए।

प्रकाशितवाक्य 3:10

तुऐं मैरै सौंदेश कै मानै राए ताकि जोबै तू दुख उठाए तौ तिनु सब्र लैई सैहन कौरे सौकै। इयौंई बौजैह शै, हांव ताखै बौड़ी परीक्षा कै सौमय दा तैरी रक्षा कौरदा। परीक्षा का ऐजा सौमय इयौं दुनिया कै सौब लोगौ पांदी आन्दा।

प्रकाशितवाक्य 3:3

तियौं शिक्षा कै याद कौर जू तुऐं बैजाए औगौड़ियौ शौणै राए थै औरौ बिशवाश कौरे राए थिया। जू ताखै शिखाए राए थियु तिथकै पौछौड़ियौ चाल, आपणै गौलत कामौ शै पाप कौरणै छोड़े दै। जै तू गौलत काम कौरेया कौरे तौ हांव एकदम आन्दा, जैशै ऐक चोर आंव, औरौ तू तैसी सौमय खै बै ना जाणै सौकदा जौल़ौ हांव ताखै सौजा दैणौ कारिए आए जांदा।