प्रकाशितवाक्य 12:4 - सिरमौरी नौवाँ नियम

⁴ औरौ तैसकै पूँछै गौयण कै तारै कै ऐक तिहाई खै खिंचैयौ धोरती पांदी फेरकाए दियै, औरौ सैजा बौड़ा अजगर तियौं बैटमाणिशौ कै सामणै खौड़ा हौए गौआ ताकि तियांरै बौच्चै खै पौयदा हौंदै ही खाए जांव।

Sirmouri

⁴ तेने बड़े अजंगर ऐ अस्माँनों शे ऐक च़ीज़ा हिस्सा तारे आप्णी लेंघह् लई, मेंठियों धर्ती गाशी फेरकाऐ दिते, अरह् तबे सेजा पाखों वाल़ा अजंगर तियों तिरंई के सहाँम्णें, जियाँरें नहाँन्ड़िया हंणों वाल़ो थियों, खड़ा हुवा, के जेई ईयों तिरंई के नहाँन्ड़िया पय्दा हंलो, तेई हाँव ईयाँरों सेजो नहाँन्ड़िया साबुत ऊँदो घुटी पाँऊबा।

प्रकाशितवाक्य 12:4 Iomraidhean Croise

यूहन्ना 8:44

तुऐं आपणै बापू शैतान शै औसौ औरौ आपणै बापू कै इछा खै पूरै कौरणै चांव। सै तौ आगै दा उंडा हथियारा औसौ, औरौ सै कौलोंई साचा ना थी, जिथुखै सौचाई तैसदै आथी ना, जौल़ौ सै झूठु बौल़ौ, तौ सै आपणै स्‍वभाव शै बौल़ौ, जिथुखै सै झूठा औसौ, औरौ झूठै का बापू औसौ।

1 पतरस 5:8

चौकश रौव, औरौ जागदै रौव, जिथुकै शैतान, तोंवारा दुशमन तुऔं पांदी वार कौरणा चांव ताकि तुऐं पौरमेशवर कै आज्ञा ना मानौ। सै हुंगरौणौवाल़ै शेरो कै जैशणा औसौ, जू आगै-पाछैदा दैखौए कै सै कोसी कै खाए सौकौ।

प्रकाशितवाक्य 12:7

तोबै स्वर्ग पांदी लोड़ाए हौए, पौरमेशवर कै मुख्य स्‍वर्गदूतौ मुंजीदै ऐकीए जैसकौ नांव मीकाईल औसौ, आपणै अधीन आणौवाल़ै ओकी दूतौ कै साथै, बौड़ै अजगर कै खिलाफ लोड़ाए लौड़ै। औरौ बौड़ा सांप औरौ तैसकै दूतै मीकाईल कै खिलाफ लोड़ाए लोड़े।

प्रकाशितवाक्य 12:9

इथकारिए तैसी औरौ तैसकै दूतौ खै धोरती पांदी फेरकाए दियै। ऐजा बौड़ा अजगर, सैजाई औसौ जू बैजाए सौमय औगौड़ियौ शोंगोऊं कै भैष दा दैखैयो थिया, जैसी शैतान या दोष लाणौ वाल़ा बै बौला जांव। ऐजा सैजाई औसौ जू इयौं दुनिया कै लोगौ खै धौखा दैंदा आए रौआ।

प्रकाशितवाक्य 13:2

जू राकस मोऐं दैखा, सै चीते कै जैशणा थिया, औरौ तैसकै लात भालू कै जैशणै, औरौ मुँह शेरो कै जैशणौ थियु। अजगरे ऐसी राकस खै आपणै शौकतै दैय दै औरौ धोरती पांदी राज्य कौरणौ का औधिकार दैय दिया।

प्रकाशितवाक्य 13:4

सौबी लोगै अजगर कै पूजा कौरे जिथुकै तैणै तैसी राकस खै औधिकार दैय राखा थिया, तिनुऐ तैसी राकस कै बै पूजा कौरे। तिनुऐ बौल़ौ, “कुणिए ओका तैसी राकस कै जैशणा शौकतीशाली ना आथी। कुणिए बै तैसीआरी लोड़े ना सौकौ।”

प्रकाशितवाक्य 16:13

इथकै बाद मोऐं तीन दुष्टआत्माओं खै दैखी जू मेंढक कै जैशणी दैखैयो थी। जू कै ऐक अजगर कै मुँह बाटी बायरै आई, ऐक आगलै राकस कै मुँह शै, औरौ ऐक दूजै राकस कै मुँह बाटी बायरै आई, यानी सैजा जैणै झूठा सौंदेश दैय राए थिया।

प्रकाशितवाक्य 20:2

तैणै अजगर कै यानी पुराणै सांपौ कै जैसी शैतान बै बौल़ौए, पाकड़ै पाए। तैणै तैसी बानै दिया औरौ तैसी गौढै उदा फेरकाए दिया, तैणै दरवाज़ा बंद कौरे दिया, औरौ तिथपांदी मोहर लाए दै ताकि तैसी ऐक हजार साल तौड़ी उंढा नी खौल़ौ। इथकारिए, तैसी सौमय कै दौरान, शैतान ऐक हजार साल तौड़ी लोगौ कै धौखा ना दैय सौकौ। तिथकै बाद, तैसी हौजौ थोड़ै सौमय कारिए रिहा कौरे दैंदै।

प्रकाशितवाक्य 8:10

तिजै स्‍वर्गदूतै तुरही फोकै, औरौ ऐक बौड़ा तारा जू मशाल कै जैशणा जौल़ौ थिया, स्वर्ग शै छुटा, इयौं बौजैह शै नोंदी कै ऐक तिहाई पांदी, औरौ तिनु ताजै पाणी कै औगल़ौ पांदी पौड़ौ।

प्रकाशितवाक्य 8:11

जैसी बौजैह शै पाणी का सैजा हिस्सा कौडुवा औरौ जैहरीला हौए गौआ। औरौ इथु पिणौ वाल़ै बौहितै कै मौत हौए गौए, औरौ तैसी तारै कौ नांव कौडुवा राखै गौआ।

प्रकाशितवाक्य 8:12

चौथै स्‍वर्गदूतै तुरही फोकै, औरौ सुरज कै ऐक तिहाई, औरौ चांद कै ऐक तिहाई औरौ तारै कै ऐक तिहाई पांदी औरौ किछै टौकरोऊ औरौ नुकसान हौए गौआ, इथै तौड़ी कै, दूसौ कै ऐक तिहाई सौमय तौड़ी सुरज ना चौमकी औरौ चंद्रमा औरौ तारै रात कै ऐक तिहाई सौमय तौड़ी ना चौमकी।

प्रकाशितवाक्य 8:7

आगलै स्‍वर्गदूतै आगलै तुरही बौजाए, तौलोंई लोऊ लैई मिलीयौंदी बौहितै सारी शौरू कै बौरखा औरौ आग धोरती पांदी छुटै। इयौं बौजैह शै धोरती का ऐक तिहाई हिस्सा जौल़ै गौआ, औरौ ऐक तिहाई हिस्सा डाल़ो का जौल़ै गौआ, औरौ सौबै हौरो घास बै जौल़ै गौ।

प्रकाशितवाक्य 8:8

दूजै स्‍वर्गदूतै तुरही फोकै, ऐशै किछै जू ऐक बौड़ै जोल़ेयौंदे पाहाड़ कै जैशणा दैखियौं थियु, समुन्द्र दौ रिड़ै गौ। इयौं बौजैह शै समुन्द्र बै ऐक तिहाई लोऊ हौए गौ,

प्रकाशितवाक्य 8:9

समुन्द्र दै रौणौवाल़ै ऐक तिहाई जानवर मौरे गौवै। इथुवै समुन्द्र कै ऐक तिहाई जहाजो खै बै नाश कौरे दियै।

प्रकाशितवाक्य 9:10

तिनकै बिछुओं कै जैशणै पूँछ औरौ डंक थिए। सै आपणै पूँछ कै डंक कै साथै पाँच मीनै तौड़ी लोगौ खै नुकसान पोऊंचाणौ दै काबिल थिए।

प्रकाशितवाक्य 9:19

पौरौ तिनु घोड़ो कैई लोगौ खै मारणौ कारिए दौ जौई चीज़ौ थी, आगलै तौ सैजी जू तिनकै मुँह शै निकल़ौ थै, दूजै तिनकै पूँछो दै थी। जिथुकै तिनकै पूँछ शोंगोऊं कै जैशणी थी, तिंदै लोगौ खै काटणौ कारिए मुंड थिए।