प्रकाशितवाक्य 12:10 - सिरमौरी नौवाँ नियम

¹⁰ तोबै मोऐं स्वर्ग दै कोसी कै जोर शै ऐजौ बौलदै शुणा, “ऐबै अमारा पौरमेशवर आपणै लोगौ कै बौचांदा! औरौ ऐबै सै आपणी शौकतै का इस्तैमाल कौरदा औरौ राजा कै भैष दा राज कौरदा! ऐबै तैसका मसीह दुनिया पांदी आपणै औधिकार का दावा कौरदा! जिथुकै ऐबै शैतान अमारै पौरमेशवर कै सामणै खौड़ै हौयौ अमारै बिशवाशी भाईयों पांदी दूसौ-रातै दोष ना लांदा। तैसी स्वर्ग पौरैशा बायरै फेरकाए राए।

Sirmouri

¹⁰ तबे मुँऐ कोसी स्वर्गो दा ऐजी घोष्णाँ जुराल़ी कर्दे शुणाँ: “ऐबे अमाँरे पंण्मिश्वर का छ़ुट्कारा मुँक्त्ति अरह् राज अरह् मसीया का हंक-अधिकार पर्गट हंऐ गुवा। किन्देखे के अमाँरे भाऐ-बंईणों गाशी दोष-कसूर लाणों वाल़ा, जुण्जा रात्ती-देसो अमाँरे पंण्मिश्वर के सहाँम्णें तिनू गाशी दोष-कसूर लाँव थिया तेसी ऐबे ऊदा फ़ेरकाऐ पाया।

प्रकाशितवाक्य 12:10 Iomraidhean Croise

मत्ती 26:64

यीशुए तैसकै बौल़ौ, “तुऐं आपी ही बौल़ै दियु; पौरौ हांव तुऔं खै ऐजौ बै बुलू: की ऐबै शै तुऐं मुखै आदमी कै बैटै खै सौबिदा शौकतीशाली कै सोऐं ढौबौ बौठैयौंदे राज कौरदै दैखलै, औरौ तुऐं मुखै स्वर्गो शा गौयणै कै बादल़ौ पांदी आन्दै बैई दैखलै?”

मत्ती 28:18

यीशुए तिनकै धोरे आयौ बौल़ौ, “स्वर्ग औरौ धोरती का सारा औधिकार मुखै दैय राए।

मत्ती 6:10

‘तैरा राज्य आंव। तैरै इछा जैशणै स्वर्ग दै पूरी हौंव, तैशैखैई धोरती पांदी बै पूरी हौंव।’

लूका 11:2

तैणै तिनु बौल़ौ, “जोबै तुऐं प्रार्थना कौरौ तौ ऐशैकै बौलेया, ‘ओए रै पिता, तैरौ नांव पवित्र मानौ जांव, तैरा राज्य आंव।

लूका 22:31

“शमौन, ओए रै शमौन! शुण, शैतानै पौरमेशवर शै तुऔं लोगौ कै परीक्षा लोणो कारिए इजाज़त मांगै राए कै आछै औरौ बुरै लोगौ कै जौई कौरौ, जैशैखै ऐक किसान गियुँ शै भूसो कै जौई कौरौ।

1 कुरिन्थियों 5:4

ऐजौ सैजौ औसौ जू तुऔं कौरणौ जौरुरी औसौ। बिशवाशियौं कै जैशणै कौठै हौए जांव, ऐजौ जाणैयौ कै तुऔं कैई सौथीखै अमारै प्रभु यीशु मसीह का औधिकार औसौ औरौ ऐजौ ऐशैखै औसौ कै हांव बै तैसी जौगैह पांदी मौजूद औसौ। औरौ तोबै बै प्रभु यीशु कै औधिकार कै दवारा,

2 कुरिन्थियों 12:9

औरौ तैणै मुखै बौल़ौ, “मैरा अनुग्रह तैरै खातिर काफी औसौ, जिथुकै मैरी अनौखी शौकतै कमजोरी दी सिध्द हौंव।” इथकारिए हांव बौड़ै खुशी लैई आपणै कमजोरी पांदी घमण्‍ड कौरदा, कै मसीह कै शौकतै मुं पांदी छाया कौरदै रौंव।

तीतुस 2:3

तैशैखैई बुजूर्ग बैटमाणिशौ आरी तैशणा बर्ताव कौरौ जू पौरमेशवर कै प्रति भोक्‍ती का जीवन जियौं। सै निन्दा कौरणौवाल़ी नी हौणी चैंई, औरौ ना पिणौ वाल़ी हौणी चैंई; पौरौ ओकी खै आछी बातौ शिखाणौ वाल़ी हौणी चैंई।

1 पतरस 5:8

चौकश रौव, औरौ जागदै रौव, जिथुकै शैतान, तोंवारा दुशमन तुऔं पांदी वार कौरणा चांव ताकि तुऐं पौरमेशवर कै आज्ञा ना मानौ। सै हुंगरौणौवाल़ै शेरो कै जैशणा औसौ, जू आगै-पाछैदा दैखौए कै सै कोसी कै खाए सौकौ।

प्रकाशितवाक्य 11:15

जोबै सातवें स्‍वर्गदूतै तुरही फोकै, तौ मोऐं स्वर्ग दी बौड़ी धाव मारदै बैई शुणा: “दुनिया दा ऐबै हौजौ कुणिए ना आथी जू राज कौरौ। सिरफ अमारा प्रभु पौरमेशवर औरौ तैसका चोणेयौंदा मसीह। औरौ सै हमैशा-हमैशा कारिए राज कौरदा।”

प्रकाशितवाक्य 2:26

सैजै लोग जू जीत हासिल कौरौ, औरौ जू आखरी सौमय तौड़ी मैरी आज्ञा खै मानौ, हांव तिनु देशो पांदी राज्य कौरणौ का औधिकार दैंदा।

प्रकाशितवाक्य 7:10

औरौ जौरौ कै धाव दैयौ बौल़ौए, “अमारै पौरमेशवर कै बौड़ाए हौंव जू सिंहासनों पांदी बौठैयोंदा औसौ, औरौ मेम्ने कै बौड़ाए कौरौ! सिरफ तू ही औसौ जू मोक्ति दैय।”