प्रकाशितवाक्य 11:9 - सिरमौरी नौवाँ नियम

⁹ औरौ सारै गोत्रो, सारै भाषाओं, सारै ठाँव औरौ राज्य मुंजीदै लोग तिनु दो गवाहो कै लाशो कै साढ़े तीन दूसौ तौड़ी दैखदै पौरौ सै कोसी खै बै तिनकै लाशो कै दबाणो कै रजामंदी ना दैंदै।

Sirmouri

⁹ बादे लोगो अरह् कुल़ो अरह् भाषा अरह् जात्ती-जात्ती के लोग तिनके मुँड़्दे साढ़े च़ींन देसो तोड़ी देख्दे रंह्ले, अरह् तिनके मित्त्के खात्ती दे थंणों ने देले।

प्रकाशितवाक्य 11:9 Iomraidhean Croise

मत्ती 7:2

जिथु जैशैखै तुऐं दोष लांव, तैशैखैई पौरमेशवर तुऔं पांदी दोष लांदा, औरौ जैशैखै तुऐं ओकी का न्याय कौरौ, तोंवारा बै न्याय हौंदा।”

प्रकाशितवाक्य 10:11

तोबै मुखै ऐजौ बौल़ौ, “तू जौई-जौई गुट औरौ देश कै लोगौ, जौई-जौई भाषा बौलणौ वाल़ै कै औरौ राजाओं कै ऐक बैई हौजौ बौता, जू पौरमेशवर ताखै बौताणौ कारिए बौल़ौए।”

प्रकाशितवाक्य 11:11

पौरौ साढ़े तीन दूसौ कै बाद पौरमेशवरे तिनुदै आपणै साँस पाए औरौ सै जियुंदी हौए गौवै; औरौ सै खौड़ै हौए गौवै, औरौ सैजै सौबै जिनुवै दैखौ कै सै ऐबै औटेयौ जियुंदी थिए, बैजाए घबराए गौवै।

प्रकाशितवाक्य 13:7

राकस कै आपणै बारै मुंजी जोशीणौ का औधिकार भैटा, कै पौरमेशवर कै पवित्र लोगौ कै साथै लौड़ौ, औरौ तिनु हरांव, औरौ तैसीखै लोगौ कै ऐक इशैक बौड़ी भीड़ औरौ हरेक कुल, लोग, भाषा औरौ जाति शै थिए तिनु सौबी पांदी औधिकार दैय गौआ।

प्रकाशितवाक्य 17:15

स्‍वर्गदूतै मुंकैई ऐजौ बै बौल़ौ: “जू पाणी तुऐं आगै दैख राए थियु, जिथपांदी सैजी वेश्या बौठै रौए थै, सै सारै दुनिया कै लोगौ खै, कैई देश कै लोगौ खै औरौ कैई तरह कै लोग, जाति, देश औरौ भाषाओं खै दिखांव।

प्रकाशितवाक्य 5:8

जोबै तैणै किताब कौरे पाए, तौ सैजै चारै प्राणी औरौ चौबीशौ पुराणिया तैसी मेम्ने कै सामणै झौकै गौवै; हरेक पुराणियाए ऐक बीणा औरौ सूनै लैई बौणेयौंदा छाना पाकड़ै राए थिया। छाना धूप लैई भौरेयौंदा थिया जू पौरमेशवर कै पवित्र लोगौ की प्रार्थनाओं खै दिखांव।

प्रकाशितवाक्य 5:9

तिनिए ऐजौ गीत मेम्ने यानी यीशु मसीह कै बारै मुंजी गाए लो थियु, “तू इयौं किताब कै मोहरो खै तौड़णौ औरौ इयौं खौलणौ का औधिकार राखै।” तिनुऐ ताखै बलिदान कौरे राए थिया औरौ तैरै लोऊए जू क्रूसो पांदी बौवाए राए, लोगौ खै छुड़ाए दियै ताकि सै पौरमेशवर शै सौमबंधित लोग बौणै जांव। ऐजै लोग सौब गोत्रो, सौब भाषाओं, सौब ठाँव औरौ सौब राज्यो शै औसौ।