प्रकाशितवाक्य 11:10 - सिरमौरी नौवाँ नियम

¹⁰ तिनकै मौरणौ शै आगै, तिनु दो गवाहै पौरैशानी लैई लोगौ कै इशैक पौरैशान कौरे राए थिए कै जोबै लोगै शुणु कै सै मौरे गौवै, तौ सै बैजाए खुश हौए गौवै। इशैक कै सै खुशी शै जशन मौनांदै लागै, औरौ ऐकी-दूजै कै तौफे दैंदै लागै।

Sirmouri

¹⁰ धर्ती दे रंहणों वाल़े, तिनके मँर्णों शे आँनन्द-खुशी अरह् मंगन हले, अरह् ओका ओकी कैई भेंट डेयाल़्ले, किन्देंखे के ईनू दुईनें बरंम्बाँणीं कर्णो वाल़े धर्ती दे रंहणों वाल़े लोग सताऐ थुऐ थिऐ।

प्रकाशितवाक्य 11:10 Iomraidhean Croise

मत्ती 10:22

औरौ तुऐं मैरै चैलै औसौ इथकारिए सौबै लोग तुऔंआरी बैर कौरलै; औरौ जू आपणै मौरणौ कै सौमय तौड़ी मुं पांदी भोरोशा राखलै पौरमेशवर तैसीकै बौचाल़ा।

यूहन्ना 16:20

हांव तुऔं साचौ-साचौ बुलू; तुऐं मैरै मौरणौ कै बाद रुलै, औरौ दुख दै रौलै पौरौ दुनिया कै लोग खुशी मनांदे, तुऔं शोग हौंदा, पौरौ जोबै तुऐं मुखै होटेयो जियुंदा दैखलै तौ तोंवारा शोग खुशी मुंजी बौदलै जांदा।

यूहन्ना 7:7

दुनिया कै लोग तुऔं शै बैर ना कौरे सौकौ पौरौ सै मुं आरी बैर कौरौ, जिथुखै हांव तिनकै खिलाफ दो ऐजौ बुलू, कै तिनकै काम बुरै औसौ।

प्रेरितो कै काम 5:33

ऐजौ शोणेयो सभा कै सदस्य गुस्से हुवे औरौ चोणेयौंदे चैलै कै मारणा चांव थिए।

1 कुरिन्थियों 13:6

जोबै लोग गौलत कामौ खै कौरौ तौ सै खुशी ना हौंव, पौरौ जोबै लोग सोही औरौ साची काम कौरौ तौ सै खुशी हौंव।

प्रकाशितवाक्य 12:13

जोबै बौड़ै अजगरे महसूस कौरौ कै हांव धोरती पांदी गिराए गौआ, तौ तियौं बैटमाणिशौ खै जिंयारै बैटा हौए रौआ थिया, तियौं का पीछा कौरा।

प्रकाशितवाक्य 13:14

बैजाए सारै लोग औकै राकस कै तिनु अनौखै कामौ शै चकित हौयौ धौखा खाया जू सै आगलै राकस कै शौकतै शै दिखांव थिया। दूजै राकसै लोगौ खै बौल़ौ कै सै तैसी आगलै राकस कै पूजा कौरणौ कारिए मूर्ति बाणौ, जू हथियार शै घायल हौए गौआ थिया, पौरौ औटेयौ ठीक हौए गौआ थिया।

प्रकाशितवाक्य 13:8

धोरती पांदी रौणौवाल़ै सौबै लोग तैसकै पूजा कौरदै लागै। सिरफ तिनु लोगै तैसकै पूजा ना कौरी जिनकै नांव दुनिया कै बाणै जाणै शै आगै ही जीवन कै किताब दै लिखै राए थै। ऐजी जीवन कै किताब तैसी मेम्ने कै किताब औसौ जैसी बलिदान कै रुप दै मारै गौआ थिया।

प्रकाशितवाक्य 16:10

पाँचवें स्‍वर्गदूतै जू तैसकै डौंगै दो थियु सैजौ तैसी राकस कै राज्य पांदी रिताए दियु, औरौ सैजा राज्य जिथपांदी राकस राज्य कौरौ थिया इनारै वाल़ा हौए गौआ। लोग आपणी जीभ काटदै लागै जिथुकै सै तिनु पीड़ो औरौ फोड़ो कै सैहन ना कौरे सौकौ थिए जू पीड़ो सै महसूस कौरौ थिए।

प्रकाशितवाक्य 3:10

तुऐं मैरै सौंदेश कै मानै राए ताकि जोबै तू दुख उठाए तौ तिनु सब्र लैई सैहन कौरे सौकै। इयौंई बौजैह शै, हांव ताखै बौड़ी परीक्षा कै सौमय दा तैरी रक्षा कौरदा। परीक्षा का ऐजा सौमय इयौं दुनिया कै सौब लोगौ पांदी आन्दा।