प्रकाशितवाक्य 1:18 - सिरमौरी नौवाँ नियम

¹⁸ हांव एकबेई मौरे गौआ थिया पौरौ ऐबै हांव जियुंदी औसौ औरौ हांव हमैशा जियुंदी रौंदा। दैख हांव युग-युग जियुंदी औसौ; मुंकैई मौत औरौ पताल़ की चाबी औसौ।”

Sirmouri

¹⁸ हाँव जीऊँदी असो; हाँव मँरी गुवा थिया, परह् ऐबे देखो, हाँव ज़ूगौ-ज़ूगौ तोड़ी जीऊँदा असो; अरह् मंऊँत्ती अरह् अंधलोक की ताल़ी-कुँन्जी मेरे हंक-अधिकार दी असो।

प्रकाशितवाक्य 1:18 Iomraidhean Croise

मत्ती 11:23

औरौ ओए रै कफरनहूम नगर कै लोगौ, का तू स्वर्ग तौड़ी ऊंचा हौंदा? तू तौ पताल़ो तौड़ी तौल़का जांदा, जू चौमत्कार कै काम तौंदै कौरे राए, जै सै सदोम शहर दै कौरदै तौ सै ऐलो तौड़ी बौणैयौंदे रौंदौ।

मत्ती 16:19

हांव ताखै स्वर्ग कै राज्य की कुंजीयां दैंदा: औरौ जू तू धोरती पांदी बान्ला, सै स्वर्गो दो बानै जांदो; औरौ जू किछै तू धोरती पांदी खोलला सै स्वर्गो दो खोले जांदो।”

लूका 24:5

जोबै सै डौरे गोई औरौ धोरती कै ढौबौ मुँह उदे झुकायो थी; तौ तिनुऐ तिनुखै बौल़ौ, “तुऐं जियुंदी कै मौरेयौंदे मुंजी काए जूओं?

यूहन्ना 11:25

यीशुए तियौंखै बौल़ौ, “हांव सैजा औसौ जू मौरेयौंदे लोगौ कै जिन्दगी दै पाछु लोऊ, औरौ हांव जीवन औसौ। इथकारिए जू कुणिए मुं पांदी बिशवाश कौरौ, जै सै मौरे बै जाला, तौ बै जियुंदी रौंदा।

यूहन्ना 14:19

तावल़ैई दुनिया कै लोग मुखै ना दैखदै, पौरौ तुऐं मुखै दैखलै, जिथु हांव औटेयौ जियुंदा हौए जांदा, औरौ इथकारिए तुऐं बै जियुंदै रौलै।

रोमियों 6:9

जिथुकै आमै जाणुए कै मसीह मौरेयौंदे मुंजीदा जिंदा हौआ औरौ हौजौ कौलोंई ना मौरदा। मौत का तैसी पांदी ऐबै कुणजाई औधिकार ना आथी।

2 कुरिन्थियों 13:4

सौथी कै सै कमजोरी कै हालत दा क्रूसो पांदी चौढ़ाया तौ गौआ, तोबै बै पौरमेशवर कै शौकतै शै जियुंदा औसौ, आमै बै तौ तैशणै ही कमजोर औसौ जैशै मसीह थिया; पौरौ पौरमेशवर कै अनौखी शौकतै लैई आमु तुऔंआरी बर्ताव कौरणौ कारिए तैसकै साथै जियुंदी रौंदै।

गलातियौं 2:20

हांव मानौ मसीह कै साथै क्रूसो पांदी मौरे गौआ। ऐबै हांव जियुंदी ना रोई, पौरौ मसीह मुं दा जियुंदी औसौ। औरौ हांव शोरीरो दा ऐबै जू जियुंदी औसौ तौ सिरफ पौरमेशवर कै बैटै पांदी बिशवाश कौरणौ कै दवारा जियुंदी औसौ, जैणै मुंआरी प्यार कौरा औरौ मुं कारिए आपणै जान दैय दी।

कुलुस्सियों 3:3

जिथुकै तुऐं तौ आपणै पाप कै स्‍वभाव दै मौरे गौवै औरौ तोंवारा नौवाँ जीवन मसीह कै साथै पौरमेशवर दा छिपैयौंदा औसौ।

इब्रानियों 1:3

बैटा ही पौरमेशवर कै महिमा कौ पेयाशो औसौ, औरौ तैसदा ही आमै दैखै सौकु कै पौरमेशवर कैशणा औसौ, औरौ सौबी चीज़ौ खै आपणै शौकतीशाली वचनो लैई संभाल़ो तैणै लोगौ खै तिनकै पापौ शै शुध्द कौरे, औरौ तिथकै बाद स्वर्ग दा महिमामय पौरमेशवर कै सोऐं ढौबौ बौठै गौआ।

इब्रानियों 12:2

आव आमै बिशवाश कै कर्ता औरौ सिध्द कौरणौवाल़ै यीशु खै बारै मुंजी सुंचदै रौं। तैणै तैसी आनन्द कारिए जू भविष्‍य दा तैसकै आगै राख राए थिया, लज्जा कै किछै फिकर नी कौरी, औरौ सै क्रूस का दुख सैयौ मौरे गौआ औरौ सौबीदै बौड़ै सिंहासन पांदी पौरमेशवर कै सोऐं ढौबौ बौठै गौआ।

इब्रानियों 7:16

यीशु कोसी खास आदमी यानी लेवी कै पीढ़ी हौणौ कै नियमौ औरौ शर्तो खै पूरु कौरणौ कै दवारा पुरोहित ना बौणी। पौरौ सै जीवन कै अमर हौणौ कै अनौखी शौकतै लैई पुरोहित बौणै गौआ।

इब्रानियों 7:25

इथकारिए जू यीशु कै दवारा पौरमेशवर कै धोरे आंव, सै तिनकै पूरी-पूरी मोक्ति कौरी सौकौ, जिथुकै सै तिनु कारिए बिन्ती कौरणौ खै हमैशा जियुंदी औसौ।

प्रकाशितवाक्य 10:6

औरौ जू हमैशा जियुंदी औसौ, औरौ जैणै स्वर्ग, धोरती औरौ समुन्द्र औरौ तिथमुंजी सौब ठुँ बाणै राए। तैसकै शौं खायौ बौल़ौ कै, “ऐबै कोसी बै बात कारिए हौजौ इंतजार ना कौरणा पौड़दा। ऐबै सैजी सौबै बातौ पूरी हौए जांदी।”

प्रकाशितवाक्य 2:8

स्मुरना शहर कै बिशवाशी लोगौ कै मंडली कै स्‍वर्गदूत खै ऐजौ लिख: हांव आगला औरौ आखरी औसौ, हांव एकबेई मौरे गौआ थिया। पौरौ ऐबै हांव जियुंदी औसौ, औरौ हमैशा जियुंदी रौन्दा, जू हांव ऐजौ बुलू तिथु शुणौ:

प्रकाशितवाक्य 20:14

सैजै सौब लोग जिनकै नांव जीवन कै किताब दो ना लैख राए थै, तिनु आग कै झील दै बैगाए दियै। इथकै बाद, ऐबै मौत ना आथी, ऐबै मौरेयौंदे का कुणजाई ठाँव ना आथी, जिथुकै सैजै सौब लोग जिनकै नांव जीवन कै किताब दै ना लैखै रैई थिए तिनु आग कै झील दै बैगाए दियै। इथुकै ही औकै मौत बौल़ै जांव, औरौ आग कै झील कै सौजा कै मौत बौल़ै जांव।

प्रकाशितवाक्य 3:7

फिलदिलफिया शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जू पवित्र औरौ साचा औसौ, सैजौ जैसी कैई दाऊद कै राज्य पांदी औधिकार औसौ। जै सै दरवाज़ा खोलो, तौ कुणिए बै तैसी बंद ना कौरे सौकौ। औरौ जै सै तैसी बंद कौरे दैंव, तौ कुणिए बै तैसी खोले ना सौकौ, हांव जू बुलूए सैजौ शुण,

प्रकाशितवाक्य 4:9

जू सिंहासन पांदी बौठै रौआ, सै सैजाई औसौ जू हमैशा-हमैशा कारिए जियुंदी औसौ। जियुंदी प्राणी तैसी महिमा औरौ आदर औरौ धन्यवाद दैंव। औरौ जोबै बै सै ऐशै कौरौ, तौ चौबीश पुराणिया तैसकै सामणै धैनै रिड़ो औरौ तैसकै आराधना कौरौ। सै ऐजौ बौलेयौ आपणै-आपणै मुकुट सिंहासन कै सामणै राखै दैंव,

प्रकाशितवाक्य 5:14

औरौ चोऊ प्राणीए “आमीन” बौल़ौ, औरौ सैजै पुराणिया झोकैयौ तैसकै आराधना कौरदै लागै।

प्रकाशितवाक्य 6:8

तोबै मोऐं ऐक पियौल़ा घोड़ा दैखा; घोड़े की शवारी कौरणौवाल़ै का नांव मौत औसौ। औरौ अधोलोक तैसकै पौछौड़ियौ-पौछौड़ियौ चालै रौआ थिया। औरौ तिनु धोरती पांदी रौणौवाल़ै हरेक चार लोगौ मुंजीदै ऐकी खै मारणौ का औधिकार भैटा। तिनुऐ तिनु तलवार शै मारै दियै, तिनुऐ तिनु भूख लैई मारै दियै, तिनुऐ तिनु बुरी-बुरी बीमारी शै मारै दियै, औरौ तिनुऐ तिनु जोंगली जानवरो शै बै मोरवाए दियै।

प्रकाशितवाक्य 9:1

जोबै पाँचवें स्‍वर्गदूतै तुरही फोकै, तौ मोऐं स्वर्ग शै धोरती पांदी ऐक तारा गिरदै बैई दैखा, औरौ तारै खै सैजी चाबै दैय गौए जू तैसी गौढै कै खोले सौकौ जिथकै गहराई का कौलोंई अन्त ना हौए सौकौ।